1
Ebi ukpẹ la feti a gbe re lẹ, iMeri Madalin bi iMari lo wi inyi iJemisi, bi iSalomẹ, e di iSpasi le rẹ rọ arlọ egbe si Jesu.
2
I se gbe bia, ukpẹ lo kpaou si iwiki, e ke rẹ lọ u idi e bo ovọ ke rẹ ji a re.
3
E ke rẹ gwe gbi ẹn, ọ kho lọ ke da ọ lu do shiọ ukpode re na ma, ma rẹ ọ ẹkẹ li idi.
4
E be ke rẹ gho ikhumi, e ke rẹ miọ a da o lu do shiọ kpodẹ re, ama o lu do gbai.
5
E ke rẹ owẹkẹ o li idi, e ke rẹ mio omokhe lọ gbe dọjọn lọ kwi uku lọ khaun ọ ja ofọ obọjọn, e ke rẹ nyu unu a.
6
O lo ya ke rẹ gwe mi ẹn, wo sẹ lo fẹ, Jesu ki wa kho, lọ i wazarini, la ri ọ miẹ shiọn o ke shọ re le, ọ ra an, gho ebia rọ fiọ
7
Ama, wa za khian, wa gwe mi ọdibo sọ bi iPitar lo ke yi ija o se yi iGalili, a in lu lị za miọ, ke bọ ke gwe mie.
8
E ke ji a re bi e ke la she idi re, o ke ni ẹn nu a, e sẹ gweta mio ya sọsọ ba mọi e ke lo fen.
9
Egbia si uki lọ gbon, e bọ ke re shọ re ọ kpọau re gbe miẹ iMeri iMadalini, re ji ọ lọ ke khwi e su ikhion fia.
10
O ke ọ gwe mie eya le kpa o re khia e nyọ e ke ke rẹ vie.
11
E ke khọn o ke ran agbọn ama iMeri ke mọi, e sẹ ke nyamai.
12
Ele mina ke gbe ria le, o ke re gbe miẹiẹn re khia ukpodẹ sọ ọdọda, e be ke rẹ khia ẹkẹ o lẹ wo.
13
E ke rẹ ọ gwe mie ọdibo sọ ọniọ, e kpe ke sẹ nyama.
14
Jesu kpe ọ re gbe mie odibo igbo ọ e be ke re ema e, o ke khien re khian ẹkẹ amiekhọn bi ukaka mi su udu si en ama e sẹ miekhọn ni ele mie ọn e bọ ke rẹ shọ re ẹkẹ e wu.
15
O re gwe miẹ i en, wa yẹ ẹkẹ agbon gbe gbe, wa we emo, so, Ọghẹna miẹ agbon gbe-gbe.
16
Ọ lọ ke mieekhon bi a ke rọ sa mẹ, a lọ ke sumiọ, amo ọ lo ke sẹ miekhan, a lo ria a.
17
Eli arẹmie lo ke re khia e le ke mieskhan, ẹkẹ eni mẹ e lo khwe su fia, e lo ke za zu ro lo gbọ.
18
Elo kha ẹ nyẹ yo obọ si en, e kha nyi eme lo mati gbo yah, o kha kheinye o se, e lo ke rọ abọ le o lo to ama egbe lo ke da i en.
19
E bo Ọghẹna ke rẹ gweta miẹ i ẹn le o ke rẹ yi ẹkẹ ukhume imi ama o ke re ja obọjọsọ Ọghẹna.
20
Idibo sọ ke re sho re bi e ke wie we emọ sọ Ọghẹna khian khian, Jesu bio bia re khia i ẹn, o ke re ekhi arẹmiẹ ri gi emọ so le gwe li eya rẹ miekhon yọ wọ