¹ U kpẹ eva khe ọọn la rẹ ekhẹn analẹ bi ukpe si isese. Ije eboreen bi e le ẹẹn Ọghẹna e zha khoo e be lọ rẹ ji Jesu ewu. ² E zha ghurẹ yọ e kha wọọn eghẹ-ghẹ isese li urloo vbare. ³ Eghẹ-ghẹ Jesu rẹ rie iBetani igwe isi iSimọni li ekhi, egbẹ-ghẹ Jesu ri ebe lo zha emie, ọkposo okpa ọ ga zhe ebọ dia bi ewi lọ ghaen lọ khia. Ọ kbọ li uko ya ọ rẹ khuọ yọ ukhumi sọ ⁴ Eya e sọ rẹ wọ le zha biohian. E ghuẹ ẹmọ egbe si yẹn, e khe rẹ ghue yọ we mọ zhe a re '̣ fuemina yẹ. ⁵ A kha mati shii ewi lo ya na gbera ukhumẹkpa si egho, la lo mati rẹ ni elẹshoon gbe. E khe rẹ khue ọnọ kposo. ⁶ Jesu rẹ yọ e, zọ obọ. E mọ zhẹ wa rẹ kpo-kpọ? ọ ekhe mọ khume nẹ mhẹ. ⁷ Wa mọ elẹshoon gbe use wa ẹghẹ-gbegbe ẹghẹ-ghẹ wa ọ khọọ udu wa, wa lọ mati wi emina le khume ni yẹn, wa ha zha mọ e mẹ eghẹ-gbegbe. ⁸ Ọ khe wi e mọ lọ mati ekhe, ọ khe orlọegbe sẹ mhẹ ẹghẹ-ghẹ ivbioemi. ⁹ Ata i ghue miẹ ẹėni, aji egbe-gbe la zha vbie-vbie emọata, ji agbon eghe-gha, a mọ okoso na wu lọ zha ye-ore. ¹⁰ Ama, iJudasi Iscarioti otọkpa si a le igbeva, ọ gi ije eboreen lọ lọ shi Jesu ni. ¹¹ Ẹghẹ-ghẹ e li ije eboreen rẹ khọọn, e zha ghọghọ, e khe rẹ yama e lọ ri egho na. Ọ khe zha khoo e bọ lọ rẹ shọọ ni yẹ. ¹² Ukpẹ lọ kpa-o, si ọsuako, le rė zhi-izobo si ukpe isese si okhuẹni, idibo so ghue miẹ ọ, "E bu khoo ma khie ya, lu zha ẹẹ ukpe isese?" ¹³ Ọ ji odibo sọ eva, o khe re ghue miẹ yẹn, "Wa yi ẹke ẹwo, omokhe lọ ga wa zhe, wa rẹ khion. ¹⁴ Ọ kha o igwe wa reẹ khion, wa ghue miẹ ọ lọ mọ igwe, 'E ghui ẹkẹwe si olovbie lọ lọ zha ẹ̣ ukpe si isese yẹn bi idibo sọ.' ¹⁵ Ọ lọ rẹ miẹ vba ẹ kẹwe okhumi, vba khian ya na ma. ¹⁶ E li idibo sọ yọ ni ẹwo. E mi e emina eghe-gha lọ ghue miẹ yẹn, e khe rẹ khian emae si ukpe si isese yọ otọ. ¹⁷ Ẹghẹ-ghẹ enwa, ọ vbare bi e li igbava. ¹⁸ Ẹghẹ-ghẹ e khe rẹ dia gha e la agha, Jesu ghue re, "Ata i ghue miė ẹ, otọkpa la emae gua mẹ lọ gbemie." ¹⁹ I nyẹ eghe-gha delẹwo si ituegbe, E khe rẹ mia egbe yẹn ọ khe wu. ²⁰ Jesu nya-nyi, yẹ, otọkpa si e li igbeva li ma kho i osueko kugbe ọọn. ²¹ Owi ọmọkhe lo yi ukpodẹ ebe lo kunla yọ ọ lọ de. Akhue ọmọkhe no nọ lọ wi yọ ọ lọ gbe owi ọmọkhe e i okha khume a gha ze a sẹ wi ọlọya. ²² Ẹghẹ- ghe a zha rẹ emae, Jesu ro osueko, ọ khe rẹ khoji ọ li osueko ọ khe rẹ ro niẹẹn "Mie ọ na. O na e egbe mẹ." ²³ Ọ gbo lerumi yọ uko, ọ rẹ gbo rọ ni yẹn, nyẹ eghe-gha niọọ. ²⁴ Ogue miẹ yẹn, "Ẹro miẹ si olakhugbe i khọ na, ẹro mie ji eya gbegbe. ²⁵ Ata i ghue miẹ, i kha khe gbọ zha ikpẹkọmi na niọọ, ama ọ khi ukpẹ o lọ khe gbo niọọ ukhume-mi si Ọghẹna. ²⁶ Eghẹ-ghẹ e khe rẹ swi iyo na, e khe rẹ yẹ ukhumokọ si iOlives. ²⁷ Jesu ghue miẹ yẹn yọ e wawa eghe-gha lọ dekhua, e niọ i vbiọ yọ otọ, " I lọ zhi ajukọ muza bi izazawo yọ okhueen egbe; ²⁸ I kha khe khuaere ewu, i lọ khe irao kpuokho na yi iGalili. ²⁹ IPitar ghue miọ, eya eghe-gha kha rẹ dekhua, i kha de. ³⁰ Jesu ghue miọ, "Ata i ghue miẹ, enwa na a kpẹ khi ukhue si okhọkha, u lọ re miẹ dhẹ sẹ-erle. ³¹ iPitar ghue re, "Akha miẹ i lọ wu yọ ẹmọ sẹ, i kha rẹ dhẹ." ni ẹ eghe-gha yama iniọ. ³² A vbare a bha eshe iGethsemani, Jesu rẹ ghue miẹ idibo sọ, wa dia e ẹn mi gba-dua. ³³ iPitar, iJamisi bi iJọni, e rẹ khion yi e bọ lọ zha gba dua, ẹghẹ-ghẹ ni ọ khe ọkhon idamegho. ³⁴ Ọ ghue miẹ yẹn, oreghe mi eshọọn li khua lọ lọ ri ewu re. Wa dia e ẹn zha ghoon. ³⁵ Jesu bo yi idiọọ, o rẹ di khua yọ otọ ọ rẹ gba dua yọ e agaze ọ li a-ugo lọ mati ra ọ le. ³⁶ Ọ ghue rẹ era miẹ, emina eghe-gha e diọwọ ukpodẹ sẹ, ri uko si ẹshọn na siọ egbe mẹ re. Uhi mẹ kho, ama uhi sẹ ọọn. ³⁷ Ẹghẹ-ghe ọ khe rẹ vbare, ọ gha zhe e mhẹ khẹn, ọ khe rẹ ghue miẹ iPitar, "iSimoni omẹkhen u re? u kha mati ghuo khẹmẹ a-udoo ọkpa? ³⁸ Gba dua lu de-oo idamegho ³⁹ Ọ bo shọ re, ọ rẹ bọ gba dua, ọ rẹ gbo yẹ ẹmọ ni niọ. ⁴⁰ Ọ gbo vbare ọ rẹ gb o gi yẹn zhe e gbo mẹhẹn, ẹwo si yẹn khe zha khua yẹn e khe gb o e ẹ eme lọ ghue. ⁴¹ Ọ vbare ji yẹn ọzeyẹ, ọ rẹ khe gbo ghue miẹ yẹn, "Wa gbo mẹhẹn," ọkhume, ọ li a-ugo vbare! A khe ri owi ọmọkhe dẹ̣ obọ si eya le wi emina lọbe. ⁴² n Khuaere ma kian. Ghuo, ọya ọ lo rẹ mẹ dẹẹ ọ khe shi ki re. ⁴³ Ẹghẹ-ghẹ ọ rẹ gtbo ghue taa, iJudasi otuọkpa si e li igbeva, ọ vbare bi eya le bu le khua ọpai a rẹ khọen, bi ije ebureen, bi akowe. ⁴⁴ Nyẹnẹ, ọya lọ rọ dẹẹ o ri miẹ yẹn, ọ ghue re" ọya ⁴⁵ Ẹghe-ghẹ iJudas rẹ ghi Jesu zhe, ọ rẹ yoị ọlọmoema, ọ rẹ tirhe. ⁴⁶ E khe rẹ yi ebi Jesu e, e rẹ nwọ. ⁴⁷ Otọkpa ọ damuza e bi Jesu e, ọ ji ọpia sọ, o rẹ khien eho si ọviẹ si oborlen loguan. ⁴⁸ Jesu ghue miẹ yėn, "Wa diare bi elera le khua opia e rẹ wunmẹ." ⁴⁹ Ọ ne ghẹ i ra use sa wa, li rẹ nwẹre, wa ebazarluobo wa sẹ wu mẹ. O diọwo ọ li ukpodẹ la rẹ miẹ ẹmọ si Ọghẹna ọ sẹ wọ. ⁵⁰ Eya e zha rẹ e bi Jesu e, e la-akhọ. ⁵¹ Ọmọkhe ghuẹ̣, khui uku okunla, zha rẹ kian Jesu ọ li ẹghẹ-ghe a re wun ọ. ⁵² Ọ zhi ọ li uku ọkunla obọ, ọ rẹ la-akho bi egbe lọ ba. ⁵³ A wien Jesu yi iji si oborlen loguan, eledion bi akowe. ⁵⁴ Iyẹnẹ, iPitar rẹ khian ebọ ree ji udia si oborlen loguan. Ọdia shi ki eya le ri egbe mie erẹn. ⁵⁵ Iyẹnẹ, ije eboreenbi eya eghe-gha si iju, e zha khuo ẹmọ e lọ rẹ ji Jesu eluu. Esẹ mi ọsọso. ⁵⁶ Eya la bu ri ẹmọ la bu si ekhẹn vbare la rẹ ji Jesu ewu, ọsọ so sin yẹn wi ata. ⁵⁷ E so damuza e rẹ khuẹ ẹmọ lọbe yọ egbe sọ, e ghue. ⁵⁸ Jesu yọ e ȯ lọ gbion ya ebazarluobo, yọ ikpẹ-eya yọ ọ lọ gbo diọ. ⁵⁹ Iyėnẹ, ẹmọ si yẹn gbo wa ata. ⁶⁰ I je eboreen mia Jesu, "U mọ e mu lọ ghure? e mi imọkhe na ghue yọ egbe sẹ?. ⁶¹ Ọ vo unu, ọ sẹ gbo nyiẹni emina so. Ije eboreen gbo mia ọ "Ọ wẹ i Kristi;, owi Ọghẹna?" ⁶² Jesu ghure, "A li khian; wa lọ mi owi ọmọkhe lọ rẹ dia obọ-dion si eti ọ lọ gbo vbare okhumi ovio fure." ⁶³ I je eboreen sọọ uku sọ khua e re ghue, "Ma gbo khoo ọsẹyi? ⁶⁴ Wa khe khi e mọ ghue rẹ kian Ọghẹna. Emi wa mọ e?" E khe rẹ yọ la ji ọ ewu. ⁶⁵ Eya e so khe rẹ khuẹ-ẹse yọ ewo, e khe rẹ gbo fiọ emina, e rẹ khuẹ-ẹse yọ ewo, e khe rẹ gbo fiọ emina, e rẹ ghue miọ, "Ghure!" eli egbaluku e re nwọ yọ ebe zha gbọọ. ⁶⁶ Ẹghẹ-ghẹ iPitar ọ rẹ ose si ele eya, ọviẹ si ije eboreen ọ gha zha. ⁶⁷ Ọ mie iPitar e gbi eren ọ dia gha, ọ rẹ ghuo ọ. Ọ rẹ ghue, "U, zha ra u-se si Jesu si iNazareth. ⁶⁸ Ọ ghuere, e ẹ̣o e mu ghuere, ọ rẹ diare. ⁶⁹ Ọviẹ o wa gbo miọ o rẹ yọ e "Ọmọkhe na ọtọkpa si yẹn ọọn. ⁷⁰ Ọ gho suọo ni ẹmọ. Emọkhe e gbo damuza rẹ gbo ghue miọ "Otọkpa so i kho na, yọ iGalilian ọ wu." ⁷¹ Ọ khe zha khua e ọ ọ "I ẹẹn emina ọsọso wa ghue miẹ mẹ omokhe na. ⁷² Ọ li ọkho-kho khua se a. Iyẹnẹ, iPitar yere ẹmọ Jesu ghue miọ: "A kpẹ mi ukhua mi si ọkho-kho zheva, u lọ rẹ miẹ dẹẹ seya, "Ọ khe rẹ dere ọ rẹ vbiẹ.