¹ Ebi Jesu rhe khia shọ de wi ọsẹ, otọ kpa usẹ si rhẹ rẹ yọ "Ọlọ wie uwa, gho i do le humose bi igue le khumose!." ² Ọ rẹ yọ, "Uzẹ gwi oli igue li khua na a mi udo ọkpa la lọ zọ obọ kha fio egbe de le gbe yọ otọ." ³ Ebo rẹ dia ọkọ si o livu egbio alazaga iPitar, iJamisi, iJọni bi aduru mia ọ ulakhe, ⁴ "Gue mie ma, ẹghẹ alọ re miọ ema lọ rẹ e khi a lọ m iọ?" ⁵ Jesu rhẹ be ọrẹ gue miẹ iyẹ mọ fọ egbere li ọya te wa rhe. ⁶ Eya lọ fa rẹ eni me yọ wọ, 'me li khi ọ,' elọ te ele bu shọ ukode lese rhe. ⁷ Owe kha khi ohọ bi okheke si oho, de udure alọ mie na, ama ogbe sẹ ⁸ Ewo no ni ewo khọẹ ẹdẹ li ede khọe alọ mi oto lọ ha o khue agbọ o ebọ bu okhami fi. Ena li hi gbare si ewia si ọto le bu. ⁹ Fi esẹ ga egbe. Alọ nue gi ele gue zọ, alọ gbe wi alazaga le bu. Owe lo muza a o si ije bi oje ẹmọ mẹ, la bi arọ se yọ emọ ji rhe. ¹⁰ Ama alọ sẹ wewe kha ewo gbe-gbe le ra ọlagbọna. ¹¹ Akha nue la re niẹ e mae mu lọ ta. Ọ le ghe-ghe ni e mu lọ ta lọ de vhu mi rhẹ; ọkha kia owe lu gueta, ama eti lọ kua. ¹² Omio lọ ri omiọ si era bi iniọ ojirhe yi eze lo-lo mie e ẹ oreghe. ¹³ A lọza bio kha sẹ ra ri ẹmọme ama ọlọ khe da mọ izẹ egbe sẹ wọ lọ mọ asumegbe. ¹⁴ Ovbe kha mi uzua egheli otọ lọ ra omuza ebọ ke rhẹ zi ele ra iJudi la yi okhumi ọkọ. ¹⁵ zi ọlọ ra okpo khumi. Gue lo yi otọ ọ ọ ro emi nọ so khio igue re. ¹⁶ zi ọlọ ra ọdagbo yọ khiọ lọ vare ọ ro uku sọ. ¹⁷ Ama kwe o li hi ele mọ ọmọ bi ele kue ọmọ olọ ọli ẹdẹ! ¹⁸ Gbadua lọ khi eghe si ọkua kua. ¹⁹ Era lọ mi ẹmọ la bi ọ la gbe mie evi igbare ebi Ọghẹna rhe mi agbọ, ²⁰ Ebi Ọghẹna ke khi ọlu kpe ya, ba mọ ehu kha ke mọ amifa. Ama bamọ elọ hanọ, elo zẹ okhi ukpede a kede. ²¹ Oleghe ọya kha yọ ghọ ara Kiristi! gwo, ewọ ari lọ e ẹ ri u du yọ wọ. ²² Rari Kiristi lebe bi elaje lọbe lọ diare lọ bi obiọ ni unuya, lọ rhe tẹẹ, kpa-kpa gbo khi ela je lese. ²³ Fi ẹsẹ ga egbẹ! eke guemie wa eli emi nana yọ egheghe. ²⁴ Ama emọ kha gbe ra le ọleghe. Oli ovọ lo ki obi. Ọli u khi lọ ri uhiọ rhe, ²⁵ ukpae lọ de lọ kua wo okhumi. Ototo le ra i ohumi erimi lo za gwọ rege-rege. ²⁶ Elọ ke mi owi omohe vade bi ototo li kwa bo okha. ²⁷ Ọlọ yi ajuko sọ za kha ọ koki eloje rẹ wi a ji ele si efio sa gbọ, re za fo bọ si ọlagbọ na di fo bọ si ohumi. ²⁸ Iyẹnẹ egua wi ora si iFigi. Ebi ikabọ sọ ke de be kua, owe rhe oka ke si de. ²⁹ O we kha ke mie eliemina na ure khi ọke si de, egbu unuọ. ³⁰ Ata, iguọ na mie. Eya le ra wọ na kha ra le dokpa a miọ ọ le mọ na. ³¹ Ohumi erimi bi otọ agbọ na lọ ra le ama emọ li guere okpa kha ra le. ³² Ama rẹ ji ikpe ni bi ọli eghe-ghe ni, ami ọlọ rhẹ, ọke wi ajukọ le ra owa jena da owio, ama era do kpa. ³³ Ri e rọ egbẹ, ka ẹ o ya, ba mo owe rhe eghe lọ u. ³⁴ Ọke rẹ bi omohe lọ kha ukpode le wo. Ọfi igue sọ yi ori odobo sọ yọ ọligue, odobe bi obia sọ ọ gueme ọlọ rẹ eo khi asọ lọ ta ero ya. ³⁵ Ba mọ owe rhe eghe li ọlọ mọ igue lọ re va re ọ mati wi abi ewa, asọ, eghe li eọhọ rẹ vie da egbia. ³⁶ Oha bobọ vare ezọ gaze omẹhẹ. ³⁷ Emi guemie, iguemie oya gbe-gbe: tae o ya.!"