¹ Ebi Jesu rẹ bẹ ọ wẹẹ khai ẹkẹ ita, ọ guere "Ọ mohe ki upho ra ọ fie gaọ ọri oya lo gbe ro goọ yo wọ ọ ke rẹ lẹ wo. ² Ebọ ke rẹ sẹ ẹge la rẹ leẹ, ọ ji odobo sọ vare, ³ Ebge ejio khio re bi obo lọ ba. ⁴ Ọ ke gbe ji ne si re odobo owe, ejiee usẹ ukhumi eri ehọ wọ. ⁵ Ọ ji ọwe, ọna egbe ọ. Eke gbe ya le bu khia ukpodẹ okpa egbi eso khu egbi eso. ⁶ Ọke moi ọmọ ọkpa lo je, ọmo lọ khumekhe. Inyo lo pkukhokho lo je rẹ eyẹ. Ọ ta, "Elo ri ekpe ni owi me." ⁷ Ama ele ri elo khi emai la gua ye gbio yo, "Ọna li hi ọlọ lọ he ukhume re ze ma gboi li ma mọ oli emai." ⁸ Enwu ọ, gbo lo khu, fio dia re alo gue me e yọ. ⁹ Iyẹnẹ, ebi olo mọ emai la gtua lo ru? ọlọ ke vare ghue iyẹ ro okpe ri ọli oba gue emai yọ ni eye we. ¹⁰ O wẹ gbe zo. Wi ebe lo kua? udọ la khe khi, lo hi udo la re kpe ako si udo lo re muza. ¹¹ Ọna ke za obọ si oje vare, oki emẹ ni unu ya ero ma" ¹² Eva re ọ nwi Jesu fio igan, elo fe si ikokore, eke rẹ khi oke guọ oli tan na re rẹ ji rẹ, le se re zọ obọ khore. ¹³ Eji isi era vbore bi iHerodians le re nwọ yọ igan khia emọ si unu sọ. ¹⁴ Ebi ere va re, eyeọ, ọlọ re ma khia, ma re khi owe re uhi uke gbi aze lu gui ẹzọ uwie ukpode si Ọghẹna. Ero khi uhi li maza re kha ego ni ele mie ego gi olo ri ewo khia (isiza) or eye? ma kha rẹ?" ¹⁵ Jesu ke re oma ma si re lobe ọyi re; "Ebo kha wa dameme? ri iDenarius me fe ọ gho." ¹⁶ Eri okpa ji Jesu. Ọyire, "Ọ i khi ero bi eni ọma ra wọ?" e tai, "Isiza lo rawo. ¹⁷ Jesu yọ "Ri eme wi si isiza nai owe ri eme wi si Ọghẹna nai" ọnie unu a. ¹⁸ Li isiera yọ ubo, le yọ ami akhoakhore, ga ze emiọ eyọ, ¹⁹ Ori uwa khia imoshi si yẹ ma omie ọmọhe ke rọ okhi omiọ, le wi iyekha na, ²⁰ Etwi ikhiọ le wi omiọ; ye wọ olo kpaọ ro ọ kposo ọ khu owi ọmọ. ²¹ Oli ozeva ro ọ ọmọ i ọmọ na gbohi ȯzeya ọgbo mọ ọmọ na. ²² Ọ zi ikhirọ sẹ mọ ọmọ na, ọfo bọ sọ, oli ọkpo gbo u. ²³ Aha lo mi a khoakhore, eha khua egbe yo okhimi, olo mọ ọli okposo? yọ wọ omiọ ikhirọ ro oli okposo yọ oha." ²⁴ Jesu tai "Ona kho ze we mọ afidọ wa ma sẹ zi ebe lo khua lu wa rhe ototo si Ọghẹna? ²⁵ Yọ wọ ekha khua egbe ẹkẹ ekhu re, e kha rọ ọkposo da ari okposo ni omohe elo dia re bi ajuko le ra ukhumi erimi. ²⁶ Ama re ji olo khu la khuae. Ugbe zọ ebe si in O'Shea I, wi eghe-ghe lo gua re to, ebi Ọghẹna gueta ọyọ, "I ki Ọghẹna si iAbramu bi Ọghẹna si isiki bi Ọghẹna si iJecọb? ²⁷ Oke wi Ọghẹna si ele khu, ama ele ma agbọ. Wa ke mọ fio bọ dọ. ²⁸ Otọ kpa wi iscribes vare ọ khi eme za gwe ogaze khi Jesu. Ẹ guọre lẹse. Ọ mai ọ, ike gwi ukhi lọ kpa o eghegha?" ²⁹ Jesu guere, "Ọlọ kparo i khi họ iSirẹli oje li Ọghẹna okpa ọ ³⁰ Vlo khumeke si Ọghẹna rẹ kha udu sẹ oreghe se, bi ẹkẹ se, bi ototo sẹ; ³¹ Ọzi ewa sọ li khi ọ na, khumeke ozi eva sẹ bi egbe a mi uki ovbe lo gba lẹ e na." ³² Oli iscribe rẹ ta, "Ọlo ru wa khia! ugwi ata re khi Ọghẹna okpa ọ, yọ wọ ai mi oje ọwe gberea iyọ ³³ Lu re khume ke ọ bi udu sẹ be orhẹ sẹ bi ototo sẹ, bi mọ ikhumẹkẹ ji ozeva sẹ bi egbe, okhume le isa bi ẹze." ³⁴ E bi Jesu rhe mie khi ọ ri enia nie si egua yọ wọ, ọ uyọ rẹ jọ, "Ovbe re ji owa jena si Ọghẹna" eborẹ gue re le, ọya sẹ gbo mia eta. ³⁵ Jesu gbo guere, e bọ rẹ wie osẹ ebọ ma khia, "Li ele rhe Ọghẹna rẹ yọ Kiristi khi ovi iDavidi ọ? ³⁶ iDavidi legbo, ẹkẹ eti lọ khua ọ yọ, oje gueme Ọghẹna mẹ. dia obi ọjọ, sẹ eghẹ i ri ọbe sẹ khi alu le ague yọ: ³⁷ iDavidi le gbọ ọkwe tio "Ọje' ebu lọ tai kiristi ki ovi iDavidi?" a kokorẹ li kua ka ehọ a na. ³⁸ Ẹkẹ owie sọ Jesu yọ, wa ri ye yọ iscribe egbe, le kho li e za kwi iku le ghare le humeke orue ẹkẹ eki. ³⁹ Bi ẹ kho la ri ehe si oje ni rẹ bi abi eya li kua dia use si oje dia wi ala za ghọ-ghọ. ⁴⁰ Ẹrẹ gbi ele mọ odo eme mọ' khi igue e gbi adua lo tẹ la ze gwi rẹ eli mọ he ni na lọ mi khue ro li khua." ⁴¹ Iyẹnẹ Jesu dia alaza khai akhigbe wi ẹkẹ osẹ: Ọke za kho eya le ri ikpeghọ si rẹ fiọ ẹkẹ ọ. Ele bu le fue ri egho li khua yọ wọ. ⁴² Ebi ọlọ mọ ọdọ rẹ dia rẹ ọ le epini eva kuọ wọ, ọ ke ki ipeni. ⁴³ Ọ tie ele rẹ khaọ. Kho ọ gueme iye, ata li rẹ gue mẹ wa, ọlọ mọ ego lọ mọ ọdọ lọ ke rẹ yọ wọ le ọgha lọ ri ego fio okpa. ⁴⁴ Oghọgha rẹ re kha efie si rẹ, ama ọlọ mọ ọdọ. rẹ re ẹkẹ esiọ, ọ ri emọ mọe gbe-gbe fiọ wo."