¹ Pitaro eh Jesus aso manga lagid aya; mapasad, minilay skiyan sa langit na pitaro iayn, " Kadnan, miya uma so uras; piyapiya ingka so manga wata aka ka ungka iran mambo ka piyapiya eh oh manga wata aka-- ² datar okiya b'ginga r'kiyan sa kapasang ah langon para skiyan ih maka bgay sa niyawa ah dataman iyan ko langon ah apiya antona adn ah ini bgay nga rkiyan. ³ Giyaya so niyawa ah dataman iyan: na ska eh wajhib ah makilala iran, ah kaysa isa ah Kadnan, agu so sugoan ka ah si Jesu-Cristo. ⁴ Ska so biyantog akn sa lupa, maypos akn mapasad so manga sugo oka raki ah ini bgay nga raki ah suwaan akn. ⁵ Imanto, Kadnan, Bantoga akonga pd ah ginawa nga na bantobantog'n taman sa sisii ako rka bagonga pn adna so dunya. ⁶ Piyaki tukawan akn so ngaran ka ko manga taw ah ini bgay nga raki poon sa dunya. Skiran na r'ka; na ini bgay nga siran raki, na tatadman iran so kataro uka. ⁷ Imanto, kaatawan iran ah so mangap'd ko ini bgay ngaraki na katawan iran ah poon rka, ⁸ kagya so manga kataro ah ini bgay ngaraki -- na ini bgay akn rkiran ah manga kataro oto rkiran. Na tiyarima iran oto na kiyatukawan iran ah poon ako rka, agu miya maratiyaya siran sa saki so sugo oka. ⁹ Diyako di n'duwaa poon rkiran. Naba ako di n'duwaa poon ko dunya ka kagya parar'kiran aya ah ini bgay nga raki, kagya siran na rka. ¹⁰ Langon oh raki na rka, agu so manga rka na raki; biyantog ako kiran. ¹¹ Saki na naba sa dunya, kagya so manga taw aya na sa dunya, na saki na song rka. O Kadnan akn, pakatarg angka so ngaran ka ah ini bgay nga raki para skiran na magaayon, datar ta ah magayon. ¹² Taman sa mitatagp'da akn siran, paka pag iistidiin akn siran ko ingaran ka ah mingi b'bagay nga rakn, inipat akn siran, agu daba kiran kiyamarataan, ruwar ko wata oh kiyamarataan, ka an matuman so kasuratan. ¹³ Imanto na miyka talinguma ako rka; ugaid na miyataro akn aya sa dunya ka an siran kabaloy eh sa babaya ko miyanga susuwa iran ko ginawa iran. ¹⁴ Miyangi bgay ko kiran dn so mga kataro ka; so dunya na kiyararangitan kiran sabap sa naba siran sa dunya, laged bu oh naba ako sa dunya. ¹⁵ Naba ko dii pamangniin rka ah banga siran kuwaan dn sa dunya uway na ipat anga siran ko skanian uto ah marata eh adat. ¹⁶ Siran na naba phoon sa dunya, laged akn ah naba phoon sa dunya. ¹⁷ Ebtad ka kiran so ginawa nga ah bnar; so mga kataro ka na aya bnar. ¹⁸ Siyugo ako nga ko dunya, agu inisugo akn siran ko dunya. ¹⁹ Makapantag kiran na mingi b'tad akn rka ah ginawa akn ka an siran rka mambo maka btad ko bnar. ²⁰ Naba ako dii mangangadapan mipantag bu saya, ugaid na langon oh dii rakn dii s'la s'la ah dii maka titayan ko mga kataro iran ka ²¹ on langon siran dn na ma isa isa, ah laged ka, Ama, na sisii raki, agu saki na sii rka. Pangangniin akn ah langon siran dn ma isa isa ah an maka pangimbnar so dunya sa mingi sugo ako nga. ²² So bantugan ah mingi bgay nga raki na -- mingi bgay ko uto kiran, ka an siran ma isa isa, laged ta ah maiisa -- ²³ sakn na siran, agu ska na sakn, ka on siran maganap ah iisa; ka an katukawi ah dunya ah mingi sugo ako nga, agu piyaka taya ko siran, laged oh kiyapaka taya anga raki. ²⁴ Ama, so skiran uto ah mingi bgay nga raki -- kabaya ko na mitaling'p'da ko siran mambo apya anda ako dn matago, ka an iran mailay so daradat akn, ah mingi bgay nga raki: sabap sa pkababayaan ako nga sako dpn mabaloy so dunya. ²⁵ Ama ah b't'r, di ka katawan oh dunya, ugaid na ska na kilala akn; agu katawan oh mga giyuto ah mingi sugo ako nga. ²⁶ Piyaka payapat akn kiran so ngaran ka, agu pitharo ko uto ka an so babaya aka ah mingi b'gay nga raki na sii kiran mapadal'm, agu saki na makuwa iran.