¹ Sak'n so bnar ah kayo oh ubas ago so kadnan ak'n na skaniyan so phagipat ko ubasan. ² Phagadaan iyan raki so mga sapak ah di pagonga, ago plimpiyowan iyan uman eh munga ka on maka unga sa madak'l. ³ Skano ah limpiyo puon ko pitharo akn rkano. ⁴ Lalayon kano raki ka lalayon ako rkano mambo. Lagid oh sapak ah di phaka unga ko ginawa niyan, ruwar bo oh lalayun skaniyan ko kayo, na skano di kano mambo khapakay ah munga, ruwar bo oh lalayun kano rak'n. ⁵ Sak'n so kayo ah ubas, skano so mga sapak. Sa lalayun rakn na lalayun ako ron mambo, giya taw aya na pagunga sa madak'l, kagya da kasuwa suwa iyo oh da kano rak'n. ⁶ Sad'n sa di rak'n lalayun na, p'ki ithog skaniyan lagid oh sapak ah gango; p'timoon oh mga tao so mga raon ago ipagithog iran ko apoy, ago giyaya na p'totong'n. ⁷ Oh skano na lalayun kano rak'n, ago so mga katharo akn na lalayun rkano, pamang'ni kano dn sad'n sa kabaya iyo, ago paka pembarakat'n aya rkano. ⁸ Amay ka lagid aya na p'khababaya so kadnan na skano na pagunga sa madak'l na skano eh mga sugo-sugoan ak'n. ⁹ Lagid oh kap'khababayai rak'n oh kadnan, skano mambo na p'khababayaan akn malalayun kano ko babaya ak'n. ¹⁰ Oh tuman'n iyo so mga kasugoan akn, lalayun kano ko babaya ak'n lagid oh kiya tundog ak'n ko mga sugo-sugoan oh kadnan ago lalayunon so babaya. ¹¹ Pitharo ak'n aya rkano on so babaya ak'n na makasung r'kano ago on so babaya iyo na on maka piya. ¹² Giyaya so kasugoan ak'n, aya mapiya na kababaya'e inyo so mga ped iyo lagid oh kap'kababayae ko rkano. ¹³ Dap'n ah ped p'khababaya ah kiyalawanan iyan aya, inib'gay niyan ah ginawa niyan para bo ko mga layuk iyan. ¹⁴ Skano na mga layok ak'n oh siwa iyo so mga inisugo ak'n rkano. ¹⁵ Knaba akn skano dn p'thawag'n ah mga sugosugoan, kagiya di katawan oh mga sugosugoan eh p'swaaan oh kadnan iyan. Bithowan akn skano ah mga layok ak'n kagya phakitukawan ak'n rkano langon oh mga antunaon ah p'kakin'g ak'n ko kadnan. ¹⁶ Knaba skano ah minili rak'n kagiya sak'n eh minili rkano mingi b'gay rkano ago magistidi so kamapiyaan rkano. Giyaya na apiya antuna eh phamang'niin iyo ko kadnan ko ngaran ak'n, em'bagay niyan rkano. ¹⁷ Giyaya na mingi sugoan ak'n rkano, ah ginawa-e kano umani-isa. ¹⁸ Oh di kano p'kararangitan kano ah dunya, katawan niyo d'n ah kararangiran ako niyan bago kano niyan kararangiti. ¹⁹ Oh s'kano eh sa dunya, khababayaan kano ah dunya ko rkaniyan; kagiya knaba kano ko dunya, ago kagiya skano eh pinili ak'n ko dunya, kagiya s'kano na kataya ah ip'khaguwad kano oh dunya. ²⁰ Tanodi niyo so pitharo akn rkano. 'So sugosugoan na knaba mapuro adi so kadnan iyan'. Oh inilay ako iran, pagilain kano iran mambo; Oh tiyuntol iran so mga kabasa akn, tuntul'n iran mambo so rkiyo. ²¹ Suwaan iran langon ah mga kasuwasuwa eh rkiyo sabap sii ko ngaran akn ugaid di iran katawan antay sumiyugo rak'n. ²² Oh da ako maka uma ago mitharo rkaniran , di siran madusa; kagya samanan na da kirason iran ko kadustaan iran. ²³ So ip'kaguwad ako niyan na ipkhaguwad ako mambo oh kadnan. ²⁴ Oh da ak'n rkiran uton eh ikidiya sa look ko dap'n ah miyaka kidiyaron apiya antaa; na imanto siran maka galb'k sa kadustaan, kagiya samanan, lagid iran bo ah miya ilay ago ipkhaguwad ako iran ago so kadnan ak'n. ²⁵ Giyaya na p'khasuwasuwa ah katharo kag'ya on baloy ah barakat so misusurat ko kasugoan: Ip'khaguwad ako iran sa da sabap iyan." ²⁶ Amay ko makauma so mga karibatan ah inisugo r'kano puon ko kadnan, so malaikat ah kabnar, ah miyakapuon ko kadnan, phangim'nar skiyan rak'n. ²⁷ Phangimnar kano mambo kagya ped ako rkano puon p'n sa paganay.