¹ Uba niyo dairainon kal'kan so puso iyo. Simba-e niyo so Kadnan; Simbaan ako niyo mambo. ² Sa ingud oh Ama akn na madak'l ah walay; Oh naba bo gyuto, pitharo akn d'n rkano; sabap sa pagawa ako para pangbaal sa walay para rkano. ³ Oh pagawa ako agu pag riparado sa mga walay niyo, saki na kasoy paruman agu tanggap'n akn skano sa ginawa akn, para oh anda ako, skano na duduron mambo. ⁴ Katawan iyo eh lalan oh anda ako sung." ⁵ Pitharo eh Tomas ki Jesus, "Kadnan, di ami katawan oh anda ka sung, paanon ami katukawi eh lalan? ⁶ Pitharo eh Jesus rkaniyan, "Saki eh ukit, so bnar, ago so niyawa; dad'n ah ped ah pakasung sa Ama uway na makaphuon rakn. ⁷ Oh miyakilala ako nga d'n, kinang'lan na kilala nga mambo so Ama akn; Iganat imanto na kilala nga skaniyan ago miyalay ka skaniyan." ⁸ So pitharo eh Felipe ki Jesus, "Kadnan, ipakiilay ka rkami so Ama, na gyuto na mapiya rkami dn". ⁹ So pitharo eh Jesus rkaniyan, "Felipe, diba ah miyathay ako niyo dn ped, agu diyako ka p'n pkhakilala? Oh antaa eh miyakailay rakn, miyailay si Ama; angkaino ka map'tharo, 'Ipakiilay rkami so Ama'? ¹⁰ Di kano pangimb'nar ah saki na sii ko Ama agu so Ama na sii rakn? So diyak'n rkano di panaruon na diko tharuon knaba ko kabaya ah ginawa ak'n; uway, giyaya na so Ama ah kinuwa ako niyan ah skaniyan eh mimbaal ko mga gal'bek. ¹¹ Pangimb'nar kano rakn, ah saki na sisii ko Ama, agu so Ama na sii rakn; udi na, pangimb'nar kano rakn sabap ko mga gal'bek akn. ¹² Piyur baa so diyak'n di tharoon rkano, sad'n sa p'semba rakn, ko mga gal'bek ah diyak'n ding-gal'bek'n, suwaan iyan mambo ah giyaya diko ding-gal'bek'n; agu pangbaal skaniyan sa lawan saya ah mar'g'n ah gal'bek kagiya sakn na sung ki Ama. ¹³ Sad'n sa pamangniin ka ko ngaran akn, suwaan akn para ko Ama ay pkababayaan iyan so Wata. ¹⁴ Sad'n sa pangniin iyo ko ngaran akn, giyuto na pinggal'bek'n akn. ¹⁵ Oh pkababayaan ako niyo, pinggal'bek'n iyo so langon ah sugo akn. ¹⁶ Agu Simbaan akn so Ama, agu b'gan kano niyan sa satiman p'n ah mapiya gal'bek para skaniyan na sii rkano taman sa taman, ¹⁷ na so Malaikat ah kab'nar. Di skaniyan kapakay tanggap'n ah duniya sabap sa di skaniyan p'kailay udi na khakilala. Ugaid, skano, kilala niyo skaniyan, kagiya mithay rkano agu sisi-i rkano. ¹⁸ Naba ko skano itagak ah skano bo. Kasuy ako rkano. ¹⁹ Sa magaan ah alungan, diyako d'n kailay ah duniya, uway kailay ako niyo. Kagiya mauuyag ako, kauyag kano bo mambo. ²⁰ Sa gawii uto, katukawan iyo ah sisii ako ki Ama, agu skano na sisii rakn, agu sako na sisii rkano. ²¹ Sad'n sa ad'n rkaniyan so mga sugo ak'n agu di niyan dinggal'bek'n; skaniyan eh pkababaya rakn; agu skaniyan na p'kababayaan ako niyan na p'kababayaan oh Ama akn, agu pkababayaan akn skiyan, agu ipakiilay akn ah ginawan rkaniyan." ²² Pitharo eh Judas (knaba si Iscariote) ki Jesus, " Kadnan, antunaa eh miyasuwa oh ipakiilay nga a ginawa nga sa rkami uway na naba sa duniya?" ²³ Sumimbag si Jesus agu pitharo iyan rkaniyan: " Sad'n sa mababaya rakn, p'nggal'bek'n iyan so diyak'n di taruon. Kababayaan skaniyan oh Ama akn, agu skami na sung rkaniyan agu pangbaal kami sa walay ami ped skaniyan. ²⁴ Sad'n mambo sa naba raki pkababaya na di niyan p'nggal'bek'n so mga katharo akn. So katharo ah pkakin'g ka na naba rakn, ugaid ki Ama ah sumiyugo rakn. ²⁵ Pitharo ak'n r'kano d'n ah mga bagay aya, taman sa uyag-uyag ako p'n ah kap'd iyo. ²⁶ Ugaid, so mga mapiya eh adat ah mga malaikat na ipapadala eh Ama rakn ah ngaran na pamadu rkano ko langun ah mga bagay agu ipakituos so langon ah pitharo ko rkano. ²⁷ Kalilintad ah imbagak akn rkano; im'bgay akn rkano so kalilintad akn. Di ko aya ipam'm'gay laged oh kapam'm'gayan ah duniya. Di niyo ip'ndarainon mabinasa so mga puso iyo, agu di ako p'kal'kan. ²⁸ Miyakineg iyo so pitharo akn? "Pagawa ako, agu kasuy ako rkano'. Oh inipamamantag ako niyo, pkababaya kano sabap sa sung ako ki Ama, kagiya so Ama na lawan sa mapuro udi rakn. ²⁹ Imanto miyatharo akn rkano taman sa dap'n mauma para oh khauma aya, skano na kapakay ah mangimb'nar. ³⁰ Diyako d'n phanaro rkano, kagiya pakauma d'n so wata ah sultan sa duniya aya. Da ba niyan rak'n kagaga, ³¹ uway para katukawan ah duniya ah p'kababayaan akn so Ama, diko dinggal'bek'n so ip'sugo rakn oh Ama, laged upama oh kiyab'gay niyan rkan sa suguan. Pam-tin'g kano d'n, mawa tano d'n sa ingud aya."