¹ makan'm gawii bago mauma so Kanduri, sumiyong si Jesus sa Bethania, ko anda ron si Lazaro ah inuyag iyan makaphuon ko kapatay. ² Na piyaganan iran s'kiyan sa igagabi roo, ago si Marta eh p'tayod ron, sarta ah si Lazaro na maaped ko muuntod ko lamisaan ped si Jesus. ³ So kiyapasad uto na kuminuwa si Maria sa tagu-ay sa kamotan ah piyur ah nardo ah maka eh arga, ago tiyaguaniyan non so ae eh Jesus ago piyunasan niyan so bok ago so ae niyan, ago miyap'no so langon ah lusod ah walay ah baw oh kamotan. ⁴ Si Judas Iscariote, ped ko mga sugusuguan niyan ah thalikudan iyan bo skiyan, na mitharo, ⁵ "Inu aya di phasaan ah kamotan aya ah tlo gatos ah dinario ago imb'gay ko mga pobre. ⁶ Imanto, pitharo iyan aya, k'naba sa ad'n ah gagaw niyan ko mga pobre, kagiya skaniyan na t'khaw: skaniyan eh kumakap't ko tagu-ay sa perak, ago pkhuwaon sa maito maito para ko ginawa niyan. ⁷ Pitharo eh Jesus, " Pakandayaan d'n ah mib'gay niyan sa sad'n sa kabaya iyan para ko gawii ah l'beng ak'n. ⁸ Lalayon iyo ped so mga pobre, uway na k'naba ako niyo lalayon mip'taling'p'da." ⁹ Imanto, kiyatukawan oh kadak'lan ko mga Judio ah duduroo si Jesus, ago skaniyan na miyakauma, k'naba bo sabap ki Jesus, ugaid na di siran di panginam ah mailay iran si Lazaro ah inuyag eh Jesus uriyan oh kiyapatay niyan. ¹⁰ So mga p'khaunotan ko mga pari na ditabang tabang sa kapatay eh Lazaro, ¹¹ kagiya skaniyan eh phuonan inu madak'l ah mga Judio ah miyamangawa ago miyangungunotan ki Jesus. ¹² So miyakatalunduga ah gawii, madak'l ah miyakatalinguma ah mga taw para ko kalilimod. So kiyan'ga iran a pakauma si Jesus sa Jerusalem, ¹³ miyanguwa siran sa mga sapak ah kayo ah palma, ago luminiyo siran ka pagalawn iran skiyan sarta ah di iran dii p'lalis: "Oh bo skiyan! Linimo skiyan ah makatalinguma skiyan ko ingaran oh Kadnan, so Datu oh Israel!" ¹⁴ Miyailay eh Jesus so asno, ago miyuntod skaniyan non, lagid oh misusurat, ¹⁵ "Dika p'kalek, mga wata ah babay oh Sion, ilayanga, so Datu oka na phakauma, muuntod ko nati ah asno." ¹⁶ Di kasabutan oh mga sugu-suguan iyan ko paganay, ugaid na so kiyapamarakat eh Jesus, kiyatad'man iran ah gyuto d'n so misusurat ah kasuwa-suwa iyan ago ikidiya iran ron. ¹⁷ Imanto so madak'l ah mga taw ah minipagunuta eh Jesus so kiyatawag iyan ki Lazarus ah pakaliyuon niyan ko l'b'ngan ago inuyag iyan skiyan ko uriyan ah kiyapatay niyan na miyakapangimb'nar so mga ped. ¹⁸ Giyaya bon eh sabap ah kiyaliyo oh mga taw sabap sa pagalaw niran skiyan sabap sa miyan'g iran ah siwa iyan so gyuto ah mga tanda. ¹⁹ Na mitharo so umani-isa ko mga Pariseo: Ilaya niyo, dad'n ah ba niyo kagaga; ilaya niyo, so kalangu-languan na pangungutan rkiyan." ²⁰ Imanto, na ad'n ah mga ped ko mga Griyego ah tumiyak'deg para sambayang ko kalilimod. ²¹ Miyubay siran ki Felipe ah phuon sa Bethsaidan ah Galilea, ago inizaan iran skiyan, "Orak, Kabaya ami mailay si Jesus." ²² Sumiyong si Felipe ki Andres ago pitharo iyanon; si Andres na sumiyong ah ped iyan si Felipe, ago pitharo iran ki Jesus. ²³ Simbag iran si Jesus ago pitharo iyan, "Mitakatalinguma d'n so oras ah so wata oh taw na simbaan. ²⁴ B'nar ah diko rkano tharuon, aya tabiya na so unod ah trigo na maulog sa lupa na matay, giya'e na lalayon d'n ko ginawa niyan sa skaniyan bo, ugaid na oh giyaya na matay, na pagunga sa miyakadak'l dak'l. ²⁵ So pkababayaan niyan ah ginawa niya na magaan kadaan sa niyawa, ugaid na so ipkaguwad iyan pman ah kauuyag iyan sa dunia na lalayon d'n skaniyan ko da ah taman ah kauuyag-uyag iyan. ²⁶ Sad'n sa mangungutan rak'n, paratiyaya raki, ago apya anda ako matatago na duduron mambo. Sad'n sa miyangungunutan rak'n na balasan skaniyan oh Ama. ²⁷ So niyawa ak'n na did'n mapaparo imanto, "Antunaa eh p'tharuon akn? 'Ama, tabangiya ko nga sa imanto ah oras'? Ugaid na mipuon saya, na sasaya ako sa imanto ah oras. ²⁸ Ama, pakambarakata nga so ingaran ka." Ko mapasad na ad'n ah miyan'g iran ah suwara ah miyakapuon sa langit, ago pitharo, 'Piyakambarakat ak'n ago paka pembarakat'n ak'n pharuman" ²⁹ So kiyapasad uto na madak'l ah mga taw ah tumitind'g marani ron ago miyan'g iran ago pitharo iran ah mindal'n'deg. Pitharo oh ped, "Malaikat ah miyamitiyara rkaniyan." ³⁰ Sumimbag si Jesus ago pitharo iyan, "Giyaya ah suwara aya na knaba miyakatalinguma ah mipuon rak'n, ka para ko ginawa niyo. ³¹ Imanto so kasiksa sa dunia aya. Imanto pamugaon so prinsipe ah dunia aya. ³² Ago sak'n, oh sak'n eh mipuro makapuon sa lupa, ipagubay ak'n so mga taw sa ginawa ak'n. ³³ Pitharo iyan inin ka an iyan mapamakailat eh panon eh okit ah kaphatay niyan. ³⁴ Sumimbag so kadak'lan ah taw rkiyan, "Miyan'g ami mingisugo ah so Cristo na lalayon d'n taman sa taman. Angkaino nga maptharo, "So Wata ah Taw na kinanglan na mipuro?" "Antaa aya ah Wata ah tao?" ³⁵ Na pitharo eh Jesus rkiran, "Magiyuto p'n na maito bo ah alungan na ka ped iyo d'n so sindaw. Lalakaw kano amay ko sisi-i rkano p'n so sindaw para di kano mauma ah kad'l'man. So lumalakaw sa kad'l'man na di niyan katawan oh anda skiyan pakasung. ³⁶ Amay ko sisi-i rkano p'n so sindaw, simbaan iyo so sindaw para skano na baloy ah wata ah sindaw. Pitharo eh Jesus giyaya ah katharo, so kiyapasad iyan na miyawa skaniya ago da skaniyan dn maki-ilay rkiran paruman. ³⁷ Apya madak'l eh miyanggal'bek eh Jesus ah mga tanda ko hadapan iran, di p'n siran p'simba rkaniyan ³⁸ ka on so mga katharo eh Isaias ah nabi ah mapakay ah matuman, ah pitharo iyan: "Kadnan, antaa eh miyangimbnar ko kalangkapan ami? Ago antaunon eh kiyalangkapan oh kapakagaga oh Kadnan?" ³⁹ Sabap roo na da siran samba, kagiya pitharo p'n eh Isaias, ⁴⁰ "Biyuta niyan so mga mata iran, ago piyakat'gas iyan so mga puso iran, oh k'naba, na khailay bo ko mga mata iran ago kasabutan iran ko mga puso iran, ago kumasoy, ago pakabag'ren ko siran. ⁴¹ Pitharo iyan angkainin ah katharo aya eh Isaias kagiya miyailay niyan so kabarakat eh Jesus, ago mitharo skaniya makapuon skiyan. ⁴² Magiyuto p'n, madak'l ah mga Datu ah miyangimbnar ki Jesus, ugaid sabap ko mga Pariseo, da iran amina uto para di siran kambawalan sa sinagoga. ⁴³ Piyakathaya iran so bantogan ah miyakapuon sa mga taw udi ko bantogan ah miyakapuon ko Kadnan. ⁴⁴ Milalis si Jesus ago pitharo, "So p'simba raki na k'naba bo raki psimba ugaid taman ko sumiyogo raki. ⁴⁵ Ago so phakailay rak'n na p'khailay niyan mambo ah ped so sumiyugo rak'n. ⁴⁶ Sak'n na miyakatalinguma ako saya ka an-mabaloy ah sindaw ko dunia ka sad'n sa mangimb'nar rak'n na di skaniyan katago ko kamarataan. ⁴⁷ Sad'n sa miyakan'g ko mga katharo ak'n, ugaid na dabo pangimb'nar, naba ko skaniyan b'tangan sabap sa naba ako saya miyakatalinguma sa uba ko ma b'tangan so dunia, ugaid na pakapiyaan so dunia. ⁴⁸ Sad'n sa tumalikod rak'n ago di niyan tharimaan so mga katharo ak'n na ad'n ah sakatao ah b'tangon, giyaya so katharo ah pitharo ak'n ah skaniyan so phangukom sa mauri ah alungan. ⁴⁹ Kagiya naba ako di tharo sa baya ah ginawa ak'n. Ugaid na so Kadnan ah sumiyugo rak'n, skaniyan so sumiyugo rak'n makapuon ko antunaa eh suwaan ak'n ago antunaonon ah pakalangkap'n ak'n. ⁵⁰ Katawan ak'n so mga sugo ah niyawa ah da tamanan iyan; na so mga pitharo ak'n na sabap bo ko mga katharo oh Kadnan, na diko di tharuon rkaniran.