1
ای گویل ، خوتون ایدونید که اویدن ایما تی ایشا بی فایده نبی
2
،بلاکم هر چند جلوتر مین شهر فیلیپی چقد عذاب و خارمون کِردن چونو که ایِدونید ،اما وُ یاری خدای خوُمون شُجاعت کِردیم تا انجیل خدا وا یُوکه ایقد مخالفت زیادی بی و دست ایشا برسونیم .
3
اَیر ایِما تَشویقتون ِایکنیم نَه ایخویم گُمراهِتون یا یه چی لیش وتون بُگوم نه اِیخوم فریبتون بِیم،
4
بَلاکم مِثل کسی حرف ایِزنم که خدا قوولش داره و انجیل ووه ایما اِمونتِ نَهاده تیَمون.ایما وه دنبال خوشحال کِردن مردم نیستیم ،بَلاکم خوشحال وو رازی کردن خدا سیمون مهمه که دلهامونِ ازمایش ایِکنه
5
ایشا خو ایدونین که ایما هیچوقت وچرب زونی دست و دومن نوابیدیم .و زه خود نمایی چشم پوشی واصلا هیچ سودی مینش نجستیم .خدا شاهد ایمانه .
6
.و همیشه دیندا یو نبیم که انسانها ایمانه ستایش کُنن ، چه زه ایشا و چه زِدیَرون. هر چند ایما به عنوان رسول بییَن حقی مِن گردنه ایشا داشتیم،
7
جورِ یه َداییی که بچه شیر اِیده بچیل خودش ضَفط ایکنه،وا ایشا وِه خویی رفتار کردیم .
8
ایقه ایشانِ ایخویم که شادی و خوشحالی حاضر بیم نه فقط انجیل خداو ایشا برسونیم ،بلاکم از جون خومونم مین ره ایشا اینیم ،چُونو که ایمانه عزیز کرد بیی
9
.ایشا ای گویل وِه راستی رنج و سختی ایمانه خوُ یادتونه ، که شووُ روز کار ایکِردیم تا روزی انجیل خدا را وُ ایشا نصیحت ایکنیم ،سر بار کسی نبویم .
10
ایشا شاهد بین و خدا خُوشم شاهد بِی که وا خُوویی و پاکی و هیچ عیوییِ وا ایشا ایمون دارون رفتار کِردیم
11
.چونوکه اِیدونید ،رفتار ایما وا تک وه تک ایشا مثل بویی وا بعچیلش بیِی .
12
ایشانِ تشویق کردیم وُدلگرمی ایدایم هی سِفارش ایِکردیم که چطور رفتار کنین که پسندیده خدایی بوُه که ایشانِ وه پادشاهی و جلال دعوت ایکنه .
13
ایما همیشه خدان ِشکر ایگویم که ایشاو هنگام پذیرفتن کلوم خدا ،که از طی ایما اشنوفتید هونه نه مثل حرف انسان، بللاکم چون کلوم خدا پذیرفتید ، چونوکه واقعا همیطوره؛ همو کلام همی حالا مِنِ ایشا که ایمون دارید، داره عمل ایکُنه.
14
چون ای گویِل ،ایشا زِ کلیساهای خدا من ِ یهودیه که مینِ مسیح عیسا هِستِن، درس گرِِدین:
ایشا هم وِهموطنان خوتون ،هموطورآزار دیدین که اونو زِیهودیان دیدِن،
15
زِاونو که عیسای خداوند و پیامبرانه کُشتِن وُ ایمانه هم بیرون کِردِن .اونو خدانه خوشحال نیکُنِن وُ وا همهء مردم دشمنی ایکُنِن،
16
وُنییِلن ایما وا غیر یهودیان حرف بِزِنیم تا اونو هم نجات پیدا کُنِن. ایطوری بی که پیمونه گناهان خوشونه لبریز ایکُنِن . ولی عاقبتشون یو ایبو که خدا غضبشن رِِخت سرشون.
17
ولی ای گُویَل ،چون یه مدت کوتاهی وِ ایشا دور وَستیم ،ولی جسمی نه روحی ،وا شوق زیادی تلاش کِردیم تا بتریم ایشانه بُوینیم.
18
سی یو که دلمون ایخواست بیایم طی ایشا- براستی که مو،پولس ،خیلی تلاش کِردُم -ولی شیطان مانع اُوی.
19
ایدونی چنه امید و شادی و تاج افتخار ایما من حضور خداوندمون عیسی موقعی که ایخو ظهور کنه؟
20
وِراستی ایشانین که باعث جلال و شادیه ایماهِستین.