6 ¹ Хўш, унда нима деймиз? “Иноят кўпайсин,”- деб гуноҳда қолаверамизми? ² Йўқ, асло! Биз гуноҳ учун ўлганмиз. Энди қандай қилиб гуноҳда яшайверамиз? ³ Бизнинг ҳаммамиз Исо Масиҳга чўмдирилган бўлиб, Унинг ўлимига чўмдирилганимизни наҳотки билмасангизлар? ⁴ Шундай қилиб, биз ўлимга чўмдирилишимиз орқали У билан кўмилдик, токи Масиҳ Отасининг шуҳрати билан ўликлардан тирилганидай, худди шундай, биз ҳам ҳаётнинг янгилигида юрайлик. ⁵ Агар биз У билан Унинг ўлимининг ўхшашлигида бирлашган бўлсак, унда, албатта, Унинг тирилишида ҳам У билан бирлашган бўламиз. ⁶ Чунки шуни биламизки, бизнинг эски ўзлигимиз У билан хочга михланган, токи энди гуноҳнинг қули бўлмаслигимиз учун гуноҳнинг танаси йўқ қилинсин. ⁷ Чунки ўлган одам гуноҳдан озоддир. ⁸ Агарда биз Масиҳ билан бирга ўлган бўлсак, унда У билан бирга яшашимизга ҳам ишонамиз, ⁹ чунки биламизки, ўликлардан тирилган Масиҳ бошқа ўлмайди: ўлим Унинг устидан бошқа ҳукмронлик қилмайди. ¹⁰ Чунки У ўлиб, гуноҳ учун бир марта ўлди, энди эса яшаётиб, Худо учун яшаяпти. ¹¹ Худди шундай, сизлар ҳам ўзларингизни гуноҳ учун ўлик, аммо Худо учун Раббимиз Исо Масиҳда тирик ҳисобланглар. ¹² Шундай экан, гуноҳ ўлимли таналарингизда ҳукмронлик қилмаслиги учун гуноҳга унинг ҳирсларида бўйсунманглар. ¹³ Шунингдек, аъзоларингизни ҳам ноҳақлик қуроли сифатида гуноҳга топширманглар, лекин ўликлардан тирилганлардай ўзларингизни Худога тақдим этинглар ва аъзоларингизни Худога ҳақлик қуроли сифатида топширинглар. ¹⁴ Гуноҳ устингиздан ҳукмронлик қилмасин, чунки сизлар Қонун остида эмас, балки иноят остидасизлар. ¹⁵ Нима энди? Биз Қонун остида эмас, лекин иноят остида бўлганимиз учун гуноҳ қилаверамизми? Йўқ, асло! ¹⁶ Билмайсизларми, сизлар бўйсуниш учун ўзларингизни кимга қул қилиб топширсангизлар, кимга итоат қилсангизлар, ўшанинг қули бўласизлар. Сизлар ёки ўлим келтирувчи гуноҳга, ёки ҳақлик келтирувчи итоаткорликка қул бўласизлар. ¹⁷ Худога шукурки, сизлар гуноҳга қул эдингизлар, энди эса ўзларингизни бағишлаган шу таълимотнинг турига юракдан бўйсундингизлар. ¹⁸ Шунинг учун гуноҳдан озод бўлгач, сизлар ҳақликнинг қули бўлдингизлар. ¹⁹ Инсоний заифлигингиз сабабли инсонларча гапиряпман: Сизлар аъзоларингизни қонунбузарлик қилиш учун нопоклик ва қонунбузарликка қул қилиб топширганингиздай, энди худди шундай, аъзоларингизни муқаддаслик учун ҳақликка қул қилиб топширинглар. ²⁰ Чунки сизлар гуноҳнинг қули бўлганингизда, ҳақликдан озод эдингизлар. ²¹ Ўшанда қандай ҳосилга эга эдингизлар? Ўша ишлардан ҳозир ўзингиз уялмоқдасизлар, чунки уларнинг охири ўлимдир. ²² Аммо ҳозир сизлар гуноҳдан озод бўлгач, Худонинг қуллари бўлдингизлар, сизларнинг ҳосилингиз – муқаддаслик, охири эса – абадий ҳаётдир. ²³ Чунки гуноҳнинг эвази – ўлим, Худонинг инъоми эса – Раббимиз Исо Масиҳдаги абадий ҳаётдир.