18 ¹ Раббий яна Мусога сўзлаб деди: ² “Исроил ўғилларига эълон қилиб айтгин: Мен сизларнинг Раббий Худойингизман. ³ Сизлар яшаган Миср ерининг ишларини қилманглар, шунингдек, Мен сизларни олиб бораётган Канъан ерининг ишларини қилманглар ва уларнинг одатларига тақлид қилманглар. ⁴ Менинг қонунларимни бажаринглар ва Менинг низомларимга амал қилиб, уларга риоя қилинглар. Мен сизларнинг Раббий Худойингизман. ⁵ Менинг низомларимга амал қилиб, Менинг қонунларимни бажаринглар, зеро уларни бажарадиган одам тирик бўлади. Мен Раббийман. ⁶ Ҳеч ким ўз яқин қариндошининг яланғочлигини очиш учун унга яқинлашмасин. Мен Раббийман. ⁷ Отангнинг яланғочлигини ва онангнинг яланғочлигини очма. У сенинг онангдир, унинг яланғочлигини очма. ⁸ Отангнинг хотинининг яланғочлигини очма, бу – отангнинг яланғочлигидир. ⁹ Уйда ёки уйдан ташқарида туғилган отангнинг қизи ёки онангнинг қизи бўлмиш опа-синглингнинг яланғочлигини очма, уларнинг яланғочлигини очма. ¹⁰ Ўғлингнинг қизининг яланғочлигини ёки қизингнинг қизининг яланғочлигини, уларнинг яланғочлигини очма, чунки улар сенинг яланғочлигингдир. ¹¹ Отангдан туғилган, отангнинг хотинининг қизларининг яланғочлигини, унинг яланғочлигини очма, у сенинг опа-синглингдир. ¹² Отангнинг опа-синглисининг яланғочлигини очма, у отангнинг қон қариндошидир. ¹³ Онангнинг опа-синглисининг яланғочлигини очма, чунки у онангнинг қон қариндошидир. ¹⁴ Отангнинг ака-укасининг яланғочлигини очиш учун унинг хотинига яқинлашма, у сенинг аммангдир. ¹⁵ Келинингнинг яланғочлигини очма, у ўғлингнинг хотинидир, унинг яланғочлигини очма. ¹⁶ Ака-укангнинг хотинининг яланғочлигини очма, бу ака-укангнинг яланғочлигидир. ¹⁷ Аёл билан унинг қизининг яланғочлигини очма. Яланғочлигини очиш учун унинг ўғлининг қизини ва унинг қизининг қизини олма, чунки улар аёлнинг қон қариндошларидир, бу қонунбузарликдир. ¹⁸ Хотининг ҳаётлигида яланғочлигини очиш учун у билан синглисини олма, токи уни кундошлик қилмасин. ¹⁹ Хотининг ҳайздан покланаётган вақтида, унинг яланғочлигини очиш учун унга яқинлашма. ²⁰ Уруғни тўкиш ва у билан булғаниш учун яқинингнинг хотини билан ётма. ²¹ Фарзандларингдан бирортасини Молекка оловдан ўтказишга берма ва бу билан Худойингнинг номини ҳаром қилма. Мен Раббийман. ²² Аёл билан ётгандек, эркак билан ётма. Бу жирканчликдир. ²³ Шунингдек, уруғ тўкиш ва у билан булғаниш учун бирорта ҳайвон билан ҳам ётма, аёл ҳам ҳайвон билан қўшилиши учун унинг олдида турмасин. Бу – бузуқликдир. ²⁴ Буларнинг бирортаси билан ўзларингизни булғаманглар, чунки Мен сизларнинг қаршингиздан қувиб юбораётган халқлар ўзларини буларнинг барчаси билан булғадилар. ²⁵ Натижада ер булғаниб кетди. Мен уларнинг қонунбузарликларининг жазосини бердим ва ер ўзида яшовчиларни ўзининг устидан ирғитиб ташлади. ²⁶ Сизлар эса Менинг низомлару қонунларимга амал қилинглар – на маҳаллий одам, на ораларингизда яшайдиган мусофир бу барча жирканчликларни қилманглар, ²⁷ чунки сизлардан олдин бўлган бу ернинг одамлари шу барча жирканчликларни қилдилар ва ер булғаниб кетди. ²⁸ Сизлар эса уни булғайдиган бўлсангизлар, сизлардан олдин бўлган халқларни устидан ирғитиб ташлаганидек, ер сизларни ҳам ирғитиб ташлайди. ²⁹ Зеро ким бу барча жирканчликларни қиладиган бўлса, унда буларни қиладиганлар ўз халқи орасидан қириб ташланади. ³⁰ Шундай қилиб, Менинг фармонларимга амал қилинглар, токи сизлардан олдин бўлганларнинг жирканч урф-одатлари бўйича йўл тутманглар ва булар билан ўзларингни булғаманглар. Мен сизларнинг Раббий Худойингизман”.