12 ¹ Исроил ўғиллари тор-мор келтирган ва Йорданнинг у томонида, қуёш чиқиш томонида Арнон дарёсидан Ҳермон тоғигача ва шарқ томондаги барча текисликлардан иборат бўлган ерларни мерос қилиб олган ўша ернинг подшоҳлари қуйидагилардир: ² Ҳешбонда яшаган Амўрлик подшоҳи Сихон. У Арнон дарёси қирғоқлари бўйидаги Ароэрдан ҳамда дарёнинг ўртасидан, Гилъаднинг ярмидан Аммўн ўғилларининг чегарасидаги Йаббоқ дарёсигача, ³ шарқ томондан Киннерет денгизигача бўлган текисликда, текислик денгизи, Туз денгизигача, шарқ томондан Бейт-Йешимотга кетадиган йўл бўйлаб, жануб томонда эса Писгаҳ тоғининг этагидаги жойларда ҳукмронлик қилган эди. ⁴ Аштарот ва Эдрийда яшаган рафаликларнинг охиргиси бўлмиш Башан подшоҳи Ог унга чегарадош эди. ⁵ У Ҳермон тоғида, Салкаҳда, то Гешур ва Маақаҳ чегарасигача бутун Башанда ҳамда Гилъаднинг ярмида Ҳешбон подшоҳи Сихоннинг чегарасигача ҳукмронлик қилган эди. ⁶ Раббийнинг қули Мусо ва Исроил ўғиллари уларни ўлдирдилар. Раббийнинг қули Мусо уни Рубен ва Гад қабилаларига ҳамда Манашеҳ ярим қабиласига улуш қилиб берди. ⁷ Қуйида эса Йешуа ва Исроил ўғиллари Йорданнинг бу томонида ғарбга қараб, Лебанон водийсидаги Баал-гаддан Сеирга қараб ёйилган Халак тоғигача қириб ташлаган амўрликлар ерининг подшоҳларидир: ⁸ Йешуа тоғлардаги, водийлардаги, текисликлардаги, тоғ этагидаги, текисликлардаги, саҳродаги ҳамда жануб томондаги уларнинг ерларини тақсимлаб, Исроил қабилаларига улуш қилиб берди. Булар – хетликлар, амўрликлар, канъанликлар, перизликлар, ҳивликлар ва ябусликлар бўлиб, уларнинг подшоҳлари қуйидагилар эди: ⁹ Йерихонинг бир подшоҳи, Бейт-Эл яқинидаги Ғайнинг бир подшоҳи; ¹⁰ Йерусалимнинг бир подшоҳи, Хеброннинг бир подшоҳи; ¹¹ Йармутнинг бир подшоҳи, Лақишнинг бир подшоҳи; ¹² Эглоннинг бир подшоҳи, Гезернинг бир подшоҳи; ¹³ Дебирнинг бир подшоҳи, Гедернинг бир подшоҳи; ¹⁴ Хормаҳнинг бир подшоҳи, Араднинг бир подшоҳи; ¹⁵ Либнаҳнинг бир подшоҳи, Адулламнинг бир подшоҳи; ¹⁶ Маккедаҳнинг бир подшоҳи, Бейт-Элнинг бир подшоҳи; ¹⁷ Таппуаҳнинг бир подшоҳи, Ҳефернинг бир подшоҳи; ¹⁸ Офоқнинг бир подшоҳи, Шароннинг бир подшоҳи; ¹⁹ Мадоннинг бир подшоҳи, Ҳазорнинг бир подшоҳи; ²⁰ Шимрон-Мероннинг бир подшоҳи, Оқшофнинг бир подшоҳи; ²¹ Таанаҳнинг бир подшоҳи, Мегиддоннинг бир подшоҳи; ²² Қедешнинг бир подшоҳи, Кармелдаги Йокнеамнинг бир подшоҳи; ²³ Новоҳ-Дордаги Дорнинг бир подшоҳи, Гилгалдаги халқларнинг бир подшоҳи; ²⁴ Тирзаҳнинг бир подшоҳи. Ҳаммаси бўлиб ўттиз бир нафар подшоҳдир.