¹ Boaz adakwira pamusuo wacunza napenepo adalanga penepo. Nakudyialo, mubale wapaduze wacubvi iye Boaz akamubvunza nyakuyanula. Boaz adati cunaiye:" Chamwuale wangu, uyapano gala - apa". Mwamuna ule adauya adagala. ² Napenepo Boaz adadaidzazwe wamuna kumi muluani napenepo adawati:" Napenepo wense wadagala". ³ Boaz adabvunza kuna mubale wapaduze:" Noemi, nswanyi wahirira culuani kwamuabe, uli kugulisa pansi munda wakali wamubale watche Elimeleque. ⁴ Ndafunga kuti ndicupe mukandu nakukupa muchoba napenepo cuti:' Ugale pambeli pathu tidagala pano. Napamberi pawanyakwawa pa mbumba yangu'. Angati unada kudzinunula, dzinunule. Apo, angati iwepo ansicuda kudzinunula, ndibvunze, cuti ine ndidziwe, nakudyalo hapana munhu anadzinunura kunza kwa iwepo, ese ndinepano basi", Apo iye adadaira: "Nditchaugula". ⁵ Apo, Boaz adati: patsicu yaco utchagula munda mumanza mwa Noemi, unatolambo Rute, cumoabita, muzitche mucadzi nyakufirka, cuti muse dzina latche nacutsalacana" ⁶ Apo nyajaduze uya adati: Inepano azwiiti cudzinunura ndega litu, ndinadza phonia nhacayangu. Ugale iwe patchoco thangwe ine handi ukwanisi". ⁷ Kalecalepo, uyu wakali mutemo wawa Israel wakadzitonga nakugudiza zwamuche. Kuti tipindirame kugulisa, wamuna wakabulisa chango zawo watchipassa wenango; zwenezwo zwakalikuda kwakujindirana kwawo mu Israel. ⁸ Nakudyalo, mubale wapadudze adati cuna Boaz:" bvagula iwepo letu". Napenepo iye adabudisa chango zache. ⁹ Apo Boaz adabvunza wanyakwawa na wense wanhu:" Ndinakudziwisani nyamunsi kuti ine ndirikugulisa zwense zwakali zwa Elimeleque na zwense zwakali zwa Quiliom na Malom mumanza mwa Noemi. ¹⁰ Nsi zwoga zwenezwo, na Rute wamoabita, mukadzi wa Malom, inembo ndafunga cuti iye Rute agale mucazi wangu, cuti acoye dzina la nyakwenda panhaka yache". ¹¹ Wense wanhu wakali pamusuo napenepo wangakwa wa wadalanga:" Ife ndife wadziwisi . Kuti Yahweh anaita cuti mukadzi aswike pamui pako ninga udaita na Raquel na Lia, wairi wadagadzira nyumba ya Israel. Kuti mumusirke ku Efreta napenepo kuti mungabviki ku Belem. ¹² Kuti nyumba yaco iiti ninga nyumba ya Perez, ninga udajiwa Tamar na Djhuda, nacuda kwa kusanganiso kwa Mulungu adapa kuna iwe mukadzi watchidoco". ¹³ Nakudyalo Boaz adalolana na Rute napenepo iye adagala mucadzi watche. Iye adamudziwa. Yahweh ada watendera kuti iye aite mimba napenepo adabala mwana wamwamuna. ¹⁴ Iwo wakadzi wadati kuna Noemi." Wakombolerka na Yahweh thangwe lila haana kukusica ajakana unango nyacubansira. Kuti dzina latche libvikire mu Israel. ¹⁵ Kuti iye agale na iwe asunungula upenyu waco napenepo atchikulala misa kuswikira wasca, nakudyalo mulola waco, atchikudawo cupinda. Wana wanomwe, watche adapiwa na iye". ¹⁶ Apo Noemi adabata iye muphabjo asamusenga pamwendo watche. ¹⁷ Nhakugala paduze naye wadapa dzina kuna iye, adamiti:" Uyo mwana abalirka kuna Noemi". Napenepo wadamudzaidza kubvi Obede. Adadzabvi bambo wa Jesse, adadzabala Davidi. ¹⁸ Igindiyo nyumba ya Perez: Perez bambo wa Hezron, ¹⁹ Hezron bambo wa Rao, Rao bambo wa Aminadade, ²⁰ Aminadade bambo wa Nasom, Nasom bambo wa Solmom, ²¹ Salmom bambo wa Boaz, Boaz bambo wa Obede, ²² Obede bambo wa Jesse, napenepo Jesse adagala bambo wa Davidi.