8 ¹ Dan Saulus pun manyatujui mampate Stefanus te. Saulus manyiksa Jemaat si yerusalem V 1 Pada waktu te, sewaktu penyiksaan nang datuh tahadep jemaat si Yerusalem, dan elen urasa terpencar huang wilayah - wilayah Yudea dengan Samaria, cuali elen rasul te. Beberapa uluh saleh ² mangubur Stefanus dengan manguqng ratapan nang sama ete datuh si hadepan ³ Akan tetapi, Saulus berusaha mampanihau jemaat dengan tame huma ke huma. Ia'a te manyeret hetue dengan bawi kemudian manyarah elen si penjara. (Filipus manenga injil si Samaria) ⁴ Kemudian, elen nang jadi bapisah ca bakaliling sambil bacaruman tentang injil. ⁵ Filipus muhun wang suatu kota si Samaria bacaruman tentang Kristus. ⁶ Dan, uluh are dengan seatei imperhati een nang filipus caruman sewaktu elen mahining dengan menhggite tanda - tanda ajaib nang ia hawi. ⁷ hantam, roh - roh jahat balua tumat uluh - uluh nang i rasuk, sambil mangkariak dengan suara nyaring pahayak are uluh lumpuh dengan pincang i pangkeleh. ⁸ Awi te, ada sukacita si kota te. ⁹ Namun, ada uluh hatue arai a Simon nang sehinday a jadi mampratekan sihir si kota dengan mahawi kagum uluh segala si Samaria, dengan i caruman arep a te datuh. ¹⁰ Segai a uluh, mulai bara uluh paling halus sampai uluh paling datuh, bacaruman, " Uluh te adalah kuasa Allah nang sangat datuh ". ¹¹ Maka, elen manenga perhatian akan elen nang jadi tahi ia a manampa elen tabjuk dengan ilmu sihir hayui a. ¹² jadi, uluh - uluhte mempercayai Filipus akan mancaruman injil tentang kerajaan Allah dengan arai a Yesus Kristus, mereka di baptis baik hatue ataupun bawi. ¹³ Bahkan simon surang a percaya ia a kana baptis, tarus si tukep Filipus, dan seketika manggite berbagai mukjizat dengan tanda - tanda ajaib nang terjadi ia a menjadi tabjuk. ¹⁴ Pada waktu ete, seketika Rasul - Rasul si Yerusalem mahining bahwa uluh - uluh Samaria jadi mahining Firman Allah, elen mangutus Petrus dengan Yohanes akan uluh - uluh si kanih. ¹⁵ Nang dumah dengan bedoa bagi elen akan elen manarima Roh Kudus. ¹⁶ Awi, roh kudus hinadai muhun elen elen tun, elen jadi kana baptis si huang aran Tuhan Yesus. ¹⁷ Petrus dengan Yohanes manumpang lengei a hunjun elen, elen menerina Roh kudus. ¹⁸ Waktu Simon mangite bahwa Roh Kudus i nenga mahalau tenge Rasul - rasul Simon menawarkan duit akan rasul - rasul te. ¹⁹ Dengan i caruman, " Nenga a ca akan yaku kuasa te supaya setiap uluh nang akan elen yaku menumpangkan lenge ku akan manarima Roh kudus. ²⁰ Akan tetapi, Petrus bacaruman dengan Simon " Semoga duitmu te binasa dengan ikau, awi ikau bapikir ikau dapat memperoleh kasih karunia Allah dengan duit! ²¹ Ikau mida supa bagian atau hak huang hal te awi atei mu mida lurus si hadepan Allah. ²² jadi, bertobatlah bara kejahatan mu te dengan berdoa si hadepan Tuhan supaya mungkin niat atei mu te i ampun. ²³ Sebab, yaku manggite bahwa ikau ada si huang empedu nang pahit huang jeratan kejahatan." ²⁴ Namun, Simon menjawab dengan bacaruman " Berdoalah akan yaku dengan Tuhan supaya een nang jadi ia a bacaruman mida menimpa yaku." ²⁵ jadi te Petrus dengan Yonahes bersaksi dengan sungguh - sungguh i caruman a Firman Tuhan, elen haluli wang Yerusalem sambil bacaruman injil wang uluh are si desa Samaria. (Filipus membaptis uluh Etiopia) ²⁶ Kemudian malaikat Tuhan bacaruman akan Filipus, auh a, " Misik am ddan hadari wang selatan si jalan nang muhun bara Yerusalem Gaza. Jalan te aalah jalan nang sunyi. ²⁷ Filipus pun minsik dan tulak. Dengan uluh Etiophia, nang adalah sida - sida bara uluh pejabat pengadilan Sri kandake, ia a bertanggung jawab segalai a harta ratu te. Ia a jadi dumah wang Yerusalemakan beribadah, ²⁸ Sadang haluli buli, sambil munduk si huang kareta dengan membaca Kitab Nabi Yesaya. ²⁹ Lalu, Roh bacaruman dengan Filipus, Hadari berkumpul dengan kareta te." ³⁰ Maka, Filipus hadari wang kareta te lagi membaca Kitab Nabi Yesaya. Filipus bainsk denga a eenkan tuan mengerti een nang sadang tuan baca?" ³¹ Uluh menjawab, " kenampi a yaku, tau, cuali seseorang membimbing yaku? " maka, ia mengundang Filipus akan mandai munduk dengai a. ³² V 32 Seketika ete, bagian bara kitab suci nang sadang ia a baca te, ia'a kana imbit kilau domba si ukan penyembelihan, kilau anak domba sehindai kana gunting bului'a membisu sehingga ia'a mida membuka baui'a. ³³ Huang kehinaian'a mida adil i rampas bara ia'a aweh nang supa mangesah si keturuian ah? Awi, pambeluman a i rampas bara dunia. ³⁴ Seketika, sida - sida te menjawab dengan bacaruman wang Filipus " Yaku mohon dengan ikau tentang awweh sang Nabi nang becaruman te, tentang suranga atau tentang uluh lain?" ³⁵ Lalu, filipus mambuka baui a dengan mulia bara Kitab Suci te, ia'a berkhotbah tentang Yesus. ³⁶ Dan, saat elen hadari menempuh perjalanan elen sampai si ukan nang babanyu sida - sida te bacaruman, " Manga te ada banyu een nang nang mahalang yaku akaan i baptis?" ³⁷ Lalu, Filipus bacaruman " Jikai tuan i percaya dengan sepenuh atei tuan, tuan tau." Lalu, ia a menjawab dengan bacaruman, " Yaku percaya bahwa Yesus Kristus adalah anak Allah." ³⁸ Sakatika sida - sida te memerintah kereta singgah. Dengan, elen badue muhun si banyu, Filipus dengan sida-sida te, lalu Filipus membaptis ia'a. ³⁹ Setelah elen badue balua bara banyu, Roh Tuhan maimbit Filipus hadari, sida -sida te mida mamanga a ndai lalu melanjutkan perjalaian a sambil bersukacita. ⁴⁰ Namun, Filipus manyupa suranga ada si Asdod, seketika ia'a mamanga injil akan segalai a kota sampai ia'a tiba si kaisarea.