5 ¹ Tege ije hatue araia Ananias dengan sawaia, Safira, injual harta hayuya. ² Dan dengan sepengetahuan sawaia, Ananias inahan sebahagian hasil injual bagi surang suranga, dan dengan mimbit nang sebahagian, lalu ilekak sihadep pai para rasul. ³ Namun, Petrus imander,'' Ananias hantam meen iblis imenu ateimu sewaktu ikau mangaramput Roh kudus dengan inahan sebahagian hasil injual petak ete? ⁴ Wayah masih hindai injual, lainan petak ete tetap jadi akam mu? Dan, sejadi injual, lainan petak ete tege sipende kuasamu? hantam ikau mida mangaramput dengan Allah.'' ⁵ mahalau, waktu iya'a mahining perkataan ete, Ananias jatu dengan mampanihau aseng terakhir a.'' ⁶ babarapa uluh muda dumah, mandani, dengan i ngangkat balua, lalu i gubur. ⁷ setelah ete dalam waktu kira-kira telu jam,sawai a Ananias dumah, tetapi iya a dia tawai a ,nang terjadi. ⁸ dan, Petrus bapander dengai a,'' i mara akan yaku, meen ikau injual petak ete dengan harga sedatuh ete. ⁹ setelah petrus bapander dengang kuh,'' hantam ikau dengan banai a bersepakat akan bahayak in cuba Roh Tuhan? gite, jejak-jejak pai uluh nang jadi ingubur banaia masih ada sihadep pintu dengan elen ca akan mangusungmu balua. ¹⁰ Sampai-sampai Safira manjatu si hadep pai Petrus dengan mampanihau aseng nang terakhir. sewaktu uluh-uluh muda tame,elen manggite Safira jadi matei, mahalau elen mangusung ia a siluar dengan ingubur lasila banai a te.'' ¹¹ Maka, terjadi kemikehan nang datuh si antara uluh-uluh jemaat nang are mahinig hal ete. (Tanda-Tanda Ajaib bara Allah) ¹² Are tanda ajaib dan mukjizat terjadi si antara uluh are mahalau lenge para rasul dengan elen uras a dengan sa atei melai si luar salomo. ¹³ Mida ada andau nang lain a pahanyi surang a akan bagabung dengan uluh te, tetapi uluh-uluh te rajin memuliakan elen a. ¹⁴ Dan, ada semakin are bi jumlah uluh nang percaya huang Tuhan, injumlah datuh, bagus uluh hatue handakpun uluh bawi. ¹⁵ karena ete, elen bahkan mengusung uluh-uluh pehe wang jalan-jalan dengan mamenter si hunjun tandu dan ranjang jerami supaya seketika Petrus dumah, setidak a bayangan terjadi ingana babarapa akan elen. ¹⁶ Ca,ada are uluh bara kota-kota si sakitar yerusalem dumah bahayak, maimbit uluh -uluh pehe dengan elen nang i rasuk Roh-roh jahat. elen uras inyembuh. (Para Rasul Inangkap) ¹⁷ Namun,para imam datuh bangkit, maumpat, para golongan iya te saduki,*dan elen imenu dengan iri atei. ¹⁸ Elen manangkap para rasul dan iname a si huang penjara umum. ¹⁹ Akan tetapi, hamalem andau, uluh malaikat Tuhan imbuka pintu-pintu penjara, manuntun elen balua,dan bapander, ²⁰ ''buhau,mendeng, dan imberita akan uras uluh-uluh si bait Allah tentang firman pambelum etun.'' ²¹ Dan, sewaktu elen mahining a, pada waktu subuh te,elen tame guang suang bait Allah dan mulai ingajar. Seketika imam datuh dan uluh-uluh nang bahayak a tiba,elen mangumpul Sanhedrin dan uras majelis bakas-bakas Istrael, lalu inyuhu uluh guang penjara akan imimbit rasul-rasul ete i'hadep elen. ²² Namun,ketika uluh-uluh inyuhu dumah, elen mida inyupa kadue rasul ete si penjara. pas te,elen haluli dengan imberi laporan. ²³ Dengan bapander ,''ikih inyupa penjara ete takunci dengan seluruh pangamanan dengan para penjaga mendeng si hadep pintu, tetapi seketika ikih imbuka a, ikih mida inyupa uluh pun si huang a.'' ²⁴ Dan,seketika kepala panjaga bait Allah dan para penjaga imam mahining perkataan ete,elen sangat bingung dengan para rasul ete dan maisek-isek kahampi mungkin hal ete supa terjadi . ²⁵ Kemudian uluh dumah dan ikau iname a guang suang penjara sambil mendeng si bait Allah dan ingajar uluh are.'' ²⁶ lalu, kepala penjaga bait Allah beserta pangawala buhau dan mimbit rasul-rasul ete, tetapi mida dengan kekerasan baran elen mikeh inganan batu awi uluh are. ²⁷ ketika elen jadi mimbit Petrus dan Yohanes, elen menghadep sanhendrin. mahalau imam datuh maisek elen, ²⁸ Kuai a,'' ikih jadi ilarangmu dengan karas agar jatun hindai ingajar si huang aran ete, tetapi ikau jadi imenu Yerusalem dengan ajaranmu dengan ikau bermaksud akan inanggung daha uluh nang akan ikih.'' ²⁹ Waktu, Petrus dengan para rasul injawab, ikih harus menaati Allah dari pada manusia. ³⁰ Allah ninik buyut ikih jadi ibangkit yesus. nang jadi ikau patei dengan ingantung dengan kayu salib. ³¹ Allah ininggi ia a dengan jurus selamat akan inenga pertobatan bagi Istrael dengan ingampun atas dosa-dosa. ³² Dan, ikih adalah saksi-saksi bara uras a tun, ca dengan demikian roh kudus, nang jadi Allah nenga akan uluh-uluh nang menaati iya. ³³ Setika elen mahining hal ete, atei elen tertusuk dengan bermaksud akan impatei para rasul ete. ³⁴ Akan tetapi, uluh Farisi arai a Gamaliel, uluh nang guru Taurat te i horamat uluh uras, mendeng sihadepan sanhendrin dengan inyuhu para rasul agar maimbit balua hanjulu. ³⁵ Lalu , ia a bapander dengan elen,'' oi uluh-uluh Istrael, imperhati dengan bahayak nang meen akan ikau lakukan sihadep uluh-uluh etun. ³⁶ Sebab,babarapa waktu nang helu, Teudas, Yudas bara Galilea bangkit,bara andau-andau sensus,dengan i narik uluh are akan ma umpat a takucar-kacir sampai mida sama sekali. ³⁷ Limbas ete Teudas si Galilea belum pada ete andau sensus dengan maumba ia ah. Iya a impate uluh nang maumba uluh takucar-kacir. ³⁸ Hantam huang kasus etun, yaku manesehat ikau bara kejau bi dengan uluh-uluh te dengan imbiar elen.Hantam dengan rencana ete dengan perbuatan barasal bara manusia hal ete mida akan terjadi.(Bahasil) ³⁹ Amun rencana tun mida barasal bara Allah. ⁴⁰ Elen ma umpat nasihat Gamaliel, jadi ete mangahau kadue rasul ete elen mamantu kadue'a dengan manghana para rasul-rasul nang handak bapander guang naran Yesus te lalu elen malapasai'a. ⁴¹ Hantam ete rasul-rasul tulak sihadep sanhedrin dengan bersuka cita sebab elen i anggap layak menderita penghinaan demi arai a. ⁴² Dengan setiap andau sibait Allah bara huma-kehuma elen mida tende-tende mangajar bahwa manengan berita injil Yesus adalah kristus.