10 ¹ waktu wayah te, si Kaisarea, ada uluh arai'a Kornelius, uluh perwira bara e'en nang iyewut pasukan Italia. ² Uluh saleh nang mikeh akan Allah , sama ete ca dengan uluh uras'a nang ada si huma'a, dan menenga are sedekah akan uluh-uluh danga selalu Berdoa dengan Allah. ³ Waktu haleme te, sekira jam jalatien andua te, Iya'a mamanga dengan jelas huang sebuah penglihatan, uluh Malaikat Allah dumah dan bapander denga'a, ''Kornelius!'' ⁴ Limbas te,iya'a mamanga Malaikat te dengan mikeh dan bapander, ''me'en tun, Tuan?''Dan, Malaikat te bapander denga'a , ''Doa-Doamu dengan sedekah-sedekahmu te jadi mandai sebagai suatu peringatan si hadapan Allah ⁵ Wayah tun, inyuhu uluh-uluh wang Yope dengan mengahau uluh baaran Simon nang ca inyebut Petrus, ⁶ Iya'a malihi dengan uluh penyamak kulit arai'a Simon, nang huma'a gapi si saran laut ⁷ Sakatika Malaikat nang bapander denga'a jadi buhau, Kornelius mengahau due uluh pelayan'a dengan prajurit nang saleh bara uluh-uluh nang selalu melayan keperluan kepribadi'a, ⁸ Dengan sama ete ijelas'a segalai'a sesuatu dengan elen, iya'a menyuhu elen wang Yope. ⁹ Dapit'a,sakatika elen sadang huang perjalan dengan menukep'a kota te, Petrus mandai wang hunjun atap huma te, sakira jam kejahawen,akan berdoa . ¹⁰ lalau, iya'a marasa bela'u dan handak kuman, tapi sakatika uluh-uluh sadang inyiap panginan, Petrus ada mamanga ada penglihatan, ¹¹ Dan iya'a mamanga langit tabuka dengan suatu ampi Kain nang lebar muhun sampai telulur bara keepat sudut'a te sampai si petak. ¹² si huang tun te, ada segala jenis binatang bepai epat, dengan binatang-binatang malata si dunia, dengan burung-burung si udara. ¹³ Limbah, ada suara dumah caruman dengan'a, ''misik, Petrus, neteh'h dengan kuman'ah!'' ¹⁴ Akan tetapi, Petrus bapander, ''Humbuyen Tuhan. hantam, mida en yaku umpat kuman satua nang haram atau najis te. ¹⁵ Dengan, suara ete ciruman lagi denga'h akan ke due kali'ah, '' e'en nang jadi Allah tahirkan, ela sekali-kali ikau manyebut haram.'' ¹⁶ Hal tun terjadi telu kali, dengan tiba-tiba uras'a taangkat si langit. ¹⁷ Sakatika te, sementara Petrus masih bih bingung mamikir'a e'en arti panggite nang jadi nanggite'h te, ampi'a uluh-uluh nang iutus awi Kornelis sadang manggau tau si kueh huma Simon, sambil mendeng si hadapan antep gerbang, ¹⁸ Dengan sambil mengahau, elen mangisek e'en kah Simon, nang inyebut Petrus, manumpang si kanih. ¹⁹ sementara Petrus sadang merenungkan penglihatan ete, Roh bapander denga'a, '' memanga, ada telu uluh hatue nang lagi manggaumu. ²⁰ Misik am muhun am, hadari dengan elen te tanpa ragu hantam Yaku jadi mengutus elen.'' ²¹ langsung te, Petrus muhun dengan uluh-uluh te langsung bepander, '' manga yaku am uluh nang ikau manggau alsan pendumahmu?'' ²² Elen bapander, ''Kornelius, uluh perwira uluh bujur dengan mikeh akan Allah nang terkenal baik si antara seluruh bangsa Yahudi, jadi maingat awi Malaikat Kudus akan menyuhumu dumah si huma'a dengan akan mahining cirumanmu''. ²³ Petrus maundang elen tame dengan manenga tumpangan si hete, andau dapit'a, iya'a misik palus hadari dengan elen te, dengan beberapa pahari seiman bara Yope sampai mengawal'a te. ²⁴ Pada andau selanjut'a te, elen mename Kaisarea. Kornelius jadi menunggu-nunggu elen dengan jadi mengumpul pahari biti serta kakawalan akrap'a. ²⁵ Sakatika Petrus tame, Kornelius tarumpak'a, langsung berlutut huang pain Petrus dengan menyembah iya'a. ²⁶ Akan tetapi, Petrus te manulung iya'a mendeng sambil bapander, '' Mendeng lah! Yaku baya uluh kalunen biasa bih.'' ²⁷ sementara Petrus bepander dengan Kornelius, Petrus tame si huang dengan manyupa'a ada uluh are bekumpul bersama. ²⁸ langsung, Petrus bepander dengan elen '' ikau tau bahwa ete kekejian akan uluh Yahudi akan bahubungan atau mamaja uluh lain Yahudi, tetapi Allah jadi inunjuk dengan yaku bahwa yaku mids seharus'a inyebut aweh pun haram atau najis. ²⁹ Etelah sebab'a, yaku mida keberatan sakatika ikau menyuhu yaku dumah. Baran ete, yaku maisek akan alasan e'en ikau mengahauku?'' ³⁰ Dengan, Kornelius bapander, ''Epat andau nang lalu sampai jam tun, akan jam jalatien, yaku lagi berdoa si humaku,dengan mamanga ada uluh mendeng si hadapan yaku mahapa pakaian nang berkilauan. ³¹ lalau bapander, kornelius , doamu jadi mahining dengan sedekahmu jadi iingat si hadapan Allah. ³² Awi sakatika ete, inyuhu'a wang Yopedan laku am Simon nang inyebut Petrus akan dumah. iya'a sadang manumpang si huma Simon, uluh penyamak kulit,si saran laut, ³³ Sakatika ete, yaku segera menyuhu uluh denganmu,dan ikau berbaik atei handak dumah. Wayah tun,ita uras'a ada si hetun,si hadapan Allah akan mahining segala sesuatu nang jadi iperintah Tuhan akanmu.''Petrus Bapander Injil si Huma Kornelius ³⁴ Lalau Petrus mambuka nyawa'a palus bapander mengerti, bahwa Allah mida inunjuk keberpihakan. ³⁵ si setiap bangsa, uluh nang mikeh dengan iya'a dengan melakukan e'en nang bujur, berkenan dengan iya'a. ³⁶ Firman nang Allah sampaikan dengan bangsa Israel memberitakan kabar baik damai sejahtera mehalau Kristus Yesus, iya'a Tuhan hunjun uras'a. ³⁷ Ikau surang tau peristiwa nang jadi terjadi si uras'a Yudea, mulai bara Galelea, jadi baptisan nang Yohanes mancaruman'a. ³⁸ Ikau tau Yesus,uluh Nazaret,kahampi'a Allah mengurapi iya'a dengan Roh Kudus dan dengan Kuasa. iya'a buhau mangaliling mehawi kebagus'a dengan manan tamba uras uluh nang inindas awi roh jahat baran Allah menyertai iya'a. ³⁹ Ikih adalah saksi-saksi bara segala hal nang jadi Yesus mahawi'a, baik si daerah uluh Yahudi handakpun si Yerusalem. Elen jadi mempatei Yesus dengan menggantung'a si kayu salib. ⁴⁰ Namun, Allah membangkitkan iya'a pada andau nang ketelu dengan memperkenan iya'a akan manampak surang'a. ⁴¹ Lain dengan uluh uras'a tetapi dengan ikih, saksi-saksi nang jadi tapilih awi Allah sehindai'a, nang kuman dengan mihup dengan iya'a setelah iya'a bangkit bara antar uluh matei. ⁴² Dengan, iya'a memrintah ikih akan menceruman dengan uluh-uluh dan bersaksi dengan sungguh-sungguh bahwa iya'a nang inetap'a awi Allah sebagai Hakim atas nang belum dengan nang matei. ⁴³ iya'a, uras nabi bersaksi bahwa setiap uluh nang percaya si huang'a akan manarima pengamounan dosa mehalau arai'a.''Allah Inunjukkan bahwa Iya'a Manarima Uluh Uras'a ⁴⁴ Sementara Petrus masih hiucap kata-kata te, Roh Kudus muhun sihunjun uras nang i hining'a firman te. Dengan, uluh-uluh percaya nang ⁴⁵ inyunat, nang dumah dengan Petrus takjub baran karunia Roh Kudus jadi inyurah'a, ca dengan bangsa-bangsa lain. ⁴⁶ Inyebab, elen mehining uluh-uluh te bapander huang berbagai bahasa dengan memulia Allah. Lalau, Petrus bapander. ⁴⁷ '' Lain kah mida ada uluh nang jadi manarima Roh Kudus sama sama ete itah tun?'' ⁴⁸ Maka, Petrus merintah elen akan i baptis si huang arai Kristus Yesus. Sakatika, uluh-uluh te melaku supaya Petrus melihi dengan elen selama beberapa andau.