¹ ɳlɔnu na Sardiis ho tsɔtsi haméa ho Mawudɔla bé"Ekiawo nyi ényakéo,améké léna Mawu ho gbɔgbɔ amadrɛnwo kudo wlétivi amadrɛnwo dé alɔméa gblɔ" n'nya édɔwɔwɔwowo, yi n'kɔwo di lé tohowo bé égbé lé agbé, vɔa oku. ² Fɔn yi na do éwunsè amékéo lé éku ho émɔjia, dobé nyéwun kpɔ bé édɔ ké owɔa su lé Mawu nyé ho n'kuméo. ³ Fifia do n'ku énuké ohɔa kudé oséaji do bubu wɔa n'ti yi natrɔ éjimé vɔ né inyi bé owun nɔ n'jɔ oa, mava égbɔwo sigbé fianfitɔ nɛnɛ yi owun ja nya gakémé mava égbɔwo gbédé o ⁴ Vɔa, amédéo lé Sardis ké owun sugbɔwo yi owun podi wɔaho awuwo ola do wɔaho awu héawo yi ola zɔkudom dobé ojé nɛ ⁵ Améké ladu jia, ola do awu hé nɛ,yi nyéwuja tutu yiho n'kɔ lé agbé ho agbanlɛa mé o, magblɔ yiho n'kɔ lé tatanyé kudé yiho dɔlawo ho n'kɔ ⁶ Améké si éto sénu léa nésé énya ké gbɔgbɔ lé tona tsɔtsiwo ⁷ ŋlɔ ɖiɗa Filadelphia xo hamɛa bé: kpɔɖa amɛke woɖeɖovo yi nyi nyatoxotɔa, amɛke yi alɔmɛ David yo saƒléa lea, amɛke yi hunnɔn nu yi ame ɖekpé mu tu nɛ o. Etu ne yi amɛ ɖékpékpé mu hunneo. ⁸ Muhun agboɖé na wo ke ameɖékpékpé mateŋ tu o. Mu nya bé ŋsɛn viɖé kpoé le asiwo vɔ o lé enya nyɛ ɖe asi. ⁹ Kpɔ ɖa ame kewo co satana xo ehabɔbɔ mea, amɛ kewo be yewo nyi Yuɖatɔwo vɔa mu nyi yi wo nyi o, wɔ le ɖaje. Ma na be wo ava je klo ɖo akɔwo mɛ yi wo anya bé ŋlɔn wo. ¹⁰ Ke olé esédodo nyɛ ke gblɔn be, agbɔnji ɖé le ejidodo mɛ a, ɖé asi a. Nye ca ma kpɔ tawo le tetekpɔ ke gbɔn nɔn xixéa mɛ, ava do anyigban ji tɔ wo kpɔa be gapopo mɛ. ¹¹ Mu gbɔnnɔn le madidi mɛ. Je te sɛnsɛn ɖé ne ame ɖé ŋgbe va xɔ efiɔ xo kukua le asiwo. ¹² Ame ke la ɖujia, ma cɔɛ cɔ wɔ esɔti le Mawu nyɛ xo gbedoxɔme, eye magbe do le emɛ o. Maŋlɔ Mawu nyɛ xo ŋkɔ ɖeji, Mawu nyɛ xo du xo ŋkɔ ɖeji, Yerusalɛm yeyé ke la ɖi tso ejixome, tso Mawu gbɔ. Ma ŋlɔ ŋkɔ nyɛ yeyé ɖe eji. ¹³ Ame ke eto senu le nɔo ne se enya ke gbɔngbɔn kɔkoe gblɔ nɛ hamɛa wo. ¹⁴ ŋlɔ doɖa ehamɛ ke le Laodicéa xo dɔla be: kpɔɖa ame ke tɔ nécɛ, ame ke nyi ɖasefo nutoxo wɔla kudo nyatoxo tɔ, ame ke le ɖufiɔ le Mawu xo nuwɔwɔwo kpata xo ta mɛa, le gblɔn be: ¹⁵ ŋjesi edɔwɔwɔ wo wo, omu fa can o, wo mu xɔ zo can o.Mu ji bé naxɔ zo alo na fa! ¹⁶ Ke ényi bé omu xɔzo can o, omu fa can o a, ma tru wo kɔŋgbe co enu nye me. ¹⁷ Enu ke ŋtia, o be nyi eci tɔ, kesinɔnu sun asi wo, wo mu hian enuɖékpékpé o. Omu nya bé ye nyi jɔgbevɔɛn tɔ, nuwɔamɛtɔ, wɔamɛnɔ, ŋkugbantɔ, amɛ ke le amama. ¹⁸ Se (toɖoxonya) nyɛ: ple sika ke wo do kpɔ to zomea le gbɔnye, nɛ na kpɔ ci, kude awu hé wo yi na cɔ bucɔn ɖokoé wo, yi ŋgbe cɔ amama nɔnɔ yo ŋkpɛn fiɔn o. Ple ŋku like nɛ na da ɖe ŋku ji nɛ nakpɔ nu. ¹⁹ Amɛ kewo mu lɔn a, mu gbe na nya na wo, yé ŋdɔn nɔn to nɔ wo. Bibi nɛ nɔ wo mɛ yi na trɔ jime. ²⁰ Kpɔta ŋle nɔntru a nu yi ŋlé poe. Ne amɛɖé se ŋkɔnyɛ yi hun hɔntrua num a, ma ɖɔ xɔamɛ le ŋigbɔ ma ɖunu kude, yi can la ɖu nu kudom. ²¹ Ame ke la ɖu jia ma na be e la na nyi kudom le efiɔzikpé nye mɛ, sigbe leke nye can mu ɖu ji ye munɔ anyi kudo etɔnye le yixo azikpemɛ. ²² Amɛ kesi eto senu lea nɛ se enya ke gbɔngbɔn kɔkɔe gblɔ.