¹ Yésu gbé trɔ do tɔji huan mɛ yi étso apua yi Kapernaum, ké nyi yi n'tɔ ho du mɛ. ² Tétéa otsɔ améké kplibɔ tsé va igbɔ yi otsɔɛ tsé mlɔn aba dé ji. Ké ékpɔ wɔaho hɔsé, Yésu gblɔ na améké kplibɔa bé: "Evinyé, okpé, do ji; otsɔ énuvɔnwo wo tsé kéwo." ³ Yudatɔwo ho agbalɛn fialawo kéwo nɔ tohoa lé gblɔ lé wɔadokéwo mé bé: "Amékéa gblɔ busu nya." ⁴ Yésu kplɔ wɔaho susua do yi lé gblɔ bé: "N'ka n'ti yi susu bada wo koé yi nɔna miaho éjiwo mɛ? ⁵ n'ka yi lé bɔbɔɛ bé nagblɔ bé: "Otsɔ énuvɔnwo tsé kéwo" alo tso yi nazɔn ma?" ⁶ Vɔa kén'gbɔyi mianya bé amégbétɔ ho vi do atsɛ kpakpa lɛ anyigba ji bé nétsɔ énuvɔnwo tsé kéa,..." Egblɔ na bafa bé: "Tso yi tsɔ aba wɔa yi nayi égbɔwo lé ahomé." ⁷ Tétéa n'tsua tso yi yi ahomɛ. ⁸ Ké améwo kpɔ énukéawo vɔvɔn gandé léwo yi wokafu Mawu bé éna nusɛn kéa tɔgbé na amégbétɔwo. ⁹ Eké Yésu to guwuan vayikɔa ékpɔ n'tsu dé ké yiho n'kɔ yi Matéo, nanyi lɛ toho ké ojɔna édugawo lɛ. Eto nɛ bé: "tim do." étso yi ti do. ¹⁰ Yésu nɔ anyi lé ahomé bé yéadu nu; yi kpɔda, éga jɔla sugbɔ kudo amé badawo va dunu kudo Yésu kudo yi nusrɔnlawo. ¹¹ Ké Farizitɔwo kpɔ énukéa la, ogblɔna yiho nusrɔnlawo bé: "N'ka n'ti yi miaho nufiala lé dunu kudo égajɔlawokudo amé badawo yi?" ¹² Ké Yésu sé énya kéawo, égblɔ bé: "Amékéwo lé lamésɛn a omu hian dɔkita o, amékéwo lé lédɔ koyi hian dɔkita. ¹³ Miyi yi miaj énukéa gɔmé sé: "nublanui kpɔkpɔ yi n'lé ji muji vɔsa o" dobé nyé n'va mé mawɔ améjɔjɔɛwo vɔa na énuvɔlawo wo yi." ¹⁴ Tétéa Yohanɛs ho nusrɔnlawo va igbɔ légblɔnɛ bé: "N'ka n'tiyi, miawo Farizitɔwo mi wɔna nutsitsi iji iji, yi énusrɔnlawo wo oya omuwɔnɛ yi?" ¹⁵ Yésu do yinti nuwo bé: "amékéwo okpéva ésrɔndédé toho wɔaténɔ nuzizi mé né inyi bé n'gbétɔ srɔn a lé wɔagbɔ a? vɔa n'kéké lé gbɔna ké wɔatsɔ n'gbétɔ srɔn a tsé yi lé wɔagbɔ, gakumɔa méa wɔawɔ nutsitsi. ¹⁶ Amédé n'tsɔ na avɔ yéyé abɔ déka dé énudodo hoho ji o, dobé yéyéa adɔ hohoa yi zézéa agbé kpé. ¹⁷ Nɛnɛkéyi omutsɔna vɛn yéyé tsé déna élangbalɛngolo hoho méo, dobé né owɔ nɛnɛa vɛn yéyéa ho nusɛn awɔ bé langbalɛngoloa awo yi vɛn a la kɔ. Bowuan otsɔna vɛn yéyé tsé kɔna dé élangbalɛngolo fafa mɛ yi wɔamévéa lanɔ anyi didi." ¹⁸ Ké Yésu lé gblɔ énya kéawo niwɔa, kpɔ, sɔjawo ho améga dé va igbɔ yi jé klo dé n'kɔ nɛ. Elé tonɛ bé: "Fifi kia tété yi évinyé nyɔnuvi ku yi nɛ, vɔa va yi natsɔ alɔ dé iji yi agbé kpɔ agbé." ¹⁹ Yésu tso kudo yiho nusrɔnlawo yi oti do. ²⁰ Kpɔ, nyɔnu lé kpé fu lé éwun kɔkɔ édɔ lém épé wuiévé yi kéa kpɔ Yésu ho n'gbé yi tsɔ yiho tsé tɔ Yésu ho awua ho boto; ²¹ dobé élé gblɔ bé "né inyi bé n'té tsɔ alɔ tɔ yiho awua makpɔ édɔ yɔyɔ." ²² Fifia Yésu trɔ yi kpɔɛ lé gblɔnɛ bé: "évinyé do ji, okpé. Hɔsé wɔa yɔ dɔ nawo." Tétéa nyɔnua haya zidéka. ²³ Ké Yésu vado sɔja méga ho ahoméa, ékpɔ améwo lé wo gawun yi olé avi fam sɛsɛn; ²⁴ égblɔ bé: "mitonuwo bé bé wɔa kpata oné do lé éhɔamɛ, dobé dévia n'kuwo, élé dalɔn yi." Tétéa wɔakpata olé koé. ²⁵ Ké améwo do yi éhihéa, édo éhoamɛ yi lé dévia ho alɔ; yi dévia tso. ²⁶ Amé gbé trɔ éjimé lɛ édu kumɔa mɛ hado énuké Yésu gbé wɔa n'ti. ²⁷ Gakémé Yésu tso lɛ toho kumua, n'ku gbatɔ amévé ti do. Omu tɔté aha dada lé gblɔ bé: "David ho vi, kpɔ nublanui nu mi!" ²⁸ Ké Yésu va do aho méa, n'kuvi gbagbanɔ amévéawo gogoé. Yésu lé tonuwo bé: "mikadé iji bé maté wɔɛ a?" Odo yinti nɛ bé: "ɛn mikadé iji Apétɔ." ²⁹ Yi Yésu tsɔ alɔ tɔ n'kuvi nuwo yi gblɔ bé: "néva imé ni mi sigbé léké mia n'tɔ mihɔɛsé nɛnɛ." ³⁰ Yi wɔaho n'kuawo hu. Yi Yésu do ésé nuwo lé gblɔ bé: "N'lé bé amédé nénya énya kiawo." ³¹ Vɔa amékéawo yi yi honu tso énuké Yésu wɔnawoa lé édua kpata mɛ. ³² Ké inyi bé amé évé kumɔawo tso léyia, kpɔ, otsɔ n'tsu dé ké éto kunɛ yi gbɔgbɔvɔn tsan lé imé. ³³ Ké Yésu nya gbɔgbɔ vɔn a do lɛ imé vɔa, étokunɔa lé ho nu. Ewɔ yaa nu amékéwo lɛ guwuan yi olé gblɔ bé:" Mimu kpɔ énukékéa kpɔ lé Izraël o!" ³⁴ Vɔa Farizitɔwo lé gblɔ bé: " dobé yi n'tɔ nyi abusam ho améga yi n'ti yi été lé nya gbɔgbɔvɔɛ do." ³⁵ Yésu ditsa lɛ éduganwo kudo kɔpékɔpéwo mɛ. Egbé kpɔtɔ lé fianu lɛ wɔaho tsɔtsihɔwo mɛ, lé honu tso jipo fiaduhoa n'ti nuwo, élé yɔdɔ dékpékpé ni amékéwo lé lédɔ. ³⁶ Ké ékpɔ améwoa woaho nu wɔ nublanui nɛ n'tɔ dobé otsaka yi ogbɔjɔ lé wɔadékéwo mé. Olé sigbé alɛn ké omudo kplɔlawɔa nɛnɛ. ³⁷ Egblɔna yiho nusrɔnlawo bé: "Agblémé nukuawo sugbɔ ganké édélawo sungbɔ o. ³⁸ Iya ta mibia agblétɔa bé nédɔ édɔwɔla sugbɔ va bé wɔawɔdɔ lé yiho éboawo mɛ."