¹ Ké Yésu di lɛ étoa ji va, amésu di do lé n'gbé. ² Tétéa anyijéla dé kpɔɛ yi jé klo lɛ yiho n'kumɛ yi do éta agu nɛ lé gblɔɛ bé: " Apétɔ né inyi bé olɔn a, yɔ édɔ nam yi n'tinyé nékɔ." ³ Yésu tsɔ yiho alɔ dé iji yi gblɔ bé: "n'lɔ, n'tiwo nékɔ." Tétéa anyi jéjé ho doa bu lé yinti zidéka. ⁴ Yésu do ésé nɛ bé: " n'gbé gblɔ énya kia na amédé kpékpéwo. Yi yi natsɔ édokoéwo tsé fian Osɔfo ganwo yi natsɔ Mosé ho ésé nawo bé nényi dasédidi nawo." ⁵ Ké Yésu va do kapernaum, Romatɔwo ho asrafo ho amégan édé va igbɔ. ⁶ Edé kuku nɛ bé: "Apétɔ, dɔtsɔla nyé lé lamétutu ho édɔ lém, émlɔn anyi lɛ ahomé yi élé sésé vé n'tɔ." ⁷ Yésu do yinti nɛ bé: " ma tiwo do yi gbɔwo yi madagbé lé yinti." ⁸ Vɔa osɔfo gan lé do yinti nɛ bé: "Apétɔ, nyé mu jé bé nayi égbɔ lé aho mé o, vɔa honu dika pɛ yi dɔtsɔla nyéa ho lamé né sén. ⁹ Dobé n'tsa n'nyi amé n'kuta yi n'tsa n'do sɔjawo yi n'dé na égbé nuwo. N'gblɔ na amékia bé "néyi" yi éyi; yi n'gblɔ nu amébu bé "néva" yi éva. Yi na édɔtsɔla nyé "wɔ énukéa", yi éwɔɛ." ¹⁰ Ké éhonu vɔa, éwɔ yaa ni Yésu yi lé tona améké tido wɔa bé: "Lɛ nyatoho méa nyémukpɔ hɔsé kéa tɔgbé kpɔ lɛ Israël o. ¹¹ N'lé gblɔɛ nu mi bé amésugbɔ la tso dɔkusu ho fɔfɔn toho kudo yiho anyimlɔ toho, yi wɔanɔ anyi lɛ ékplɔ n'ti kudo Abraham, Izak kudo Yakobo lé Mawu ho fiaduhoa mɛ. ¹² Vɔa abusam ho fiaduhoamé vi hoa wɔatsɔwo dangbé dé hihéamɛ lé viviti mɛ, gamu yi avi fafan kudo adu dudu la nɔ." ¹³ Yésu tona osɔfo gan bé: "Yi! sigbé léké owo n'tɔ séa, bé né va imé niwo nɛnɛ." Tété édɔtsɔla haya lé gamé kumɔa ji zidéka. ¹⁴ Ké Yésu va do Pétro ho ahoméa, ékpɔ Pétro ho lɔyɔ nyɔnu mlɔ anyi lé atikétsi ho dɔ lém. ¹⁵ Yésu tsɔ yiho alɔ tɔ nyɔnua ho alɔ tétéa éhaya zidéka. Tétéa étso yi lé subɔwo. ¹⁶ Ké fiɛnsi doa, amésugbɔwo lé kplɔ amékéwo gbɔgbɔ vɔɛn lé zan woa tsé va Yésu gbɔ, yi to énuho déka jia, énya gbɔgbɔ vɔnwo yi dagbé lé amékéwo lé lé édɔa n'ti. ¹⁷ Na énukéa, bé énuké énya gblɔdila Yésaya gblɔ dɛa néwu inu bé: "Yi n'tɔ hɔ miaho édɔwo yi trɔ miaho gbɔjɔgbɔjɔwo." ¹⁸ Ké Yésu kpɔ léké amésugbɔwo po hla doéa, éna égbé bé yi wɔajo yi akpa évé gɔa ni apua lé galiléa. ¹⁹ Tétéa ésényala va igbɔ lé gblɔ nɛ bé: "Nufiala, matiwodo yi toho dékpékpé ké ola yi." ²⁰ Yésu do yinti nɛ bé: " adɔwo do édoyi jipo éhévinwo do atɛwo, vɔ amégbétɔ ho vi ya n'do toho dé bé nétsɔ yiho éta dɛ yi né gbɔjɔɛwo." ²¹ Amédéka lé yiho nusrɔnlawo mé lé gblɔ bé: "Apétɔ démɔ num bé mayi yi mava di tatanyé gbɔho." ²² Vɔa Yésu do yinti nɛ bé: "yi na tati amékukuwo nédi amékukuwo." ²³ Ké Yésu do étɔji hun dé méa yiho nusrɔnlawo tido. ²⁴ Tétéa aya gan dé po lé apua ji tétéa apua tso yi pohla étɔji hun a kudo adan wɔwɔ, vɔa Yésu ya ké lé dan lɔn. ²⁵ Nusrɔnlawo va igbɔ yi lé fuɛn lé gblɔ bé: "Hɔ nu mi, Apétɔ milé éku ho mɔ ji!" ²⁶ Yésu lé biawo bé: " n'ka n'ti milé vɔn yi, hɔsé vitukui tɔwo?" Tétéa, étso yi honu kudo adan na aya kudo apua, yi tétéa ogbɛjɛ adan wɔwɔ yi dodoé zi zidéka. ²⁷ Ewɔ ya ni yiho nusrɔnlawo yi olé gblɔ bé: "améka yi nyi amékéa ké aya kudo apu lé do bubu yinti?" ²⁸ Ké Yésu va do Gadérénia ho anyigba ho akpa amévé gɔa, amé amévé ké gbɔgbɔ lé zan wɔa va do goé lé émɔji. Yi olé wɔ adan n'tɔ bé émɔzola dékpékpé maté to gawun o. ²⁹ Tétéa olé da aha lé gblɔ bé "n'kayi mijawɔ kudowo, éwo Mawu ho vi? Ova bé nafia éfu mi ya kén'gbɔ gamé néva sua?" ³⁰ Gogo guwun a, éhan sugbɔwo lé dunu lé gawun. ³¹ Yi gbɔgbɔvɔnwo omu gbɛjɛ lé yɔ Yésu ho n'kɔwo yi olé gblɔ bé: "né inyi bé ola nya mi do go lé amékéwo mé la nya mi bé mia do éhan kéawo mɛ." ³² Yésu gblɔ nuwo bé "kaba, miyi!" tétéa gbɔgbɔvɔnwo do yi do éhanwo mɛ; yi tétéa éhanwo tsan sudu yi do apua mé yi otsrɔn kékéwu. ³³ N'tsu kéwo kpɔna éhanwo jia si yi, odo éduamé yi tsɔ n'dékpékpé va, sigbé énuké va jɔ dé amékéwo gbɔgbɔ bada za na. ³⁴ Mikpɔ éduamé tɔwo yi bé wɔadogo Yésu. Ké okpɔɛa olɛ dékuku nɛ bé nétso lé wɔaho anyigba ji.