¹ Lɛ sabbat ho n'gbodoméa, kɔsida ho n'kéké tsutsugban ji a,lɛ fɔnfɔn méa, Maria magdala kudé Maria va bé va bé wɔakpɔ Yésu ho yɔdo a. ² Mikpɔ anyigban hunhun n'tɔ, dobé Mawu dɔla dé diva, yi va houn ékpéa yi nanyi do iji. ³ Mawudɔla ho nɔnɔmɛ lé klɛn kudo yiho awu fué hée pempem. ⁴ Vɔnvɔn do jɔlawo yi olé wunwun lɛ wɔanɔɛwo mé yi otrɔ sigbé amékuku nɛ. ⁵ Mawudɔla lé to nu nyɔnuawo bé: "adika n'gbé tso mi o, élabéna munya béna mi lé ji Yésu ké okan dé ati n'tia yi. ⁶ N'gbé lé gɛké o, vɔa éfɔn tso amékukuwo domé, sigbé léké yin'tɔ gblɔɛ ni mi nɛnɛa. Miva yi miakpɔ toho ké otsɔ n'ti kukua tsé mlɔa. ⁷ Mitrɔ kaba yi mia gblɔna yiho nusrɔnlawo bé: "éfɔn tso amékukuwo do mɛ; yi mikpɔ, étsɔ n'kɔ ni mi yina Galiléa. Gawunwa yi miakpɔɛ léa." Mikpɔ, n'gblɔɛ ni mi." ⁸ Yi nyɔnuawo tso lɛ éyɔdoa gbɔ zidéka. Oké lɛ vɔn vɔa éji tsan lé jɔwo. Osudu tsagbé oné va gblɔɛ na yiho nusrɔnlawo. ⁹ Mikpɔ, Yésu ti dogowo yi lɛ tonuwo bé: "n'tifafa ni mi." Nyɔnuawo kpɔɛ, yi ojé éklo yi lɛ yiho afɔ yi olé subɔ. ¹⁰ Tétéa Yésu lé tonuwo bé: "Vɔnvɔn n'gbélé mi o. Miyi yi miatona nɔvinyéwo bé onéyi Galiléa; gawunwɔa yi wɔaté kpɔm lé." ¹¹ Ké nyɔnuawo yikɔa, mikpɔ, éyɔdɔa ho jɔla déwo lɛ do éduamɛ yi lɛ gblɔna osɔfoganwo énukéo va jɔa. ¹² Ké éduamɛ ho tsintsiawo va wɔ égododo kudé osɔfoganwɔa, olé honu tso énuké va jɔa n'ti, otsɔ égan sugbɔ na sɔjawo ¹³ yi ogblɔɛ nuwo bé: "migblɔ bé ké mikélé danlɔa Yésu ho nusrɔnlawo va fiŋ yiho ŋtilan kukua si tsé yi. ¹⁴ Né inyi bé otsɔ dodo kéawo tsé yi fiaha gbɔa, mido la kadé iji yi mia dɔ éfia tsotsoa yi." ¹⁵ Yi sɔjawo tsɔ éga yi owɔɛ sigbé léké ofiawɔa nɛnɛ. Aha kéawo lé di lé Yudatɔwo domé yi égbé kpɔtɔ lé yi iji égbé. ¹⁶ Vɔa yiho énusrɔnla wuidékɛ kpɔtɔɛwo yin na galiléa, lé éto ké ji Yésu fiawɔa. ¹⁷ Ké okpɔɛ a olésubɔɛ yi amédéwo n'lé kadé iji o. ¹⁸ Ké inyi bé Yésu lé gogowɔa, élé ho nu nɔwo léké: "Otsɔ atsɛ kpakpa nam dé jipo kudo anyigba ji. ¹⁹ Miyi yi miawɔ édukɔwo mia nusrɔnlawo, yi miado étsi déta nawo lɛ Etɔ, Evi kudo gbɔgbɔ kɔkɔé ho n'kɔmɛ. ²⁰ Mifiawo léké wɔawɔ yi wɔado bubu ésé ké mudo ni mia. Yi mikpɔ, n'lé kudé mi yi éhiha ho énuwuwu."