¹ Eva va yimé bé ké Yésu gbrɔ énya kumɔawo vɔa , étona yiho nusrɔnlawo bé: ² " Minya bé Paska ho azan la va imé lɛ n'kéké amévé mɛ, yi olava tsɔ amégbétɔ ho tso dé asi yi olakɛn dé ati n'ti." ³ Tété yi édukɔawo ho n'kɔnɔtɔwo ho améganwo va bɔ lé éfian gan ké oyɔna bé kaïfa ho ahomé. ⁴ Owɔ ésébla bé yé wɔlé Yésu yi wɔawui ji. ⁵ Enukéta oké lé gbrɔ bé: "n'gbényi azan ho n'kéké ji o, tsagbé édukɔawo n'gbé va tsité dé wɔaji o, yi tukada n'gbéva na nyi o." ⁶ Yésu kélé lé Bétania lé Simon anyijéla ho ahomé, ⁷ ké élé ékplɔ n'ti dɛ a, nyɔnu dé ké va igbɔ kudo lafida ké wɔasia , yi étso kudé Yésu ho tamé. ⁸ Ganké ké yiho nusrɔlawo kpɔ nɛnɛ a, obi ji yi tɔ gblɔgblɔ bé:" n'kayi nyɔ lɛ énu gugu kia n'ti? ⁹ Olaké sa lafida kéa égan gadé yi tso na wɔaménɔwo." ¹⁰ Ganké Yésu jésiwo, yi élégbrɔnawo bé: "n'ka n'ti yi milé do fu na nyɔnua nɛnɛ? Enu nyɔndéyi éwɔ num. ¹¹ Mila nɔ kudo wɔaménɔwo, vɔa mima kpɔ gbédégbé o. ¹² Ké étsɔ lafida kéa kɔdé éjignéa, éwɔɛ na didi nyé yi. ¹³ Lɛ nyatoho méa, n'lé gblɔ ni mi bé, toho ké lé hihemé yi ola dé égbé fan Mawu ho énya nyun kéa lé a, wɔa honu lɛ nyɔnu kia n'ti énuké éwɔ na yiho n'ku dodo ji." ¹⁴ Amé wuiévé dométɔ déka, ké oyɔna bé Yuda Iscariot, yi vɔsalawo vovovo gbɔ ¹⁵ yi gblɔ bé: " n'kayi mia nam bé matsɔ Yésu sa ni mi?" yi otsɔ éga homé blatɔ nɛ. ¹⁶ Yi gakumɔamé zédéka élé ji mɔ ké éla sa Yésu a. ¹⁷ Lé n'kéké tsutsun gba tɔa na kpɔnɔ ké mé yi isi muléwa, Yésu ho nusrɔnlawo té gogo Yésu yi lé biɔ bé ganɛ ji yi oji bé miada paska ho nudua lɛ? ¹⁸ Edo yinti nawo bé: "miyi édu gan mɛ lé amédé gbɔ yi miatonɛ bé: "Amégan béna: "gamé nyé gogo. N'lé ji bé ényé kuku nusrɔnvi nyéwo mia du Paska ho n'dudua lé égbɔwo." " " ¹⁹ Nusrɔlawo wɔ léké égblɔ nawoa yi oda Paska ho nududu. ²⁰ Lɛ fiɛnsi méa, Yésu nɔ ékplɔ n'ti kudo iho nusrɔvi wɔévéa o. ²¹ Ké olé du nua yikɔa, étonuwo bé: " lé adido méa, matonumi bé amédéka lé miadomé la va tsɔm dé asi." ²² Ogbɔjɔ kémkém yi amésiamé lé wɔadomé lé biɔbé enyé yia, amégan?" ²³ Edo yinti nawo bé: "améké tsɔ yiho asi do agban mɛ kudo mu a yi la va tsɔm dé asi. ²⁴ Agbétɔ ho vi la va gbɔyi sigbé léké o nlɔɛ dé yinti nɛnɛ. Ganké baba na améké latsɔ agbétɔ ho vi la dé asi! Elanyɔ ni amékumɔa bé omgbé ji o." ²⁵ Yuda n'tɔ ké latsɔɛ dé asia, lé biɔbé: " ényé yi a, amégan? Yésu do yinti nɛ bé: " owo n'tɔyi lɛ gblɔɛ a." ²⁶ Ké olé dunɔa yikɔa, Yésu tsɔ kpɔnɔ dé asi, yi yra dé iji, ŋɛ yimé. Etsɔɛ na yiho nusrɔnlawo yi gblɔ bé: "mihɔ yi mia du. Kia yi nyi n'tilan nyé." ²⁷ Etsɔ kɔpu ké mé vin lé yi dakpé yi yra dé idji. Etsɔɛ niwo yi gblɔ bé: " minui lé mia nɔnɔɛwo mé; ²⁸ élabéna éhoun nyé yi, ké nyi enu blabla yéyéa ho houn ké kɔngbé dé amé sugbɔ ta , na wɔaho vodadawo ho tsɔtsɔké. ²⁹ Ganké mato ni bé, n'ja gbé nu vin tikutsétsé yéyéa lo kaka va na gbékégbéma gbé va nui kudé mi lé tata nyé ho fiaduho mé o. ³⁰ Ké oji ha vɔa, oyi olivia ho toa ji. ³¹ Yi Yésu gblɔ nu wo bé: "mia kpata mi la gbé nu lɛ égbɔnyé kénkén fiɛn si kia; énuké n'tia oŋlɔ di bé: "ma po alɛn kplɔtɔa yi alɛn viawo wɔa kaka." ³² Yi n'trɔn fɔn tso amékukuwo doméa, ma nɔ n'kɔ ni mi yi Galiléa." ³³ Vɔa Pétro gblɔ nɛ bé: "né amékpɔtiawo gbénu lé egbɔwoa, ényé ya n'ja gbénu lé égbɔwo gbédé o." ³⁴ Yésu tonɛ bé: " lé nyatoho méa n'lé gblɔ niwo bé, lé ezan kia mé kéngbɔ kloku né ku atɔ la, éwo na gbé nu lé égbɔnyé zi étɔ." ³⁵ Yi Pétro gblɔ nɛ bé: " yi inyi bé ma ku kukuwoa la, nyé ma té gbé nu lɛ égbɔwo gbédé o." Tété nusrɔnla kpɔtiawo tsan gblɔ nɛnɛ ³⁶ Tétéa, Yésu jo kudéwo yi toho ké oyɔ na bé Gétsémani yi égblɔ na énusrɔlawo bé: "mi nanyi lé gɛké né n'tso yi bé ma dogbéda." ³⁷ Etso kudo Pétro kuku Zébédéo ho n'tsuvi amévéawo yi ké ova do tohoa la yiho lamé gbɔjɔ yi étsi nublanui mé. ³⁸ Yi égblɔ niwo bé:" luvɔ nyé gbɔjɔ, kaka yi ékumé tsa minɔ n'jɔ kudo mu lé toho kia." ³⁹ Edɔyi lé wɔagbɔ vidé, yi étsɔ n'kumé dé anyigba yi lɛ do gbéda lé gblɔ bé:" Tata nyé, ni éla té nɔ bɔbɔɛ la, dɔ kplu kia jo lɛ égbɔnyé. Vɔa n'nyi énu ké n'léjia yi nɛ o, ganké néyni wo n'tɔ ho lɔlɔnu." ⁴⁰ Etrɔ va yiho nusrɔnlawo gbɔ yi é kpɔwo olé danlɔn. Tétéa étoni Pétro bé: "Nuka? mi ma nɔ n'jɔ kudom gapopo vidé a? ⁴¹ Minɔ n'jɔ yi mia dogbéda bé mingbé gé jé tétékpɔ méwo. Gbɔgbɔ ya sɔgbé ganké n'tilan ya gbɔjɔ." ⁴² Egbé trɔ jo yi lɛ wɔagbɔ zivé gɔa yi lé do gbé da lé gblɔ bé: " Tata, né n'lé bɔbɔɛ bé ékplu kia né jo yi bé nyé mu gbénuiwo la, tɔwo ho lɔnlɔn né va imé." ⁴³ Egbé trɔva lo yi kpɔwo ogbé lé dalɔn; élabéna étikɔ ni wɔaho n'kuviwo. ⁴⁴ Egbé dɔyi lé wɔagbɔ ké. Egbé do gbé ké yi gbé gblɔ énya déka n'kumé. ⁴⁵ Tso yi ijia Yésu trɔyi yiho nusrɔnlawo gbɔ yi gblɔ nuwo bé: "mi lé dalɔn yi mi lé gbɔjɔɛ kéa? Mikpɔ gamé va do bé wɔa tsɔ amétɔ ho vi dé énuvɔ wɔtɔwo ho asi mɛ. ⁴⁶ Mitsité yi mia yi lé gɛké. Mikpɔ améké ja tsɔm dé asia sɔgbé." ⁴⁷ Ké égbé lé honua yi kɔ loa, Yuda apostoloawo woévéao ho dométɔ dika va do. Améwo sugbɔn yi tso éduamé méganwo kudo ékɔnu wɔtɔwo gbɔ. Olé éhɛ kudo ékpowo dé alɔmé. ⁴⁸ Améké va sa Yésu na wɔa wɔwɔ nyanya dɛ niwo bé: " Améké matsɔ alɔ kpla ékɔ nɛa, yi yi, milé." ⁴⁹ Zidézidéka, éva Yésu gbɔ yi lé gblɔ nɛ bé: "n'dogbé niwo nufiala!" yi égbugbɔ énu nɛ. ⁵⁰ Yésu gblɔ nɛ bé: "éhɔnlɔn nyé wɔ énuké ova bé yia wɔa." Yi ova lɛ Yésu. ⁵¹ Mikpɔ, amékéwo lé kudo Yésu a da yiho éhia yi tso éto na dumégan ho dɔtsɔvi déka. ⁵² Yi Yésu tonɛ bé: " tsɔ éhi wɔa do yi toho dobé amésiamé ké la zan éhi tso wu améa tsan la tsrɔn kudo éhi. ⁵³ Osibéna nyématé yɔ tata nyé yi na doda mawudɔla wu wɔévé didamua? ⁵⁴ Lémɔyi énu ŋlɔŋlɔwo wɔa wu inu, béna énukéa wɔava imé?" ⁵⁵ Lé gapopo kuméa méa, Yésu lébia wɔakénkén sé bé: " miva do kudo éhi kudo ati yi va sigbé fianfitɔ bé mia lé mua? N'kéké dékpékpéa n'nɔanyi lé tsɔtsi hɔmɛ yi lé fia mi nu yi min'té lému o. ⁵⁶ Vɔa énukéawo va imé bé énuké ényagblɔdilawo ŋlɔ né va imé." Yiho nusrɔnlawo kénkén gblédɛ yi sijo. ⁵⁷ Amékéwo lé Yésu a kplɔyi kaïfa gbɔ ké nyi éfian gan, gɛké ésényalawo kudo édumé méganwo bɔdɛ. ⁵⁸ Pétro létido kaka vayi éfiagan ho ahomé. Edo éhɔamé yi nanyi kudé éfiasamé ho jɔlawo tsagbé néva kpɔ énuké lé ja va jɔa. ⁵⁹ Edumégbonuglanwo kudo wɔaho n'timéwo lé ji énya bada yi wɔatsɔ dé Yésu nu, gakumua méa wɔaté wui. ⁶⁰ Amésugbɔwo va lé dajé dé yinti ganké omugbé kpɔ vodada dékpékpéwo. Tso yi ijia amé évé va ⁶¹ yi lé gblɔ bé: "amékéa gblɔ bé " maté mu Mawu ho éhɔ kéa yi n'kéké amétɔ ho n'gbodoméa maté tuido." " ⁶² Edénkɔnu ho amégan tso tsité yi lé biɔ bé: "oma do énya n'tia?" ⁶³ Enya kéayi amékéawo tso lé do n'tiwo a?" Vɔa Yésu bɔnu. Efian gan lé tonɛ bé: "n'dégbénawo lé Mawu lé agbé ho n'kɔmé bé na gblɔ ni mi yi owoé nyi kristo, Mawu ho vi a." ⁶⁴ Yésu do yinti nɛ bé: "owo n'tɔ né gblɔɛ. Vɔa n'lé gblɔ niwo bé, ola kpɔ amégbétɔ ho vi la nɔ anyi lé nusén ho nudusi mé atso jipo." ⁶⁵ Téta Edinkɔnou fiagan zin iho awu yi lé gbrɔ be : "Edadzé, Edidimi kpɔtɔ! Nouka djɔyi miagbéhian dasifo dé lo? Mikpɔ , Misé iho adzédada? ⁶⁶ "Sousou kayi lé miasi?" Odon'ti be: "Edzéna ekou". ⁶⁷ Otutan dé n'kuméné, odo abɔgbané. Yi le toné be : ⁶⁸ "gbrɔ améké powo a nami, christo" "yɔ améké powoa nami? . Mawuho agnangbrɔto. ⁶⁹ Pétro kénu aguidé lé gbadjadji, gnonrun dé va yigbɔ yibéna :"Owotchan okélé kudo yésu galiléa tɔa yi?" ⁷⁰ ganké pétro mon enu lé woikémkém ho n'koumé. Yi lé gbrɔ bé:"gnin mugnadé lé énuké olé gbrɔ a mé o" ⁷¹ Ké pétrɔ zonyikɔ éhihé ho agbrɔa nua, gnonrun bu gbékpɔé yilégbrɔ na yitɔwo bé:"amékéya tchan ļé kudo yesu nazareth tɔ" ⁷² Yi pétrɔ gbému nu lo yi tanu dédji bé:"gnému dzési amékéya (yesu) kpɔa" ⁷³ Lé gapɔpɔdéwo n'gbéa,amékéwo lé tocho va pétrɔ gbɔ yi létoné bé:"légnantoho méa owotchan o kélé ti yesu do ; dobé enu hohowo yi lésawo a" ⁷⁴ tétéa pétrɔ tɔ énu monmon yi lé dadzéwo kudé énu tata bé: "nyému jési amékéa o" zédeka zédéka, kloko ku atɔ. ⁷⁵ Pétro dognu égnan kéwo yesu kétonéawo bé: "gbɔho kokro na koitɔa, agbénu lé égbrɔgné zétu " tétéa édo yi ton avi fanfan vévédé.