¹ Ké Yésu vayikɔa ékpɔ n'tchu n'ku gbagbanɔ tcho gakë ojiá́ ² Yiho nusrɔlawo lɛ biɔ bé: " Apétɔ mɛkayi wɔ nuvɔn? n'tchua yia alo yiho jilawɔé yi, bé wɔaji n'kugbagbatɔ?" ³ Yésu do yinti nawo bé: "mugni n'tchua yo alo yiho jilawo yo vɔa bé Mawu ho édɔwɔwɔwo né fiɔ ⁴ Midolawɔ améké dɔm va ho dɔwo enuké n'tia éhunké Ezan gbɔnɔ ké amédékpékpé maté gbé wɔdɔ o ⁵ Ké igni bé n'gbé kpɔtɔ lé hihéaméa, hiheamé ho kékéli yi mugni ⁶ Ké Yésu gbrɔ égna kumuawo vɔa, étutan dé agnigban, yi wɔe kuku ékɔ yi tcho tutu ikuménɛ ⁷ Egbrɔnɛ bé: "va létchi lɛ siloé ho etɔamɛ (ké gɔmé igni dɔdɔn) " yi n'tchua yi va lé étchia yi ké etrɔ va yiho n'kuwo lé kpɔnu ⁸ Fifia yiho évégɔawo kéwo jési hoho bé egni énubiɔtɔ la lɛ gbrɔ bé: " mugni améké mikpɔna yi énɔnɔ agni lé toho kia biɔna nua iké? ⁹ Amédéo lɛ gbrɔ bé: "yi yi" Amédéo gbrɔ bé:" amé diamé yi, n'gni yi yo" Yi yintɔ gbrɔ nawo bé:" égné yi " ¹⁰ Olé biɔ bé: "lémɔyi nkuvi wo wo lé fifio?" ¹¹ Edoti yinti niwo bé: " améké oyɔ na bé Yésu yi gna ékɔ tcho tutu n'ku gnéwo, yi égbrɔ nam bé mayi Siloɛ ho étɔamé" Yi muyi va létchi yi n'lé kpɔnu " ¹² Olé biɔ bé " ganɛ yi dé? " Edo yinti nawo bé: "gnému gna wo ¹³ Okplɔ n'tchu kia ké gni n'kugbagbatɔa yi Faritɔwo gbɔ ¹⁴ Vɔa n'kéké kumɔa ké gni Sabbat ho n'kéké ji ké Yé wɔ agnikɔ kéa tcho hun n'ku na n'kugbagbatɔa ¹⁵ Farizitɔwo gbé biɔ ké bé lémɔyi owɔ yi lé kpɔnu o Edo yinti nawo bé: " étchɔ agnikɔ dé n'ku gnéwo ji, yi fifia maté kpɔnu" ¹⁶ Farizitɔ déwo lé gbrɔ bé: "amékumɔa n'tcho Mawu gbɔ, énukétia ilé do bubu Sabbat ho n'kékéawo " Amédéwo lé gbrɔ bé: "lémɔyi améké gni nuvɔn wɔtɔ la té wɔ nukunu kia wo? 3" Tété mama va wɔadomé ¹⁷ Ogbé lɛ biɔ n'tchu ké n'kuvi gba nɛ ké bé: " Egnakayi olé brɔ tcho yinti o, ké igni bé iya yi hun n'kuvi nawo?" N'tchua do yinti nawo bé: " Egnagblɔdila yi " ¹⁸ Vɔa égbé ilékadéji bé n'kugbagbatɔ yi eké gni yi fifia élé kpɔnu o Odɔ amédida yiho jilawo ¹⁹ Olé biɔ jilawo bé: " amékia gni miaho vi ké milé gbrɔ bé égni n'kugbagbanɔ tcho kaka gakémé mijia? Lɛmɔyi ewɔ yi lé kpɔnu fifio? ²⁰ Jilawo do yinti niwo bé: " migna bé miaho vi yi, yi n'kugbagbanɔ yi mijii ²¹ Lémɔyi wɔ bé elékpɔnu fifia o, mimugnawo, alo améké huin nɛwo Mi biɔ amétchitchi yi, yintɔ la té do yinti ²² Jilawo lé honu nɛnɛ enukétia olé vɔn na Yudatɔwo Enuké yintia Yudatɔwo gbrɔ bé yio la gna amédékpékpé ké la didasé lé tchɔtchihɔ gan mé bé Yésu gni Kristoa ²³ Lé égna kumɔawo ta , jilawo gbrɔ do yinti niwo bé: " amétchitchi yi, mi biɔ " ²⁴ v 24 Zidéka kéa, ogbé yɔ améké kégni n'kugbagbatɔa va yi lé biɔ sé bé: " Kafu Mawu Miawo ya migna bé n'tchu kumɔa gni nuvɔn wɔ tɔ yi " ²⁵ Yi n'kugbagbatɔa do yinti nawo bé: "gnémugna bé egni nuvɔ wɔtɔ o Vɔa énudé ka mugna yi gni bé n'kugbagbanɔ yi n'kégni vɔa fifia n'lé kpɔnu " ²⁶ Yi olé gbrɔ nɛ bé: " nuka yi éwɔnawo? Lɛmɔyi éwɔ yi wu n'kuvi nawo? " ²⁷ Edo yinti nawo bé: " n'ké gbrɔɛ ni mi vɔ minkadé ejigné o! N'kayi miji bé magbé gbrɔ ni mi o? Minji la gni yiho nusrɔnlawoa? ²⁸ Milé jia? " Olé zuin yi lé gbrɔ bé: " migni yiho nusrɔnlawo vɔa miawo ya migni Mosé ho nusrɔlawɔé ²⁹ Migna bé mawu ho nu na Mosé, vɔa mingna toho ké amékéa tcho " ³⁰ N'tchua do yinti nawo bé: "éwɔ yaa num bé mingna toho ké yi étchɔawo Vɔ la éwoun n'kuvi nam ³¹ Migna bé Mawu n'do na éto amékéo wɔna enuvɔn wo; vɔa né igni bé amédé lé wɔ yiho lɔlɔnu la ,édo na étoé " ³² Tcho hihéamé ho jɔtchopéa misekpɔ bé amédé té hun n'kuna amédé ké oji yi n'kugbagbanɔ a ³³ Né amékea mukégni Mawu ho amé, makété wɔ n'déwo " ³⁴ Odo yinti nɛ béna: " ojio lɛ enuvɔn méyi lémɔ naté wɔ?" Yi, otchɔɛ dangbé dé éhihé ³⁵ Yésu sé bé ognɛ lɛ wɔaho tchɔtchihɔ gan mɛ Ekpɔɛ yi lé biɔ bé: " okadé amégbétɔ ho via ji? ³⁶ Edo yinti nɛ bé: "mɛka yi gni Yésu bé makédé iji ? ³⁷ Yésu do yinti nɛ bé: "okpɔɛ yi iya yi honu kudéwɔa." ³⁸ Agbétɔa gblɔ nɛ bé: "Apétɔ, n'kadé yi ji." yi yi mia subɔ a. ³⁹ Yésu gbrɔ bé: " na vɔnudrɔndrɔn yinti n'va hiheamé bé amékéo n'lé kpɔnu wɔakpɔ nu yi amékéwo lé kpɔ nua wɔatrɔzu n'kugbagbanɔwo " ⁴⁰ Farizitɔ déo kéo lɛ gawun kudoé a, yi ké osé égna kéo kéa lɛ biɔ bé: "miatcha migni n'kugbagbanɔa? ⁴¹ Yésu do yinti nawo bé: " né migni n'kugbagbatɔa, énuvɔn dékpékpé n'ja nɔ mia n'tiwo Vɔa fifia milé gbrɔ bé "milé kpɔnu" La nuvɔn lé mia n'ti "