¹ Enou ké n'ti, ésé kuma nyi djési na énou kéwo gbona, mougni enou n'tɔ n'tɔ amékéwo lé gogo wawou la o maté djé to vɔsa ké Mawu yo vɔsalawo ké wo tcho nana épé sia épé. ² Lé égna boumè la vɔsasa ma hé jété.Lé nɔnɔmè kia mè, né o klɔ n'ti zidéka yi la, soubɔlawo ma gbé do djidjigna lé nou von n'ti ³ Vua la vɔsa wɔmè bé o dona kou nouvon épé sia épé. ⁴ Yi élasin hou bé agbo kuku éto ho éhun né wa tutu énou vɔn da. ⁵ Ké Kristo va hihiémè la, égblɔ bé"vɔsasa koudé énou nana wo la o mou dji nè, vɔ la odjrè do dadè". ⁶ O mou kpɔ na djidjo dé énounana, vɔsasa alo étchou vɔsa ké o wɔna dé nouvon n'ti. ⁷ Yi n'gblɔ bé"Mi kpɔ,égné ké si bé dé ké o yron lé homa mè la nènè bé ma hɔ énouké ojina" ⁸ Kélé kélé o gblɔ bé o mou jrona énounanawo, vɔsawo kudé etchou vɔsawo lé énouvon mè n'tio .Yi mou do na jijɔ na wo.Lé ésé mé yi owɔ vɔsa lé. ⁹ Yi égblɔbé : kpɔ n'gbɔ na bé mawɔ lonlonouwo.Ejété bé kélé kélé yo vɔsa bé dé né jé énougou gomè. ¹⁰ Tcho lonlon nou kia mè la o krɔ mia n'ti to Yésu Kristo dokui tsɔ tsɔ na yi mavɔ mè ¹¹ Lé akpa bou la vɔsala dékpékpé nɔna n'kou wo mè lé n'kéké yi n'kéké mé bé woa subɔwo.O wɔnu vɔsa déka n'koumé yi daa kéwo nou déna nouvonwo ¹² Yi Kristo wɔ vɔsa déka dé nouvonwo n'ti yi mavɔ mè, yi énagni dé Mawu yo dousi mé. ¹³ E lé dzété vado gakémé yo foutɔwo la trɔ zou yo afoukpa. ¹⁴ To vɔsasa déka mé la ,éwɔ kɔkɔé amékéwo n'ti écrɔ yi daa ¹⁵ Yi Mawu yo gbɔgbɔ lé di dasé na mi égblɔ bé : ¹⁶ " kpɔ da nublabla ké mou bla ku wo la lé n'kéké kuma mè va yi la matsɔ éségnéwo dé wawo jimé, ma n'crɔ dé susu mé nawo". ¹⁷ Nyé ma gbé donku wawo nouvon ku gblégbléwo ji ¹⁸ Fifia toho wo ké tsɔtsɔké lé la vɔsa n'gbalé na nouvou. ¹⁹ Yi n'ti ,nɔvignéwo kakadéji lé mia si bé mia yi toho kɔkɔé tcho Yésu yo hunmè ²⁰ Kpɔ émɔ yéyé ké lé agbé ké éhun na mi lé avon tcho éhrɔn mé, yi gomɔ dzi bé tcho yo n'tilan mé . ²¹ Ké égni bé mi do vɔsalagan lé Mawu yo ahomè ta, ²² Mi na mia té gogoé lé édzi kɔkɔé mè lé kakadéji ,lé hɔsé mè kudé édzi ké mè dzidzigna kɔkɔétɔ kudé miawo n'tilanwo ké crɔ lé édzi kɔkɔé mè. ²³ Mina mi lé Mawu mè houhou lé mɔkpɔkpɔmé , ké mi ma hunhun énuké n'tia Mawu hɔ n'gbédodo na yo n'toho subɔlawo. ²⁴ Mido n'sè mia nɔnɔwo lé lonlonmè kudé édɔ nyɔ nyɔ wɔwɔ mè ²⁵ Mi gbé dzété mia bɔbɔ si bé déké amé déwo lé wɔ.Mi do n'sén mia nɔnɔwo mi lé kpɔ n'kéké la gogo ²⁶ Né mi wo nouvon lé dzodzro mè lé gakémé migna lé gnatowo vɔ la vɔsa na énouvon koumouwo gbé lé. ²⁷ Vɔ kojo dodo gan dé lé jété kpɔ amékoumouwo, yi Mawu yo ézo bia amè la bi yo foutɔwo. ²⁸ Amésiamé ké tcho Mosé yo ésé dangbé là , la kou lé amè alo amèto yo dasédidimè yi o makpɔ énou blanyiu nè wo ²⁹ Mi dé susu lé éto hinhin gan tɔ ké la va améké la zon Mawu yo vi ji, ké susu édjodudu wo hon gblégblé, éhun ké wotchɔ krɔ yo n'ti lé yi ézou aménouvévé yo gbongbon ³⁰ Mi nya améké gblɔ bé :" Tɔnyé yi nyi hunbiabia" yi égbé gblɔn bé Apétɔ la do kojo na yo édukon . ³¹ Enou gblégblé gan dé yi nyi bé wa janyi dé Mawu yo alɔmé ³² Vɔ la mi do n'kou bé yo n'kéké ké o klin na mi la mivɔ ava gan dé lé vévésésé gan dé mè ³³ Mi nɔ amè kokomè, amè zuzumè, kudé yométiti, yi mi nɔ amékéwo to éfoukpékpé domè . ³⁴ Mi kpɔ énou blanyi na égamè nɔ lawo yi mi lon bé wahɔ mia wo késinɔnouwo .Minyè bé énou nɔ amésiwo mavɔmavɔ lé miasi. ³⁵ Yi ti la mi n'gbé tchɔ miawo kakadéji dangbéo yi mè miawo fintou gan la lè. ³⁶ Mi hian dzigbɔdi bé mia n'té kpɔ yayra ké yo n'gbé Mawu do na mi né miwɔ yo lonlonnu vɔ ³⁷ Lé gamè vitikui mè la ,amè ké dȏ la va lé énya toho mè yi matchi n'gbé . ³⁸ Enou toho wɔla anɔ agbé lé hɔsé mè.Yi vɔ né trɔ yi n'gbédomè la, nyé makpɔ jijɔ dé n'ti. ³⁹ Mi mou lé amékéwo dona bé wa bou,vɔ la minɔ amékéwo do hɔsé lé wawo louvɔn dé asi.