¹ Me ngwi-ngwi luo a la bara ba ntama baki ya biene, me wu nke muruntama we ye iki biu mpe we mwene ma mpari ma kristu mpe we ka ansi mu ise kie eya. ² mutine eso me yaliwiwi luo bara ba ntama, liyulu ibwi Nziami ki ke ya biene. Libayulu ka mobari we, muli mutini ekunu Nziame ba lue ka munta ma bi we, kuobo asa kia abowe. ³ Ka asa we osusuo wu ke munsui ebiene muli ka yana mu ibui. ⁴ Yabu mukuru ikeke ibiu kini ye nga mbiene lebo imfumu kie ebu ebamu. ⁵ Mutini, biene, mikumba, lie bawa liziri a la ba kuru ba biene. Biene baso le buara mbiene limisuru mpe liya kaba ibiene-ibiene; ndo ebu Nziami akukunu we ba nga lilini, awuwa mfu e nde a la ba misusuru. ⁶ Limisuru mungu mion me Nziame, ndo ebu nde elisini mu ntoo yo oku. ⁷ liwu limuwa mando mabiu maso, mundo ebu nde aliyulu a la biene . ⁸ Biene limiyulu, biene lika makani. We menu kunu biene mufu eliuru anka nkio esissime eso bilo dia. ⁹ Nze kakiri munde mpe ya ngu okiu ye nze. Biene liyabi ebu bana ba ngwa biene ba ke mu mukiri mu ba mweni mpari mutini mumo. ¹⁰ Ya nguele bamoni mpara muntoo e nsi Nziami enga ngebe tsee we biu we biyu biene munkara kristu mfumu impini, biene liyilu mambue biene lisa mpe biene lika ya mfu. ¹¹ Ande aka wo luru ba mvu ya ba mvu. Anka bunu. ¹² A mu muwe Siliven aka biune nde wu mu bue mundo nde me likome mo ofi. Livunu momama. Nzo Nziami ike o babilono, ba puene eka biene bayio mbwere. ¹³ Mwana me Marke e yuo mbwere. ¹⁴ Liyuo mbwere ye matama ye isee. Mulibu nviu eka ya biene baso like munkara kristu.