¹ Abambukishi epi, akhadi ni ulemvu ni lujitu kudi afumu ni ngindu jia pimbu. ² Aleji epi aleki kusawulanga athu akwohu amwekinishi etshi henda dikulumusa kudi akhwa. ³ Kikuma ethwosu twa khedi mudi heni, athu akonda kenda amitwa ngolu, twakhedi twa bila epi a hika a nzala jiosu. Twa jingidi mu kubola ni izola zola, twakedi kubeyangana ni kumengangana. ⁴ Tangwa kenda jia Nzambi muhulushi wetu ni zola dienji kudi athu jia mwekina. ⁵ Mweni watu hulusa, kesuku kikuma kia ifu yetu ya pimbu itudi nayi, yidi kikuma kia kenda jienji. Mweni watu hulushidi kikuma kia mbotika ya kutetuka kwa kiadi ni kunona ngindu jia katataka munjila ya Muhunga wu Tata. ⁶ Nzambi wa mwangini hengi muhunga utoka kudi ethu, mu njila ya Yesu Khidishitu muhulushi. ⁷ Wama hangidi kikuma kia lemvu djenji, Twikini athu aka nona mamboti na moyi wa mvula ni mvula. ⁸ Tshangu jeneji jidi jia batu. Nia zola wakadi ni ma kiedika, kikuma kia mambu meni, kikuma awa aku kwikila kudi Nzambi ejiki kuhangila isalu ya pimbu idi ku twala yowu mambu menamana medi ni funu kikuma kia athu osu. ⁹ Kashi leka matendu ni kutanga yikanga ni matendu matadila jitshiku. Medi mambu ma bola ni ma pamba pamba. ¹⁰ Katula, kunima dia luzayisu lwa thethi ni lwa kiadi muthu mwosu wenda kukoka mayema mukatshi kenu. ¹¹ Ni kwijiyanga etshi muthu wa kiene kina waka kuvengumuna mu njila ya bathu, wenda hanga masumu ni ku difunda enji mweni. ¹² Ki niaka kutumisa Artenas, ni Tychyque waka sasuki mu kwiza ku nguwana ha Nicopolis ana zengidi kukhala mu mvula. ¹³ Swasuka muku ngu tumisa Zenas fumu wa tshiku ni Apolos mu pila etshi aleki kukonda kima. ¹⁴ Athu jietu afeti kwijiya kuhanga mambu ma mboti mu diambu dia kusadisanga athu mu tangwa edi mu pashi. ¹⁵ Athu osu edi niami akuhwa mboti hwanga mboti kudi athu osu atuzola mu lukwikilu.