¹ Le kayune wa kaɲɛnɛ: tisa ba za wu se Klɛ tisili ɲanha, wuri funŋan baceri sɔnri. ² Ŋanhi badoriŋa ya wu se sɛri tisisa, tigire ba da wu lahi, ceenigin fo, sizimbe fo, tisaŋa wu kasegi yagi na wuye ge. Wu se tisa wa nabubi yalajoni ge, wuri ja wa tisili kalaa. ³ Wa ya wu se simgba wɛ, wu ɲanɲe sun ba danhi wɛ, wa ya wa kere kun wu ye. Wu ba zon yokɔnre lahi, wu ba naari kazagi ka tan wu ye wɛ. ⁴ Wu se tisa we wajin wu sigɛ kerigi yage, na wa wu nagohi yɛrigi pe ba da pe nuŋri wu ŋoo kerigi mu la. ⁵ Bari wefunŋe mu wa wasajin wu sigɛsin wɛri wa ge, bi pe daa Klɛ la ge di wurifunŋe jin peri wajo yɛ? ⁶ Wu fuŋe sun ba ze sinfobmo na son Krisita wo tisili sɔnŋmo wɛ, koni wu ba wu yɛ pɛlɛɛ liri li se liɲuɲgɔn bi pe pihin kan sitanŋe ge peri pe nɔ wu lahi. ⁷ Wu se tisa wu mɛtange ke yiri tisili pii ɲoo, lirila wu ba fanhere ta di do sitanŋe jɔŋe wɛ. ⁸ Krisita wo tisili ɲuŋfebi tagivebi pe ya pe se sinceeme na ɲɔminigin feyi, pe ya pe se singba wɛ, walima tisili pe tonnoŋe sa pe dilibare layi. ⁹ Kaɲɛne le cin daage fanhe la ge, pe ya pe tin liri ɲuŋon na fungonye woɲeye. ¹⁰ Pe ya na pe sugiri ban. Ta tigiŋe ba ze ke ta pe layi yeri da ye pe le tiri baare. ¹¹ Ceehi pe za di tiri baare fige mu see ge, pe ya pe se sɛri tisile. Pa ba ze mekagere tisile wɛ.Pa ya pe bwogi pe pewɛ kasige si na dele kerigi mu la. ¹² Krisita wo tisili ɲuŋfeyi tagiveyi pe ya pe se cee niginnigin feyi na jin wu sigɛ mara nawu nagoyi. ¹³ Tisaŋe wa tiri baare yala zi ge, wu funŋe wa sa me tange ta wu ɲunŋfɛre la, na ɲuwahge ta di cegetataŋe kaa jo, ge wo daa Yesu krisita ge. ¹⁴ Ne we sɛbɛŋe torigi ma, li wa na fuŋon di ba vori yee la nahi na jɛri. ¹⁵ Na mi moh, mu sa jin mayɛ co Klɛ wo sigɛsin sonŋmo, bi pe ya krisita wo tisili ge, le liwa kaɲɛne nɔhitasanŋe ge na li fanhe takange ge. ¹⁶ Klɛ ɲansare wa bundugbɔ! Wa wuyɛ se tisa na pan,Klɛ munanɛ le wu diliŋe siye, Mɛlɛkɛlaa wu ɲan. A pe wu june jo fiye ya sonŋmo, a tisili taa wula koŋge fuŋon, A klɛ wu lɔ na kɛri na hun wu sambe. (nɔɔrɔ) Wa muha sa jin liri kalaye.