¹ Yezu ebutuk nde le waa pa viwa Betelemi, le boo e Yuda, ntang Erode eyinde nk'mu, avar amwa eyiwa ekie kotshia le kan, le longuk a mbwetete, we efiwa osey e Este, me zekum wa le Yeruzalem, wa mugne: ² "Ango van me butuk itsen ndaza nk'mu e wa Yuda? sa keyen mbwetete ende ntang nge pieza losey e Este, itsen so meza losam nde". ³ Ntang nk'mu Erode nge zug nde eshuong ngesa, nde ndavar ende, etum me zawa ke ledzuk. ⁴ Erode me vinde ansura konso e ngang Nzama ti along ansik kokin> Ma yul nde wa:"Mesia efetele lebutuk langa?" ⁵ Me kalwa:" le Betelemi, le boo a Yudea, itsen mbikur e son nde otin na : ⁶ Ya Betemi, boo a Yude, dji-dji, yo buyi waa emfun leti awaa e Yudea. Itsen nk'mu nga pwe leti yia kavir nde avar me Israel." ⁷ Erode me vinde layel avar kanso ngefi elang Este. Makab wa ntang kiben nge pwe mbwetete. ⁸ Ntang na, nde ma tum wa Betelemi, nda mugne:" kaling van ngesa nsa-nsa, ozug noyen nonde, zak ankab no. Me , losey eme, kakien me losam nde". ⁹ Ntang me lab wa kakin me tib nk'mu, me kir wa mbok me kien wa. Le mbok, me yen wa mbwetete keni nge yen wa losey e Este. Mbwetete ni eyiza ike ke losu awa tii me kezum za ledzuk,loka ngeyi van keni. ¹⁰ Ntang me yen wa mbwetete keni,me yen wa osak. ¹¹ Me swe wa levle, meyen wa van ni ti maa nde, Maria. Ntang ni me fukam, mosam wa nde,me dub asak awa, mopawa makab: wolo, mire ti abim anshu ewuo. ¹² Nzama makab nde le ndoy otin na: obia kalno lewa Erode. Nduk ekwa, me kalwa waa wa lembok inki. ¹³ Ntang avar ni nge fiwa elong e Ests me kakal wa, wanzio emwatuk e Nzam meze pwe nde lewa Yozefu lendoy ke:" zum, veye van ti maa nde, lur no leboo Eziptu, zano ko tii ntang kalak me no lelim. Itsen Erode kaling nde van itsen lodjag nde." ¹⁴ Yozefu me zum nde, me veye nde van ti maa nde, otshu-otshu tii le Ezipitu. ¹⁵ Me zande lokani tii ntang nge wa Erode. Eshuong ni kwa za epu be, itsen eshuong na e nk'mu Nzama nge tib nda mbikur lekab avar,eme salama:"me vi me van me lelim le Eziptu". ¹⁷ Eshuong nge tib mbikur Yeremi ngeni ikeza salama: ¹⁸ "Lewaa paviwa Rama,me zuk wa ili ti okwong ebir onkar emwotuk. Rashele elie avan ande; nda pelang avar ozolim lengi be itsen avan kanso ame wa". ¹⁹ Ntang me wa Erode, lembeyi, Wanzio emwotuk e nk'mu Nzama, me zil nde Yozefu lendoy leboo Eziptu, ²⁰ Nda mugne:"zum, veye van nda maa nde, kal no le boo Israel, itsen avar nge ling ledjag van, wa me wa". ²¹ Ntang Yozefu me zum nde,me vey nde van ti maa nde, wa zakal le boo Israele. ²² Kansi ntang Yozefu me zug ndamugne Arkelausi ame vey oka e taa nde Erode itsen leyal yudea,me zug nde woma leza lokani. Nzama me zo kab nde diak le ndoy otin ngakiende. nduk ekwa nge kande leboo e Galileya. ²³ Eyinde ezing lewaa emwa, dzen eza Nazareti. Ekiende eshuong ni itsen lale lungisa eshuong nge tib amikur,ke:" ke viwa kaka nde wur e Nazareti!".