¹ Ngumu zwela giamatshidia mu Klisto, ngushigo mumba mambo, mutshima wami udi gungu tela uthemwa mu givule giabonga. ² Egi ngudi nu gikenene nu lamba dia vula mu mutshima ³ Ndaga ya, ngatshigina gutewa mukumbu nu ngukhapumuwa nu Klisto mu kunda nu guzumba gua aphangiami amu’uthu. ⁴ Adi enya Isalele. Adi nu lukuma, nu gudivua, nu guhanewa gwa mikhala, nu laji. ⁵ Nu akhakha ago azolele Klisto mu thumba nga gu mubuta; Klisto yogo udi holu dia athu agaswe, Nzambi wasagumuna mu ivo nu ivo, idingenyi. ⁶ Uvi, ishigo mutshigina guzwela’egi malaji a Nzambi abela. Ndaga ya mu giamatshidia giagasue, ishigo muthu wagaswe udi gu Isalele. ⁷ Ishigo nji egi ajigulu a Abalahama agaswe, adi an’enji, uvi ahingaganji mbazoga gudi Izaki. ⁸ Idi mustshigina guzuela egi, ana aagubuta mu’uthu ashigo ana a Nzambi, uvi khuta amu malaji adi muzangudiwa egi ajigulu. ⁹ Ndaga ya mbimbi ya laji idi egi: “mu hugo diene dingoshi mba nguza, sala mba ubuta mona mungoshi”. ¹⁰ Uvi ishigo kjhuta inyinyi, Lebega nji wabutshile nu yala mungoshi, sh’etu Izaki; ¹¹ Ndaga ya, Ana khenji abutshiwa gale ndo, nga khenji atshita agale yabonga nga yabola, hagula’egi gutshigina gua Nzambi gukwate. Mukanda nu midimo ndo, uvi mu gustshigina gua yago udi mutamega. ¹² Idi ya guzuelewa negi: “Somi mba itshitshila galenge”. ¹³ Ya khalele diago gifwa idi ya gusonegewa egi “Nga zumbile Yakoba nu ngatunyile Esau”. ¹⁴ Itshi tuajiya guzuela? Tuzuela’egi Nzambi udi nu guzumba? Ndo sha. ¹⁵ Ndaga yago ngatshigina, nu mba ngutotsesa muthu yago ngatshigina”. ¹⁶ Ngenyi, ishigo ndaga gudi muthu udi mutshita nga udi mulenga phushi, uvi idi gutshigina gua Nzambi udi mufila jikhenda ¹⁷ Ndaga ya, mikanda idi muzuela gudi Falao egi: “Idi mukunda nu ngenui nga guzodi hagula’egi ngolo jiami jimuenege nu hagula egi jina diami di tumbuge ha mavu a mudidi”. ¹⁸ Ngenyi udi muvua ji khenda gudi muthu gadi mutshigina nu gukolesa mutshima gua muthu gadi mutshigina. ¹⁹ Hangima, udi muza gunguwambela egi: “Mukunda natshi gadi muhata nu gukuata athu gubola? Nani watunyile gale matangi enji? ²⁰ Aye muthu, udi nanyi ha gutuna ndaga jia Nzambi? Nzungu ya wuma yajiya guwambela yago wa yilondele egi: “Mukunda natshi wa ngulondele ngegi”? ²¹ Mwene mulondi ya nzungu gashigo nu tangwa dia gulonda wuma haguzola nzungu iko mukunda nu midimo ya koma, nzungu iko mukunda nu midimo ya lusugu nu lusugu ba? ²² Itshi tua jiya guzuele, gula Nzambi ha gudijina khabu nu ngolo jiengi, wakolesela makumbi havula ha gubata nzungu jia khabu jia telegewe mukunda nu gumwanga. ²³ Ha gula ajiyisa umonyi wa lukuma luanji holu dia nzungu jia khenda jiago jia diangele gutelegewa muunda nu lukuma luenji ²⁴ Idi nji ngenyi gudi eswe tua tamegewe, gudi mwene, ishigo khuta mukatshi dia enya yuda, uvi nji dia aphaganyi. ²⁵ Idi ya gusonegewa mu mulkanda wa Osewa egi: “Mba ngutaga egi athu ami, ago ashigo athu ami, nu mukajiami ya guzumba, mukhetu udi geshigo yami ya guzumba.” ²⁶ Mba ikhala nji ngenyi habugu diawambelewe egi: “Mushigo athu ami” hene mba atemewa egi ana a Nzambi ya monyo. ²⁷ Izaya wa kologogele mukunda nu Isalele egi: “Gula nga guvula guana Isalele guakhalele gifwa gishegele gia mu muta, nga gudi nu gandambu ga athu mba gahuluga; ²⁸ Ndaga ya, fumu mba udi mutagenesa mbimbi yenji mu luholo lwa tagana. ²⁹ Gifwa Izaya gadiengele gu izuela: “Gula nga fumu ya mata gabembele go ajugulu gu ngima dietu, nga tuabwile gifwa enya gu Sodoma nu Gomola. ³⁰ Itshi twa jiya guzuela luko? Aphaganyi adile gukamba ndo giamatshidia, aheta giamatshidia mugutshigina. ³¹ Nu, Isalele ya khalele mukamba mikhuala ya giamatshidia, ayihetele go. ³² Mukunda gakambele go mu gutshigina, uvi wakambele mu midimo na hene gibunji gia akhakhula. ³³ Ya sonegewe egi: “Nga haga Siyona gifwa seso mu njila nu gikhakhushilo. Yago watshigina mbagafigo musonyi.