¹ Mukunda tua bingishiwe nu tua huluishiwe mukunda nu gutshigina guetu, na tudi nu guhuima mu Fumu yetu Yesu-klisto. ² Gudi muene tudi nu dishinda dietu mu gutshigina guetu nu ngasa yenji muago mu tudi, tudi nu gudisuanguluisa gu guhaga matangi gu lutumbu lua Nzambi. ³ Yabalegesa gubonga, tudi nu gusuanguluga mukunda nu malamba etu, ndaga ya tudi mujiya egi lamba diana buta gukolesela, ⁴ nu gukolesela guana muenegesa gudifelela. ⁵ Gudifelela guana huiga ndo, ndaga ya guzumba gua Nzambi guakhalele gua guzalesewa mu mitshima yetu mu givule gia bonga gia tuhuwe. ⁶ Ndaga ya, hago tuakhalele tua leba, klisto wafwile mu luholo lua tagana mukunda nu ago adi abola nga adi gashigo ha nduedi. ⁷ Ndaga ya mukunda nu gufwa, idi lamba ha muthu muko gutshigina ha gufwa ha ndaga ya muthu yago watshita gubola. ⁸ Uvi Nzambi wana gutujijiga guzumba guenji ndaga ya klisto wafwile hago tuakhalele tuabola. ⁹ Guzuela gua balegela gubonga luenyelu, ndaga tua bingishiwe gu mahatshi enji, mba tukhala ya guhuluga mukunda nu lamba diago mba dituhua Nzambi mu khabu jienji. ¹⁰ Mukunda nu gula hago tuakhalele enya gikemba nga umbalagaji, tuakhalele ya gubungishiwa nu Nzambi ha ndaga ya gufwa gua munenji, guabalega hugo tshi, gu ngima dia gukhala ya gulungishiwa nu Nzambi, mba tukhala ya guhuluga ha ndaga ya monyo wetu. ¹¹ Ishigo khuta ngenyi ndo, uvi tuana guditumbuisa nji mu unzambi yago gudi muene Fumu yetu Yesu klisto gudi yago tudi luenyelu gudibungisa. ¹² Henyaha, mu luholo luago gubola gua nginyile mu mavu agasue khuta mukunda nu muthu mungoshi nu mu ngenyu gufwa gua nginyile mukunda nu gubola. ngenyi nji gufwa gua dinginyishile guagasue, gudi ago atshitshile gubola. ¹³ Ndaga ya, unu gu mikhuala, gubola guakhalele ha mavu uvi, gu bola guakhalelego gu guhanewa gutuama dia mikhuala. ¹⁴ Luenyelu, gufwa gua hinyine mu hugo dia Adama unu gua Mose gu ago atshitshile gubola mu gushiya gua mikhuala ituajiya gufezegesa nu yago y'Adama, yago idi phala ya yago udi nayo guza. ¹⁵ Uvi ashigo guhua gushigo gua gusumbiwa gifwa gujimbila ndaga mu gujimbila gua muthu mungoshi, avula afwile, na luholo tshi ngasa ya Nzambi yabalega gukoma nu guhua guago gudi muza khuta gudi muthu mungoshi Yesu klisto, amuangunugile avula holu dia mavu. ¹⁶ Gula ishigo mukunda nu guhua gua yago udi muza mu gubola gua muthu mungoshi. Ndaga ya hugo diko, idi gu ngima dia gulumbuluishiwa gua muthu mungoshi hene lusugu luabuile gubelesewa gua milonga gu luholo luko guhua guago gushigo mu sumbiwa mu gubingishiwa gu ndaga jietu, gudi mubata nga gunana masugu agasue. ¹⁷ Gula gu gilumba gia muthu mungoshi, gufua gua hinyine mukunda nu muene hakhenji, na yajiya gukhala luholo tshi gubalega ago adi muzangula nga muheta ngasa yavula nu guhua guago gua mayilago, mba ahinyina mu monyo mu Yesu-klisto muene ha khenji. ¹⁸ Na ngenyi diago, gifua idi mukunda nu gilumbu gia muthu mungoshi, agasue abuishiwe enya gubola, luholo lungoshi luene gu ndaga jia diago mu gubingishiwa guago gudi muhana monyo gudi athu agasue. ¹⁹ Ndaga ya , mukunda nu gushaga gua mutshu mungoshi, agasue abuile mu gubola, luholo luene lungoshi luene lua tumaga muthu mungoshi, agasue mba abingishiwa. ²⁰ Muenyomo mukhuala wayile ha gukatula gubola, uvi hago hadi gubola, ngasa yana balega mu giamatshidia mukunda nu monyo wa mayilago mu Yesu-klisto Fumun yetu. ²¹ Eyi gajile mukunda nu monyo.