¹ An’etu ngudi gu milongesa egi, guzumba gwa Nzambi ha enyue guhana mila yenu gifwa mulambu wa tagana nu wa monyo gutwama dia Nzambi, eyi idi lutumbu lwa Nzambi. ² Muwendigo gifwa henya ha mavu awa, uvi khadienu ya gusombegesa mu matangi enu, ngenyi mba mugutshigina gia Nzambi, gwago gwa tagana. ³ Nu nga zwela egi mukunda nu ngasa ya Nzambi mu katshi diami, muthu mungoshi mukatshi dienu gadi monyi ndo nu indando yagubalega muko, uvi mukatshi dia uthemengi a nduediya gushigina gwa muhuwe gudi Nzambi. ⁴ Ndaga, mu mwila gwana khala nu izeza ya vula uvi yana khala ndo nu mudimo umoshi, ⁵ Nga tshima tudi twa vula, uvi tukhadi’enu hamoshi, muthu nu muthu akhale gizeza gia muko. ^{8 6} Tudi nu makapho avula a ngasa ya tuhuwe. Gula muthu mumoshi udi nu guhua dia ukuateshi, a kuatese. Gula muko udi nu guhua dia, gulongesa alongese ⁷ Gula muthu udi nu guhua gua gukolesa, akolese; gula muthu udi nu guhua gua guhana, ahane gifua muatangiza muene nu gusuanguluga. Gula muthu udi nu guhua gua utumaji, atuameze muabonga. Gula muthu v 8 udi nu guhua gua gutotesela ako, a tshite nu mutshima umoshi. ⁹ Guzumba gukhale gia diago. Tunienu gubola, jinginyinienu mu ndaga jiabonga. ¹⁰ Mu ndaga ya gudizumba mukatshi dienu, gukhale wazu-wazu, nu mudi nemese mukuta wenu wagasue. ¹¹ Mu ndaga ya athu adi luzagu-zugu, mukhadi ndo nu woma, mukunda givule gia bonga mukhala agudihana; mukunda nu Nzambi, mu mutshima mu mutshitshidi'enu mudimo. ¹² Suangulugenu mu katshi dia gufelela, mu katshi dia malamba, jingininyienu mukatshi dia gukombelela. ¹³ Kuateshenu asantu adi mu lamba, nu, vudisenu luholo lua guyamba mwenyi mu jinzo jienu. ¹⁴ Suanguliushienu adi gumisagesa, guzela gua mwila gukhale uvi guta mukumbu ndo. ¹⁵ Suangulugenu nu athu adi musuanguluga, Dilenu nu athu adi mudila, ¹⁶ Khalenu nu matangi amoshi mukatshi dienu. Mukhadi ndo enya gudihala mu matangi enu, uvi tshiginyinenu ago ashigo nu ifunu yavula, mukhadi ndo enya ndunge gudi meso enu. ¹⁷ Mutshiti ndo gubola gudi athu adi gumitshitshila gubola. Tshitenu gubonga ha meso gua athu agasue. ¹⁸ Gula luholo lulu, guagasue gunu mwajiya gutshita, mukha nu guhuima gudi athu agasue. ¹⁹ Mu tshitshigo gubola mukunda nu gubola enue hakhenu, bembenu khabu jia Nzambi ji tshite. Mukunda idi ya gusonega egi: << Guhana indola gudi guami, nu guzongela-nduedi guami >> guzuela gua Fumu. ²⁰ Uvi gula mbalagaji yaye udi nzala, muhue gudia, gula udi nu luhungu, muhane ya gunua. Gula muatshita ngenyi, idi mukala a tshuiya ago mudi mu zalesa holu dia muto wenji, ²¹ Gubola gumiphtela go, imutshigina guzuela luholo luko egi gubonga gukhale holu dia gubola.