¹ Nga zuela gamba, Maweze wa bishidile athu enji ba? Ndo sha. Ndaga ya ame nji ngudi muenya Isalele, mujigula wa Abalahama, mu giphuta gia Benjamina. ² Maweze ga bishidile go athu enji bagaswe ago gajiyile gudiangela. Eswe mushi mujiya go idi muzuela ya fundiwe mukunda nu Eliya, mwene ga bogutshile gu twama dia maweze Nzambi mukunda na Isalele ba? yaye, abolesele ikombelelo yaye, khuta ame nga sala, nu ene adi mukunda nji gu ngushiya. ³ Fumu, Ene ashile alondolodi a mbimbi ⁴ Uvi, isthi ya muvutudile mwene Nzambi? "Ngudi nu inunu sambadi adi khenji afugamele go ikhokho." ⁵ Idi luholo lumoshi ludi magngino nomba imoshi ya tombela Nzambi mu ngasa yenji. ⁶ Gula idi mukunda nu ngasa, na ishigo ndo mukunda nu midimo. ⁷ Itshi gua? Idi Isalele mukamba, yi ahetelego; uvi ago atombewe gudi Nzambi ayihetele nu inji ya salele yadi kolesele. ⁸ Ndaga ya, givule gidi gia jiyilego guyima mabundu, meso ajiyilego gu mona, nu matswi ajiyilego guvua. ⁹ Davidi wazwela egi: meso awo akhale wanda nga muheto mukunda nu gubola gwawo. ¹⁰ Amonyigo ene abwe ifofo, abambe miyongo yawo veba-veba. ¹¹ Ngazwela egi: "ene abwile mu gujimbila gwawo? Ngo sha. Ndaga ya mukunda nu gubwa gwawo, monyo wa mayilago wa heta gudi athu ashigo enya gutshigina, nu wazolele giphi mukatshi diawo. ¹² Hene ngenyi gula gubwa gwawo, gudi guzela gwa mwila agaswe, gutotesa gwawo gisendeselo gia guzela gua mwila gudi athu ashigo enya gutshigina, luholo tshi mbagukhala guzugishiwa gwa athu avula? ¹³ Lunyelu ngudi muzwela gudi aphangiami. Masugu avula ngudi Nzambi mukatshi dia athu adi ashigo enya gutshigiona, ngana swanguluga nu mudimo wami. ¹⁴ Hugo diko yajiya guzugisa difuwa gudi anetu mukunda nu guhana monyo. ¹⁵ Gula gubishidiwa gwawo gua twameza gu gudilonda gwa hamavu, itshi mba ikhala mu gutshiginyiwa gwawo? Gula ishigo nu monyo mu katshi dia athu a gufua? ¹⁶ Gula phupha ya gudiangela idi ya bonga, luholo lumoshi mba gukhala gizeza gia musabu. Gula muji udi wa bonga, nu jithango jimukhala jia bonga nji. ¹⁷ Uvi gula thango jiko jidi jia guzangelewa, nu eye, luthango lua olive lua gishitu, udi ya gujingishiwa mu bugu dimoshi, udi muzula nji guzela gwa mwila gu muza gua muji wa olive, ¹⁸ uswanguluga go nu jithango. gula umu swanguluga, giya egi ishi ndo aye udi nu muji, uvi, idi muji udi gu gubata. ¹⁹ Zwele'egi: "thango jia halumudiwe mukunda hagulegi ame ngu tshimigiwe." Idi ya mayilago! ²⁰ idi mukunda nu gukola gwa mitshima yawo hene akatshuye, uvi aye kolesela mukunda nu gutshigina gwaye. udi shimanesago aye hakhaye, uvi khala nu woma. ²¹ Ndaga Nzambi ga bembele go ji thango jia gishina, nu naye mba gashi gu gubemba ndo ²² tala gudi ndaga jia bonga nu gudi khabu jia Nzambi. khanda iko, gubonga gua Nzambi gudi gugujila, gula wa fubidila mu gubonga. imutshigina guzwela nji egi, mba ukhala ya guhalumunyiwa. ²³ nu nji, gula ashi mu jinginyina ndomu gubola guawo, mbadi mukhala agutshimigiwa. Ndaga Nzambi udi nu jingolo ja gulonda jia gu atshimiga luko. ²⁴ Gula mwa kokewe gwa olive wa mugishitu nji, ishi ndo luholo lushigo nu enya hamavu, wakhalele ya gutshimigiwa gua olive wa bonga, mukunda natshi ndo enya Yuda ago adi ji thango jia gishina, mba akhala ya gutshimigiwa nji gudi olive wawo? ²⁵ uvi ngatshiginyinego mukhale mugu jimbila ya ndaga yeyi, ya mudizudigo gifwa athu atema: Isalele ya kolesele mitshima mukumbi dimoshi unu ago ashigo enya gutshigina mbataganesa nomba. ²⁶ Ngenyi enya Isalele mbakhala ya guhuluishiwa, gifwa idi ya gusonegewa egi: "Gu Siyona mba guzoga muhuluisi. mba ukatula Yakoba mu gubola. ²⁷ Ngenyi mba ikhala gindongo giami nu hene kumbi diago mba ngukatula gubola guawo." ²⁸ khanda iko, mukunda nu evanjile, Nzambi wa ajimbidile mukunda nu enue, iko nji gutomba gwa Nzambi, wa atshiginyine mukunda nu akhakha awo. ²⁹ mukunda kapho dia Nzambi nu gutamegewa guenji guana balumuga ndo. ³⁰ mukunda hathomo mwakhalele mwashaga gwa Nzambi, uvi lwenyelu mwaheta jikhenda jienji mukunda ene adi a shaga. ³¹ Ha moshi, enya Yuda adi a shaga. gigishilo gienji idi egi, khenda ja Nzambi jio jia mihanewa, ajihete, nu ene nji, ³² uvi Nzambi wa bungisa athu agasue ana tumagago, hagula a hete ji khenda khungi. ³³ ô umonyi wa ndunge ungambi nu gujiya gua Nzambi! Gusuelesewa gwenji nu njila ja na kotelesewa go! ³⁴ Nanyi udi mujiya matangi a Nzambi? Nji nanyi wajiya guhana Nzambi lubelo? ³⁵ Luko, nanyi yago wasombele gale Nzambi gikumba gimoshi hagule enyi mba amuvutudile? ³⁶ Mukunda ima yagaswe yanuza gudi mwene nji idi yenji. Gudi mwene lutumbu lwa ivo nu ivo. Ikhale ngenyi.