¹ Ye gio Nzambi agudugumbulanga mu mwila luguigilu lwedu adu ke duena puede ye yeyi dangu di mu mwila fumu wedu Yisu Klisto. ² Mu mwila luguigilu luedu Yisu wugesa gudu duadila mapimbu ma Nzambi , mapimbu maduena momu dangu di duba gudala kiesi mu mwila dubasa mudjima mbi duga kala ye ndambu yi lugumu mu lugumu lu Nzambi. ³ Pimbu kega adu dufana gu kala mu kiesi mu minianga. adu dwisi mbi minianga migu valanga gu ganda mudjima. ⁴ Guganda mudjima mi guvalanga mimbudu mimbudu miguvalanga gusa minu mu mafugu ma gwisa. ⁵ Gusa minu lo gugu dunanga mudu mu mwila zola di Nzambi diga hanamanini mu midjima mu mbuga yi muhunga wugedila awo wuga du hanamani. ⁶ Mu mwila dangu didu gagondji gusenda tegu ngolu, Klisto agafidi mu mwila wedu hadu abi mu wufugi wo wugasidi Nzambi. ⁷ Guena pasi zingi mudu mugu gumbula mugu fwa mu mwila yo wugu salanga mapasi maguzola Nzambi zigu mudu afedji gukala ye gikesa mu gufwa mu mwila mudu mu pimbu ⁸ Agio Nzambi diaga dulesidi mpila yagu duzola Klisto agafidi mu mwilu wedu dangu digu gakedi hadu a masumu. ⁹ Dangu di, mu mwila magila ma Klisto Nzambi wuga dugumbula, agio Klisto maga duhulusa penza mu ndola yo yi gaduwa Nzambi mu kabu ziendji ¹⁰ Duga kedi tegu ambeni a nzambi, la duge filagana ye yeyi mu lufua lu munendji ye gio mbi duefi lagana ye Nzambi dangu di moni wu mwana wendji muga duhulusa sila. ¹¹ Ye kega, Nzambi agu duwa kiesi mu mwila duge filagana ye yeyi dangu di mu mbuga yi fumu wedu Yisu Klisto. ¹² Masumu magengila mu gifudji mu mwila gubiya gumudu wu mosi Adami, ye masumu magesa guduala lufwa ye giogio hadu akima agu fuanga mu mwila owu akima agu salanga masumu. ¹³ Dangu diga gondji guhana Nzambi misigu guena Mose. masumu muma gakedi tegu masi ha Nzambi lo adanganga masumu mo mu mwila aga kedi lo guhana yandu misigu ¹⁴ Gaduga dangu di Adami ti dangu di Mose, hadu mafwa nganga gaga si lo asalanga masumu nga masumu mo maga sadidi Adami yeyi lo alandan,ga misigu mi nzambi Adami aga kedi nga gifuanisu gi mudu yo wugesidi gunima diendji. ¹⁵ Haa mapanzi ma mo madi lo mena digeledi magabu mo maga du wedi Nzambi mu luzolu lwendji lo mena gigeledi ye gubiya gu sadidi Adami gugagidi hadu akima agafidi mu gubiya gu mudu wu mosi yu Adami haa ye mapimbu ma nzambi ye mabi gima gihida wunene giena ma pimbu ma Nzambi. magabu mo maga hanini Nzambi guena mudu wu mosi yu Yisu Klisto mu luzolu lwendji mu mwila yeyi ahani guena hadu engi momu ke maga hida wu neni. ¹⁶ Agio magabu ma Nzambi ye masumu ma mudu wu mosi yu Adami, lo mena gitesu gi mosi, ¹⁷ Nzambi agahuedi hadu ndola mu mwila masumu ma mudu yo wu mosi haa mu luzolo lwendji yeyi agu zolanga hadu si owu aga sala masumu mengi. ¹⁸ Mugio gwena,mu disumu di mudu umosi,adwa akima maga duvugididi nkanu,mu mpila yoyo,mu mbuga panzi yi mosi yi gagidi,gugesa luyalu lu lufundusu lu luzingu lu mudu mukima, ¹⁹ Mu mwila gwena mu gugonda lenvu di mudu umosi,adwa akima muduga gumini hadu amasumu,mu mpila yoyo mu mbuga yi lemvu yi mudu umosi,hadu engi maga dala gagidi ga Nzambi; ²⁰ Ha mbi misigu mumi gengididi gwena mu mwila masumu magahida anini,Ha gihani gio giena masumu mengi;ngolu zi Nzambi mizi guhidaganga kega. ²¹ Yoyi igwisanga mu mpila mbi masumu mayala mu lufwa,ngolu zi Nzambi zi yala mu luzingu lu mvula ye mvula mu mbuga yi Yisu Klistu Fumu wedu.