1
Mfunu yigi a yuda a kwendji ye mfunu yigi yi guhuga?.
2
Mu mpila ikima, wena mbuda, ye tegu Nzambi aga lechidi yi mangu yenzi.
3
Yigi mbi ayuda amosi lo aga guididi. gu gonda gu luguigilu lowu mulu ga gadula luzolu lu Nzambi?.
4
Lo sila kaka Nzambi amonigi mu pimbu ye mudu mukimina mupala. ngia aga soniga " nu fedji gu kala hadu a pimbu mu ma panzi menu, muila anu nu bingi".
5
Mbi upala wedu uba gulesa gigidi gi Nzambi, yigi du ga hosa? Nzambi mbi ugulumusa kabu djenzi ena mudu mubi? yi ba hosa mu gi mudu.
6
Lo guena gio, Nzambi ki aga sambisa gifudji?
7
Mbi gigidi gi Nzambi mu mbuga yi upala wami uhidagana, wena muila lugumu lwenzi, muilegi, asambisi kega ngie mudu masumu.
8
Ye muilegi du fedji gu gonda gu hosa mwila agudu sendanga nga hadu a masumu du sa mapanzi mabi gunima nge muhi mapimbu? gusambisa gu aga sambisa guena gu gagidi.
9
Yigi? du fedji adu gwegila? lo chila. muila aga guisaya mbi dxwena hadu a masumu ye Zuif ye Geleki muila luzingu lowu mu masumu.
10
Ngia aga soniga: "Lo gwena ye hadu a pimbu, lo sila si umosi.
11
Chi mudu umosi lo aguechiyeyi. chi mudu umosi ugu gambanga Nzambi lo ena.
12
Ho a kimina agalumuna migaga, esidi akimina agonda mfunu. umosi lo mugadji gowu ugusalanga ma mpanzi ma pimbu, chi umosi.
13
Mu minu wowu gakedi uwa guanzuluga nga malumba. dimi diowu diguma kaka guda upala. ma panzi mabi mena guchi dimi diowu.
14
Ganu diowu diga zala ye malaga ye mapanzi ma kadi
15
Milu miowu miena mu mwila gu panza magila.
16
Gu bebisa ye pachi yena mu mbuga yowu.
17
Owu lo agwechiyiyi mbuga yi
18
pimbu.Owu agakedi ye woma uga hunga mu meso wowu.
19
Adi, duesiya mbi, chi gi hosa michigu, miba gu hosa muila aho ena gu machina ma michigu muila gu gonda maganu makimina ye kega gifudji gi kimina duechiyi mbi giena gi masumu.
20
Ayi, mwila lo guena ye musuni uga hosa mu gusadila isalu yi michigi. mwila mu michigu mu guisanga guisiya gu masumu.
21
Ha mu dangu di mbi lo gwena ye misigu, ga gidi Nzambi lo ga fedji gu moniga. gi mbangi gigagedi mu mbuga yi misigu ye mu mbuga ya mbugudi.
22
Guena gigidi gi ga hunga mu mbuga yi luguigilu guena yisu gidichidu muila aho akimina aga guigila. Lo guena ye wa gasala.
23
Mugio owu aga sumuga ye lo agengila mu gifumu gi ga hungu.
24
Ye okimina agasambisa mukenda jendji, mu mpila yi kenda dji kwedji yisu kidichidu.
25
Mu muila Yisu aga gedi nga makabu malu lugwigilu mu mbuga yi magila menzi. yeyi maga hanini Klisto nga gidimbu gi gagidi genzi, mu mwila mu munianga mima masumu mededu magulu mugu ganda muzima.
26
Yikima yo iga dula mudangu dio digulesa gagidi gendenzi. ikima yo iga dula gega mu mpila mbi, yo ifana gulesa gagidi ye gulesa lufundusu guena konso yo mu gadji ga lugwigilu mu Yisu.
27
Adi mpila yena hadu mugudilesa? Lo, mpila lo yena! kiyo afedji gudilesa? mu muila ayo agalandanga misigu? Lo hadu afedji gusa mudjima muila lu guigilu lowu.
28
Mu muila hadu dugu hosanga mbi Nzambi agu gumbulanga hadu mu muila luguilu lowu, mu muila lo guena mbi mu mwila agulanda misigu..
29
To Nzambi, ena buna Nzambi ga Zuif? Lo enina uhadu ega? lo, ena Nzambi ga hadu akimina.
30
Mu mwila Nzambi ena, umosi buna. yeyi agagumbula ayuda mu mwila luguigilu lowu, gigeledi agagumbula hadu ega mu mwila luguilu lowu.
31
Adi mapandji ma mabadi gugumisa misigu gima gi gonda mfunu? lo guena gio, mu mwila du dubagulesa sila mbi misigu miena mfunu