1
Yesu ma gengididi mu gadji ga sinagogi. Dia gadadidi mudu dmoshi ukedi mwagu miwa guhela.
2
owu agama gudala Yesu ,mbi ufana gwagodisa ufugu u sabata: gu gakedi mu gumufunda.
3
Ye yesu diahosa gwana mudu ugakedi mwegu mi guhela : zanguluga, ani a gadji.
4
Yeyi dia mwambila: guhamana mu u fugu u sabata, mu gusala pimbu mbilo mugusala gubiya, mu guhulusa mudu mbilo mu gumujiya? Ha owu lo agakedi ye gima giguhosa.
5
Agio yeyi dia gama gwadala mu kenda Ye mudangu diodio midjima miomu miesa migola, yeyi diambila mudu yo: Dandulula gogu diayi . Yeyi dia didandulula ,ye gogu dienzi di digola.
6
Afadisayi dia duga , mu dangu diodio dia gedi guwanagana ye a Elodieyi mumwila gumu jisa.
7
Yesu dia gadugidi gu nzadi ye alongogi enzi. Gibudi gi adu agadugidi gu gadileya ,ye guyudeya,
8
Ye gu Yelusalemi ,gu Idumeya, gutu yi Yodidani, ye mambu ma heyi -heyi ma Tyr ye Sidoni,gibudi gi hadu ,diefa ikima yo ya salanga yeyi,diesa gwena yeyi.
9
Yeyi dia galombidi gwena alongogi enzi mu gumugambila ga wadu gajiji, mu mwila gibudi gi hadu gigondji gu muzala kega.
10
Mugio, nga ,yeyi diagodisanga adu engi, akima ho agakedi ye makashi mendanga tina gwena Yesu mu gumugama mu mwila.
11
Mihunga mibi ,mbi mimudala mifugamananga gumesu medji, ye miabuganga : ayi wena mwana nzambi.
12
Ha yeyi aminganinanga ye giyala mu gukonda gu mwisiya.
13
Gunima diagagandugidi gu muselu; yeyi agaledjigidi oho agazodidi yeyi, ye ohu mesanga gwena yeyi.
14
Yeyi dia solo magumi madi, mu mwila yeyi akelengi ye owu,ye mu gwadumanga gwenda gulonga.
15
Ye giyega gi guhanga mihunga mibi.
16
Dala ma kumbu ma alongugi kumi ye mbadi agasodidi yeyi:Simoni , wa gawedi kumbuPedula;
17
Jagi, mwana Zebidayi, ye zwani ,pangi u yala u Jagi, aho agawedi kumbu yi boanerge, gilesuga mwana nzasi;
18
Andedi,Fidipo, Baditelemi; Matayo; Toma; Jagi; mwanw u Alfeo; Tadeyi ; Simoni u gananiti;
19
ye Yudasi isikadiyoti, yeyi u gadegidi Yesu. dia gedi gu nzu,
20
Ye gibudi gi adu di gigungamana mbalu i mbadi, mu mpila mbi akodji gudia shi gudia.
21
Dada ye madjie Yesu , Diefa mo mahidanga , diageshidi mu gumunganina mu mwila owu ahosanga: dangu dienzi lo guguga.
22
Ye a esikidibi , aduganga gu yelusalemi ahosanga: yeyi ena ye mihunga mia abelizebulu; mu gifumu gi mihunga mibi yeyi aguhanganga mihunga mio.
23
Yesu dia ledjiga, yeyi dia ambila mu tigu: kiyo sadani afana guhanga sadani ?
24
mbi adu a gifumu gi moshi agabulagana yowu ye yowu, gifumu gio lo gifana gulama;
25
ye shi adu anzu imoshi agabulagana yowu ye yowu, nzu yo lo igalama,
26
Mbi sadani udombuga mu mwila ye beni , gifumu gienzi lo gigala ye lamu; lo gugasalamana mu mwila yeyi.
27
Lo gwena ye mudu ufana gwingila mu nzu yi mudu ungolu ye wembula yima yenzi, mbi lo aganda mudu ungolu yo mishinga ; mu mwila gu senda yima yi nzu .
28
Yiba gunwambila mu gigidi, masumu ma kima mu magalolulamana mu mwila yi mwana mudu, ye mabi ma kima mahasanga;
29
Ha yo godji yo uga hosa mabi mu mihunga migelulu lo agasala gulolulamana: ye disumu dienzi digasala mvula ye mvula.
30
Yesu ahosanga gio mumwila owu mahosanga: muhunga ubi u muvajidi.
31
Manzi ye anowu amala mageshidi, ye, gadumbamanini hanzi, aga dumini mudu mu gwenda gu mu ledjiga.
32
Gibudi gi adu agamujedjidi Yesu , aga bwidi ashi mu mbimba yenzi,ye dia mwambila: dala maya wayi ye anenu amala ena hanzi ena ye pwisa yayi.
33
Ye yeyi diahosa : maya wami na, ye anedu ana ?
34
Gunima dia dala adu agabwidi ashi mumbimba yenzi:dala , yeyi dia hosa , maya wami ye anedu.
35
dala yo gondji yo ugusala luzolu lu nzambi, mudu ugifa gio ena munowe mi u yala ,umugonusa ye maya wami