1
Yisu diangengididi,ufugu usabata,mu nzu yi fumu umosi wa Fadisayi, mu mwila gudia, a Fadisayi agakedi munu gumudala.
2
Ye, dala mudu umosi agakedi ye makasi agakedi gumesu menzi.
3
Yisu dia senda ndaga,ye diambila ambuda a misigu a Fadisayi: gwena pimbu, mbilo lo, mugu godisa mudu mu ufugu nu sabata?
4
Owu agakedi pwede.mugio Yisu dia gazangudidi gogu diasa gwena mudu yo,diamugodisa, ye dia muginzigisa.
5
Gunima yeyi dia ambila:na mugazi dienu,mbi mwana wenzi mbi lo ngombi wenzi ubwa mu wumbu, ugagonda gumudusa diodio mu mwila mugwena ufugu u sabata?
6
Ye owu lo agagugidi guhana mvudu mu gifu gio.
7
Yeyi dia ga hanini kega gingana gimosi gwena hadu agazola lugumu, mu gwadala mbi aguponanga ihani itegu;ye yeyi dia ambila:
8
Mbi mudu ugulenziga mu gwenda gu fezi dienzi di wala, gu bwa lo asi mu gihani gitegu, mu dangu dimosi mugu gakala ye mudu mwega uguhida yi mu lugumu,
9
Ye mbi mudu yo ugolenzigidi mu gugonda gwisa gugwambila:muwi mudu yuni gihani. Ayi mu gefa soni mu gwenda gungamba gihani giega gunima.
10
Ha, mu dangu dia gulenziga, guhida pimbu mu gusenda gihani gi nsuga, mu mpila mbi, mu dangu di gesa mudu yo ugolenzigidi, yeyi angwambidi: mbayi wami, ganduga agu guwulu. Mu gio gugowa lugumu gwena o akima enugakala yowu amesa.
11
Mu mwila ayo ugadigandula magamugulumuna, ye ayo agadigulumuna magagaduga.
12
Yeyi wambila kega ayo uga mulenzigidi: mu dangu diuhana gudia gu kela mbi lo gugigwesi gwena mudu, ayi gulenziga kega lo ambayi ziayi,mbi lo anenu, mbi lo ibuti yayi, mbi lo ambayi ziayi amvama,mu mwila owu mu gugonda gulenziga yi kega gwena owu mu gusala giu gasadidi yi.
13
Ha mu dangu diu bagusadidisa fezi, lenziga ampofi, igada,afi mesu.
14
Ye ayi ugakala mu kiesi mu mpuila mbi owu lo gazwa dangu mu gusala agio giu gasadidi yi; mu mwila yikima yo yigoginzi gidila mu lufudumugu lu hadu agagidi.
15
Umosi mu gazi di o agakedi amesa,gunima digwifa ndaga yo, diahosa gwena Yisu: giesi gwena yo ugadia madia menzi gu gifumu gi Nzambi!
16
Ye Yisu dia aginzigisila: mudu umosi dia gahanini madia mengi ma gigwesi, ye agalenzigidi hadu engi.
17
Mu dangu di gudia, yeyi dia gadumini hadu enzi agisalu mu gwenda gwambila hadu akima agalenzigidi: anwisi, mu mwila yima ikima yena heyi-heyi.
18
Ha hadu akima maga digulumunini.utegu dia mwambila: ami isumbidi ngundu, ye ifana gwenda gwidala; ngifidi mi kenda, ibagulomba.
19
Mudu umbadi dia mwambila: ami isumbi angombi tanu agasi ye alumi, ye ami isola gwe gwamega; fidi kenda.
20
Mudu mwega dia hosa:ami ngiesa diodi mu gudwala,ye mu giogio lo ifana mu gwenda.
21
Musadi yo, mugu ginzigila gwenzi,dia gadedidi fumu wenzi yima yo yikima. Mu gio fumu wenzi diefa kabu zingi diambila musadi wenzi: ndedisila mu ma mbuga ma kimina mamambu ye otwadidi ampofi akima, ifa meso ye igada.
22
Musadi yo dia hosa: Fumu, oyo ikima yo yungambididi isadidi giogio, ye gwena ye ihani aha.
23
Ye fumu yo dia gambididi mudu ugi salu: ndawenzi mu mabuga mamambu ma dadi, ye hadu akima,ambidi mu gwingila aha mu mpila mbi nzu yami izadi.
24
Mugio, ami bagu nwambila, logwene mudu, mwakima ha elenzigidi ufana gu gonda gudia madia ma