¹ Mu mwila adu dugusanga ye Nzambi,adu duba gunu longa mu gugonda gusenda ngolu zi Nzambi mu pamba. ² Mu mwila yeyi agu hosanga:mu dangu di guga ami migo gwifididi,mu ufugu u lugumu ami migo sadisidi.Dalane dangu di diguga,dalenu dangu di lugumu. ³ Adu lo dugu nunganga ata panzi imoshi mugu ganda mbuga mu ikima yo,mu mpila gisalu gigonzi gukala gima gigu hosangana. ⁴ Ha adu dugu hananga gwena mud mukima giyega,nga musadi u Nzambi,mu guganda muzima gwingi mu minianga,mu pasi ye mu manunga. ⁵ Mu idumba,mu mabologu,mu mavanga,mu isalu,mu gugonda dulu,mu gukala nzala; ⁶ Mu gukala genzegele,mu gwisiyagana,mu mapanzi ma pimbu,mu mapimbu,mumuzima u pimbu,mu luzolu lu gagidi, ⁷ Mu masonga,mu ngolu zi Nzambi,mu mada magu hulusanga ye magu sadisanga mu gagidi. ⁸ Ha gadji ga mapimbu ye ga minianga,mu gadji ga mabi ye gubiya gugimudu;mu gudala nga mupala ayo wena ye pwisa yi gifumu,ata gwena masonga; ⁹ Nga mudu udu gonda gwisiya,ata dumwisi;nga mudu ugafa,ye adu munu guzinga;nga mudu waba guniogula,ata lo amuziya; ¹⁰ Nga mudu wena mu kenda,ye adu dwena kaka mu kiesi;nga mpofi,ye adu dwena mugu mvama gwingi;nga mudu ugonda gima,ye adu dwena ye yima yikima. ¹¹ Ganu diedu dianzulu gidi mu mwila nu,Korinto,muzima wedu ugumini uneni. ¹² Anu lo nwena lo nwena mbuga yi moshi yadu;ha mambelu menu magumi mazigi zigi. ¹³ Anu dugumisenu du gigeledi,ami iba gunwambila nga ana ami,wenzululenu anu kega! ¹⁴ Anu lo nufana gusa ye hadu agonda gagidi mu gadji ganzenzi. ¹⁵ Gimbayi giegi giena mu gadji ga gagidi ye gugonda gagidi?Mbi lo piba ye mwani yena mbuga yimoshi? Ngifilagani yegi yena mu gadji ga Klistu ye Beliyale?Mbi lo gabu diegi diena mu gadji ga gagidi ye upala? ¹⁶ Gimbayi giegi giena mu gadji ga nzu yi Nzambi ye idegi?Mu mwila adu dwena nzu yi Nzambi u moni,nga giga hosidi Nzambi:Ami iga zinga ye iga hida mu gadji diowu;ami iga kala Nzambi wowu,ye owu aga kala hadu ami. ¹⁷ Mu mwila gio,dugenu mu gadji diowu,ye gabula ganenu ye owu,gihosa Fumu;nugonzi gugama hadu o ena ye masumu,ye ami miga nuyamba. ¹⁸ Ami igakala dada wenu umoshi,ye anu nugakala ana ami amala ye agosuna.Gihosa Fumu ungolu zikima.