¹ Polu, Silvain, ye Timote gu dibundu di Tesaloniga Nzambi da ye fumu Yisu Klisto. Kenda ye pwede du kadi gwena nu. ² Dugu hana matondu osi dangu gwena Nzambi gwena nu akima, gi dugu samba mu mwila anu. ³ Dugu gu muyindula osi dangu gwena Nzambi dada wedu, mu gisalu gi lugwigilu, mu luzolu lu ngolu mugu vibidila mu mafugu gwena fumu Yisu wedu Yisu Klisto. ⁴ Apangi ami aluzolu lu Nzambi, dwisi mbi yeyi gadu sadidi. ⁵ Mu mwila malongi mayi gwena mena yi, lo mena ma ndaga pamba, ha mena ngolu mu gati ga muhunga usantu ti luzolu lwenzi. Gifa gimosi lwisi hadu agifagigi hadu dugakedi mu gati gwena mu mapimbu menu. ⁶ Anu nuga giduga hadu agu dulanda du ye a fumu, nga ginugefidi ndaga i Nzamba yi guyanziga ti kiesi gi muwanga ausantu ⁷ Nga lufudu, anu nugagiduga a mbangi a hagu akima a Mecedoni ye Achai aga gwikidi. ⁸ Gwena nu, ndaga yi fumu aga hisiya, ye lo yena buna gu Mecedoni lo gega gu Achai, kega mu iyani yo ikima gwena lugwigilu lu Nzambi luga mwangagana. Adu lo dwena ifumu yi guhosa. ⁹ Wobeni aga dwadidi, yigi ipimbu adu duga sendidi gwena nu. Owu aga hosidi kiyo anu lwalumuga gwena Nzambi, mu gwena akida mugu sadisa hadu ena ye moni Nzambi wugigidi. ¹⁰ Aba guhosa mbi anu nuba gu mena gu hulu mwana wenzi, wuga yindugidi ma hadu aga fidi. Gwena Yisu, ugu dwegila mu kabu zi gesa.