¹ Mu mwila mi,anedu,lo gwena mbi mu mpila yi hadu agimpeve ami iba gunwambila,ha nga hadu agi musuni,nga ana mu Yisu. ² Ami iga nuwedi midigi,lo iga nuwedi madia magola magugila ye anu,mu mwila anu lo nufana guganda muzima;ye anu lo nufana kega ata mu dangu di,mu mwila anu nwena kaga mu gimusuni ³ Mu gio mu mwila mu gadji dienu nwena kaga ye gimpala yenu ye yenu ye guhosagana,anwe lo nwena mu gimusuni,ye anu lo nuba gudidwadisa nga hadu gowu? ⁴ Mu dangu dihosa mudu umosi:ami ngiena mudu u Polu!ye mwega uhosa mbi:ami ngiena mudu wa Apolosa,anu lo nwena hadu? ⁵ Apolosa ena na ye Polu ena na?Asadi ami,mu buga yo yinu gagwigididi,mu mpila yoyo yiga nuwedi fumu Yisu gwena hoshi mudu. ⁶ Ami miga gunini,Apolosa esanga guswila mema,ha Nzambi diaga gudisidi, ⁷ Mu gio lo gwena mbi mudu yo uga gunini wena mbunda,mbi lo yo ugedi guswila mema,ha Nzambi ayo ugu gudisanga ⁸ Mudu yo uba guguna ye yoyo uba guswila mema ena mpila imosi,ye hoshi mudu maga senda lufudu lwenzi mu wingi u gisalu gienzi. ⁹ Mu mwila adu dwena hadu agi salu gi Nzambi,anu nwena ngundu yi Nzambi.Nzu yi Nzambi. ¹⁰ Nga mu ngolu ziga panama nini gwena Nzambi,ami iga banzidi isalu i liyanzigu nga mudungi nzu u ndungi,ye mudu mwega dia gesidi gubagisa awulu. ¹¹ Mu gio mudu mwega lo afana gwisa gusilulula nzu yega,awulu i nzu yo yiga banzidimi,gwena gwisiya Yisu Klisto. ¹² Mu gio mbi mudu mwega wesa gusa nzu awulu yi nzu yo yiga sidi mi ye wolu,ye palada,ya mamani mapimbu,midondu,ye mukola,gisalu gi hoshi mudu yo migi galesamana; ¹³ Mu gio ufugu wena muyigesi yagana,yoyi iga lesama gu twiya ye twiya midu galesa gisalu gi hoshi mudu. ¹⁴ Mbi gisalu gisala mudu awulu gisalu giga yanzigidi mugwedu gilama,yeyi maga senda lufudu lwenzi. ¹⁵ Mbi gisalu gi mudu giha twiya,yeyi maga gonda lufudu lwenzi;mu mwila yeyi,yeyi maga huluga,ha nga mu mbuga yi twiya. ¹⁶ Anu lo nwisi mbi nwena nzu i Nzambi,ye mbi mpeve yi Nzambi yi guzinga mu gadji dienu? ¹⁷ Mbi mudu uziya nzu yi Nzambi,Nzambi maga muziya;mu mwila nzu yi Nzambi yena yi santu,ye anu nwena giogo. ¹⁸ Mudu umosi lo ufana gudibebisa ye beni,mbi mudu umosi mu gadji dienu yeyi aba gununga mugu gukala ndungi nga mu miziga mi,yeyi aga guma muyinza lashi,mu mpila yeyi agumi ndungi. ¹⁹ Mu mwila ndungi zi gifudji gi ziena lashi gumesu ma Nzambi.Kega yoyi yiga sonamana giogio:yeyi maga senda hadu a ndungi mu upala wowu. ²⁰ Ye kega:Fumu Yisu wisi manunga ma hadu a ndungi agi fudji gi,yeyi wisi mbi ndungi ziowu ziena gozi pamba. ²¹ Lo gwena ye mudu ufana gusa muzima gwena mudu mwega;mu mwila yo yikima yena yenu, ²² Gukadi Polu,gukadi Apolasa,gukadi Sefasi,gukadi gifudji,gukadi luzingu,gukadi lufwa,gukadi mapanzi ma mafugu ma ,gukadi mapanzi ma mafugu magesa. ²³ Yo yikima yena yenu;ye anu nwena mu gadji ga Klistu,ye Klistu ena mu gadji ga Nzambi.