¹ Polu aga lenziga manini mu gukala ntumwa u Yisu Klistu mu luzolu lu Nzambi,ye pangi u yala Sosuteme, ² Gunzu yi nzambi yena gu Kolinto,gwena o agakedi agofuga mu Yisu Kistu,aga lenziga manini mu gukala asantu,ye gwena akima agulenziganga mu ihani imosi mbi gukadi kumbu yi fumu wedu Yisu Klistu,fumu wowu ye wedu. ³ Wega mbi ngemba ye pwede yikadi wanu mu kumbu yi Nzambi Dada ye mu kumbu yi Fumu wedu Yisu Klistu! ⁴ Ami iba ginzigisa madodji gwena Nzambi mu panzi yenu,mu zinu hanamanini mu kumbu yi Yisu Klistu. ⁵ Mu mwila mu kumbu yenzi anu munu gazedi ye gimvama gi gifa ye gifa gi dadila ndaga ye gwisiya, ⁶ Gimbangi gi Klistu giga hana manini mu mwila nu, ⁷ Mu mpila mbi gambu dimosi digonzi gugonda gunwena nu,mu gumena ago gunwena isalu yi Fumu Yisu Klistu. ⁸ Yeyi maga nuwa ngolu de gu nsuga,mu mpila anu nukadi hadu pimbu sila mu ufugu u wedu Yisu Klistu. ⁹ Nzambi ena gagidi,yeyi uga nulenzi gidi mu gukala mu gimvuga gimosi ye mwana wenzi,Yisu Klistu Fumu wedu ¹⁰ Ami iba gunu longa,anedu,mu kumbu yi Yisu Klistu Fumu wedu,mugu kala ndaga yi mosi anuakima,ye mu gugonda gukala ye nkabasana mu gadji dienu,ha mu gukala mu gimvuga mu manunga ma mosi ye kiesi. ¹¹ Mu mwila,anedu,ami igefidi mapanzi menu,gwena hadu klowe,mbi mu gadji dienu gwena ye mindondo yenu ye yenu. ¹² Ami izola gunwambila mbi umosi ye imosi mu gadji dienu ahosi mu mpila yi:Ami ngiena mudu u Polu!ye Ami mudu u Apolosa!Ye ami,mudu u Sefasi!Ye ami,mudu u Klistu! ¹³ Klistu aga kedi ugu gabuga?Polo maga mugomini a nkulusi mu mwila nu?Mbilo mu kumbu yi Polu anu nuga senzidi mbodjiga? ¹⁴ Ami iba ginzigisa madonzi gwena Nzambi mu mpila yi gagonzi gu bodjiga ata mudu mu gadji dienu,kadudi kaka Krisipusu ye Gayusu, ¹⁵ Mu mpila mbi mudu umosi lo ufana guhosa mbi aga senzi bodjiga mu kumbu yami. ¹⁶ Ami miga bodjigidi kega giganda gi Sitefanasi;aho asala ami lo ngisi mbi miga bodjigidi hadu ega. ¹⁷ Lo gwena mbi mu mwila mbodjiga Klistu agatumi,mu mwila gupanza musamu u Nzambi,ye mbi gwena mu gugonda ndungi zi posidi,mu mpila nkulusi di Yisu lo digenzi gudumbamana pamba pamba. ¹⁸ Mu mwila malongi ma nkulusi mena nga lasi gwena o aga bila mbuga;ha mu mwila edu dwena ahulugi,momu mena ngolu zi Nzambi. ¹⁹ Kega yiga sonamana:ami miga panza umbagu wˋambagu,ye miga niada ndungi zi hadu a ndungi. ²⁰ Ambangu ena kwiyo?Asikidibi ena kwiyo?Hadu a miaga a dangu di ena kwiyo?Nzambi lo aga bingidi lasi,umbagu u gifuzi gi? ²¹ Mu mwila,gifudji gi ye umbagu,lo ugesiyiyi Nzambi mu umbangu u Nzambi,Nzambi agakedi mu kiesi mu gubigisa akwigisi mu lasi di malongi. ²² Azwifi aba gulomba imangu ye Agregi aba gamba umbagu: ²³ Adu dubagulonga ndaga yi Klistu ayo waga gomini ankulusi;sasa dineni mu mwila Azwifi ye lasi mu mwila apani. ²⁴ Ha ngolu zi Nzambi ye ndungi zi Nzambi gwena o aga lenzigamana,gukadi Azwifi mbi lo Agelegi. ²⁵ Mu mwila lasi di Nzambi diena ndungi zingi zi hida zi hadu,ye guhela gu Nzambi gwena guhida ngolu zi hadu. ²⁶ Disenu,anedu mu gihani mbi mu gadji dienu hadu o aga lenziga manini gwena Nzambi lo gwena ye hadu ena ndungi zingi mu mpila yi gimusuni,lo kega gwena ye hadu engi ena ngolu,lo kega gwena ye hadu ena pimbu. ²⁷ Ha Nzambi maga ponini hadu a lashi a gifudji mu mwila guvidi gisa ndungi zi hadu andungi,Nzambi maga ponini yima yi gonda ngolu mu gifudji mu mwila mugu vidigisa hadu a ngolu. ²⁸ Ye Nzambi maga ponini yima yigonda mfunu mu giofudji,ye yoyo ya mvenzanga,muyo yigonda,mu mwila mugu gadula ayo yiga kedi. ²⁹ Mu mpila mbi mudu umosi lo ufana mugu disi gisa gu mesu ma Nzambi. ³⁰ Gisi,mu mbuga yenzi anu nwena mu Yisu Klistu,mu mbuga yi Nzambi,mu mpila yaga sadidi mu gadji diedu ndungi,gagidi ye gofuga ye guyamba mpeve ya longo, ³¹ Mu mpila yo nga giga sonamana:mbi ayo uga disigisa adi sigisi mwena Yisu fumu wedu.