¹ Lusimbangi zi munu, ka luzodiku ku mu kukala mi n'longi benu bakulu , kadi benu luzeyi nde betu, minlongi, si tu tambula mfundusu yi lutidi mu ngolu, ² Kadi mu mambu ma mbidi betu makulu tukusumukanga. ata muntu ka kusumukangamu n'gogu zi yani ku, buna yani wuna wu lunga kibeni ye lendi yala nitu yi yani yi mvimba. ³ Betu tu tulanga lugambu mu nua mi zi mpunda mpasi nde zi tu tumamana, ye mu nzila yina betu tulenda mpi tuadisa nitu zi bawu zi mfimba. ⁴ Lutala mpi masuwa, ata mawu mena ma neni ye manikusanga ku mu pepi mi ngolu kansi mawu ⁵ Mpila mosi diaka ludimi, luna kiela kineni beni kansi luawu lulendi mukiyana mu mambu ma maneni. tala bonsu fitiya filendi yoka mfinda yineni kibeni! ⁶ ingeta ludimi mpi tiya tuna. luna kima kimbi kina ye fulu kiyani mu kati ki biele bibetu. luawu lubebisa nitu yimvimba, lukuikanga tiya zingu kimvimba,luawu kibeni bu lukuikanga tiya tu bilungi. ⁷ Muntu lendi kuani lemvula makanda makulu ma bibulu bi mfinda, ma zinuni, ata ma mpila zi zinioka ye bizanzalanga mu masa, ye bika lemvula mpi. ⁸ Kansi muntu kalendi yala ludimi ku,luawu luna kima kaki lendi dingalala! ⁹ Mu luawu betu tutondilanga Mfumu betu ye Se, ye mu luawu mpi betu tusingilanga bantu bagangua mu kufuani ki Nzambi. ¹⁰ Mu nua wumosi mu tukanga lusakumunu ye tusingulu. luzimpangi zimunu, ka bufueni ku nde bukala bonsu buna. ¹¹ Nga nkelu wumosi wutukisanga masa mamboti mena kia ye mandudi mu nua wumosi? ¹² Luzimpangi zimunu, nti wu mungiengi kawubutanga mimbutu mi olive ku, ye nti wu vinua kawubutanga mingiengi ku. nkelu wu masa ma mungua kawutukisanga masa mamboti mena kia ku. ¹³ Nani mu benu wuna nduenga ye nzayilu? bika kasonga dio mu nkadulu yiyani yimboti, mu mavanga mayani maganguluanga mu luyinunu ye mu nduenga. ¹⁴ Kansi ata luna ye kimpala kimbi, ye mpaka zi kukisonga nde benu kaka mu mintima mibenu, buna kalukiyani ye ka lukiguni ku bu lubelanga kedika. ¹⁵ Nduenga zakulu kazitukanga ku zulu ku,kansi zawu zina zikintoto, zikimuntu ye zi Mpevi Nzambi. ¹⁶ Kadi gana gena kimpala ye mpaka mukukisonga nde benu kaka, gana gena mpi mvualangani ye mambi makulu mampila mumpila. ¹⁷ Kansi nduenga zitukanga ku zulu, ganteti zawu zina zigedila, mboki zawu zina zivuvama,zinlembami, zina nzaki mu lemvukula, zina zizala ye nkenda ye maganga mamboti. zawu kaziyekamanga ku ndambu mosi ku ye disu ku nsi lukaya ku. ¹⁸ Mimbutu mi zingu kimboti ye kisonga mikunuanga mu luvuvamu kua bawu batulanga luvuvamu ga bena.