¹ Yidiodio tufuete toma keba mpasi vo kamosi ko mu beto ka kondua luaka muna nsilulu luavewa, ya kota muna mvundilu a Nzambi ² Kadi n'samu a mbote wowo watulongua bonso mpe kua yawu. Kansi n'samu wuwu kawavewa kua bobo ka basangana mu minu ko kintuadi ye bana batumama. ³ Kadi beto tuakuikila, tuna beto mosi kaka tusinga kota muna mvundulu, landila diavovua:" kina vo yazengele nzambi mu nganzi zame, kabalendi sala kota nkutu muna mvundulu ame ko." Kansi, mavanaga mani kavanga malungana muna mvangilu a nza. ⁴ Kadi fulu kimosi wavovela n'samu wa lumbu kia nsambuadi: " Nzambi wavunda mu lumbu kia nsambuadi kunima vanga biawonso." ⁵ Wavova diaka:" Kabalendi sala kota nkutu mu mvundulu ame ko." ⁶ Mudina, kinavo vena diaka ye ban'kaka basolua mu kota muna mvundulu, ye wukina vo besi Iseli bobo bakala wa nsangu zambote kabakota ko mudiambu dia nkolameno, ⁷ Nzambi wavanga diaka lumbu kia n'kaka, kibokeleluanga: " wunu" Kunima lumbu biayingi, wavova mu nzila ya Davidi, bonso diavovokela mu ntama: " wunu, vo luwidi ndinga ani, kalukangi n'tima mieno ko. ⁸ Kadi vo yosua wabavundisa, nga Nzambi kalenda vovela diaka lumbu kia n'kaka kue? ⁹ Kansi, vena diaka ye mvundulu ya kia sabala yavewa kua n'kangu a nzambi. ¹⁰ Kadi nduna kotele muna mvundulu a Nzambi, vundidi mpe mu mavanga mani, mpila mosi Nzambi kavundisisa mayani. ¹¹ Yi diodio, tusala nzaki mu kota muna mvundulu, mpasi vo ka muntu ko bua mu mpila nkolameno basala. ¹² Kadi mambu ma Nzambi mena mamoyo ye mena ngolo ye maluti mu meno mbele a lulendo ya ndambu zole. Yikotanga nate ye vambanesa muela ye Mpeve ye n'singa mikakanga n'luku. Wuna wafuana mu bakusa mabanza ma n'tima ye ngindu. ¹³ Kavena vangua kimosi ko kina kiasuama va meso ma Mfumu. Kansi konso kima kina muasi ye kiazibuka va meso ma kua ndondo tufuete zayisanga mambu meto mawonso tusadidi. ¹⁴ Wukinavo tuna ye nganga n'kuluntu yaluta muna mazulu, Yesu muana Nzambi, tukala na kekete mu tukuikilu tueto. ¹⁵ Kadi katuna ye Mbuta nganga ko yoyo kayi lendi kutu sadisa mu ndebakani zeto ko, kansi tuna ye muntu mosi watontua bonso beto mu mpila zawonso, kansi disuasuanu kaka vo wakondua sumu. ¹⁶ Tufinama ye vuvu muna kitinu kia n'lemvo mpasi vo tuatambula nkenda ye tambula n'levo wadisa mu ntangu ya vua m'funu wa kima.