¹ Kansi Sauli watatamana kuamisa ye mpe vanda sielo ya mfumu, wayenda kua ngudi a nganga a mbuta ² ye walomba min'kanda mia nzo a lusambulu kuna Damasi, mpasi vo kamana ko wana ankua nzila yoyo, n'kento evo yakala, ka anata akangama kuna Yelusalemi` ³ Kiokio ka kala mu nzietelo, dia luka vo wakuma va mbela Damasi, na biu n'temo watuka ku zulu wan'zungidila. ⁴ Wabua va n'toto ye wawa ndinga yavova kua yani:" Sauli, Sauli mu diambu dianki wuta ku nkuamisa?" ⁵ Sauli wavutula:" Ngeye yi nani Mfumu?" Mfumu wavutula:" Mono yi Yesu ndondo wuta kuamisa; ⁶ kansi telama kota mu mbanza ye si azayiza mana fueti vanga. ⁷ Antu azietelenge ye sauli atelema kondua kua n'vovo; Awa ndinga kansi ka amona muntu ko. ⁸ Sauli watelama va n'toto, ye kokio kazibula meso, kalenda mona ko; Annata mu koko ye annata kuna Damas ⁹ Wavuanda lumbu tatu kondua kua mona, ye ka dia ye ka nua ko. ¹⁰ Vakala ye selo mu Damasi, nkumbu ani Ananiasi, Mfumu wan'tela mu monameso:" Ananiasi" ye wavutula:" Mono eyu Mfumu", ¹¹ Ye Mfumu wan'tela:" telama ye wenda mu balabala yi bokeluanga Lubakala, ye muna nzo ya Yuda, yuvula tata dimosi ditukidi ku Talasi, bokeleluanga Sauli; ¹² Kadi wuw sambila, yani muene mu kimona meso muntu wuna ye nkumbu ya Anananiasi, wakotele ye wan'tudidi moko, mpasi kamona diaka. Ananaiasi wavutula: ¹³ Mfumu, yawidi kua bantu bayingi mambi mawonso muntu ndondo kasala kua sadi biaku kuna Yelusalemi; ¹⁴ Ye vava wuna ye luve lutukidi kua Nganga za Nzambi, mu kanga bawonso basambilanga mu nkumbu aku. ¹⁵ Kansi Mfumu wavova: " wenda kadi muntu ndondo wuna sadilua kiokio nsolele, mu nata nkumbu ami va n'tuala zinsi, va n'tuala a min'tinu, ye va n'tuala a bana ba Yiseli; ¹⁶ ye se yansonga mpasi zawonso se kamona mukuma kia nkumbu ame. ¹⁷ Ananiasi wavayika; ye, kiokio kaluaka muna nzo, watula moko kua Sole, wavova: " Sole, mpangi ame, Mfumu Yesu, ndondo waku monekene mu nzila yoyo wakele kuizila, wumfidisi mpasi vo wamona diaka ye wazalua kua Mpeve a N'longo. ¹⁸ Mu ntangu yoyo kaka, bonso mavavala masotoka mu meso mani, ye wamona diaka. Watelama, ye wavubua; ¹⁹ Ye, kiokio kamana dia, ngolo zam'vukila. Sole wakala lumbu bia fioti ye min'lonoki miakala kuna Damasi. ²⁰ Vana vawu walongela muna nzo a Nzambi vo Yesu yi muana a Nzambi. ²¹ Bawonso bakala kugua bayutukua, ye bavova: " Kayani ndondo ko wakele nuanisa kuna Yelusalemi bobo basambilanga mu nkumbu yoyo, wana kayizidi kuku mu kubakanga ye kubanata kua nganga za Nzambi?" ²² Kansi Sole wakala kula fioti fioti, ye wakala yutukisa bayudayo ba zingilanga kuna Damasi, kiokio kakala songa vo Yesu yi Klisto. ²³ Kunima ya fintangu ntangu, bayudayo ban'kotela manenga mu kum'vonda, ²⁴ Ye n'samu awu waluaka muna matu ma Sole. Bakala kenga mielo fuku ye muini, mpasi bam'vonda. ²⁵ Kansi, mu mpimpa, balongoki bam'baka, ban'tula mu panu ye ban'kulumuna mu yaka. ²⁶ Kiokio kaluaka kuna Yelusalemi, Sole wayenda kua bawu; kansi bawonso bakala kummona wonga, kabakuikilanga ko vo yani wakala n'longoki. ²⁷ Yidina Balanabasi wam'baka, ye wan'tata kua zintumua, ye wakuba tela weyi muna nzila Sole kamuena Mfumu, ndondo wam'vovesa, ye weyi kuna Damasi kalongela muludi kiawonso mu nkumbu a Yesu. ²⁸ Wayendanga ye vutukanga ye bawu kuna Yelusalemi, ye wakala vova mu ludi kiawonso mu nkumbu a Mfumu. ²⁹ Wakala vova mpe ye nuanisa mabanza ye bayelenisite; kansi bantu bobo basosa kum'vonda. ³⁰ Kiokio bampangi babakusa n'samu wowo, bannata kuna Sezale, ye ban'fila kuna Talasisi. ³¹ Dibundu diakala mu luvuvamu mu Yuda diawonso, mu Ngalili ye muna Samalia, mu ndongokolo ye mu ndiatilu muna vumi wa Mfumu, ye diakala kula mu lusadusu lua Mpeve a n'longo. ³² Kinavo Petelo wakala kuenda kingudi basantu bawonso, wakulumuka mpe kuna kua bobo bakala zingila kuna Lide. ³³ Kuna wa kutana ye muntu wakala ye nkumbu ya Ene, waleka kuna mfulu tuka m'vu nana, ye watila mianzi. ³⁴ Petelo wan'tela: " Ene, Yesu Klisto wukusasudi; telama ye kubika mfulu aku. Vana vawu watelama. ³⁵ Nkangu wawonso wa Lidia ye wa Saloni wammona, ye wabangumuka kua Mfumu. ³⁶ Kuna Yope kua kala, vakati kua Min'longoki, n'kento mosi wakala ye Nkumbu ya Tabita, yisasidi Dolokasi: wakala sala mambu mayingi ma mboye ye vana min'kayilu. ³⁷ Wayela ntangu yanda, ye wafua. kiokio bamana kun'sukula, ban'tula kuna suku dia ntandu. ³⁸ Kina vo Lide yina va lukufi ye Yope, balongoki, kiokio bawa vo yani wuna kuna, bafila bantu babole kua yani, mu n'ku dodokela keza kuabawu mu nsualu. ³⁹ Petelo watelama, ye wayenda ye bantu bani. Kiokio baluaka, bannata kuna suku dia ntandu. Mafola mawonso ban'zungidila mu bidilu, ye ban'songa mvuela ye min'lele miawonso miatunga Dolokasi kiokio kakele ye bawu. ⁴⁰ Petelo wavayikisa bantu bawonso, wafukama, ye wasambila; Bosi wabangumuka kuakala nitu, wavova: "Tabita, telama!" wazibula meso, ye kiokio kamona Petelo,wavuanda. ⁴¹ Wa m'vana koko, ye wan'telamesa. Bonsi kabokela baveledi ye mafola, ye wabavana ndo wamoyo. ⁴² Diodio diazayakana mu Yope dia m'vimba, ye bayingi bakuikila mu Mfumu. ⁴³ Petelo wavuanda kuna Yope lumbu bia yingu kuna nzo ya munkuizizi wakala ye nkumbu ya Simoni.