¹ Sawuli wa tambudila lufua luani. Iwuna wa yantikila lumbu kina nkuamusu ya nene ya Dibundu dia kala kuna Yelusalemi; Ye minkuikizi mia wonso mia muangana mu Yuda ye muna Samalia, katula kaka antumua. ² Antu an'longo a zika Tieni ye a nionga beni mu kuma kiani. ³ Kansi Sawuli wavanga mambi mayingi kua Dibundu; wayenda nzo muna nzo ye wavayikisa mayakala ye akento mu ku atuba muna boloko. ⁴ Ikuma, minkuikizi mia muangusua mia yenda yendingi ye longa mambu ma Nzambi. ⁵ Filipo wakulumuka mu mbanza ya Samali ye wa ansonga Klisto. ⁶ Kiokio n'kangu wawa ye wamona sinsu ya songa Filipo, azola toma wa mana ka vova. ⁷ Ayingi mu wowo akala ye mpeve zambi akulwa mu zawu ye mu mpayikulu awu, mpeve za boka mu ndinga ya ngolo; ⁸ bosi mpe, min'vanguki ye makoka mia sasuka. ⁹ Kansi muna Mbanza muakala muntu mosi Simoni, wakala sadilanga kindoki mu ntangu zan'kaka; wa yitukusanga esi samalia ye wakiyekula mpasi kayikua muntu a M'funu. ¹⁰ Esi samalia awonso, tuka anduelo ye ambuta an'wilanga; avovanga: "muntu wuwu vuidi lendo kia Nzambi, ndondo wa bokeleluanga Mbuta." ¹¹ An'wilanga, kadi waba yitukisa ntangu ya nda mu kindoki kiani. ¹² Kansi kiokio akuikila mu ndongolo a n'samu a mbote kua Filipo mu momo matadidi kimfumu kia Nzambi ye nkumbu a Yesu Klisto, avubua mayakala ye akento. ¹³ Ye Simoni yani kibeni mpe wakuikila; ye kunima vubua kasisa diaka Filipo ko ye kiokio kamona sinsu ye masivi, wayitukua. ¹⁴ Wuwu kiokio Zintumua zakala muna Yelusalemi zawa vo Samalia dia tambudi mambu ma Nzambi, dina akua fila Petelo ye Yoani. ¹⁵ Kiokio aluaka, asambila mu kuma kiawu mpasi atambula Mpeve a N'longo. ¹⁶ Kadi tuka ntangu yina, Mpeve a N'longo ka yakulumuka kana kua wumosi mu yawu ko; Atambula kaka luvubu mu nkumbu a Yesu. ¹⁷ Ikuma Petelo ye Yoani awatensika moko, ye atambula Mpeve a N'longo ¹⁸ Kiokio Simoni kamona vo Mpeve a n'longo ya vanwa mu ntensekelo a moko kua Zintumua, wabavana mbongo. ¹⁹ Wavova: "lumvana lendo kiokio mpe, mpasi vo konso yitenseka moko katambula Mpeve a N'longo." ²⁰ Kansi Petelo wam'vutula:" Bika mbongo zaku zafua yaku ntuadi, kadi ngeye benzi vo n'kayilu a Nzambi wu bakiluanga mu mbongo. ²¹ Kuna ye ndambu yevo kunku mun'samu wuwu ko, kadi n'tima aku kawuna wa singama ko va meso ma Nzambi. ²² Viluka kuaku mu bi wan'tima aku, ye sambila kua mfumu, mpasi vo nanga lenda kuyambudila mu mabanza maku mambi. ²³ Kadi ngita mona vo wuna mu ma kia mpodi kia ndudi, ye mu nzila za masumu. ²⁴ Simoni wabavutula: " Lunsambidila kua Mfumu mpasi vo momo luvovele ka manduakila ko." ²⁵ Kiokio Petelo ye Yoani ata kimbangi ye vovela mambu ma Mfumu, Avutuka kuna Yelusalemi; mu nzila, alonga n'samu a mbote mu mavata mayingi ma esi Samalia. ²⁶ Wuwu Mbasi a mfumu ya vova kua Filipo ya ta: " Telama ye wenda ku mbela ya sudi mu nzila ya Yelusalemi mu kuenda ku Gaza." (Nzila yoyo yina mu nsi a nkatu). ²⁷ Watelama ye wa yenda ko.Tala , vakala musi Etiopia, n'sadi ye mfumu a nene ya Kandasi, N'tinu a n'kento wa besi Etiopia. Yani wakala n'kebi a mvuilu zani zawonso. Wa yenda ku Yelusalemi mu kunda. ²⁸ Wayiza vutukanga wavuanda mu kalu dimosi ye wuta tanga n'kanda a M'bikudi Esaya ²⁹ Mpeve ya vova kua Filipo:" Wenda ye diata ye kalu diodio. ³⁰ Wana Filipo wazawula lukufi ye yani wan'wa wuta tanga n'kanda wa Esaya M'bikudi, ye wavova: "Mubakusa wuna ma wuta tangae?" ³¹ Musi Etiopia wavultula:" Nei mfuete lendela, vo kondua kua lusadisu lua muntu? Wadodokela Filipo kala ye kavuanda yani muna kalu. ³² Kapu kia ma sonukua kia kala tanganga musi Etiopia yi kiaki:" Yani wanatua bonso meme ku nzo ya tekela n'suni mia bulu, ye bonso muana meme wakondua ndinga va meso ma ndondo wuta kun'zenge mika, kazibula nua ko. ³³ Mu kukikulula kuani mfundusu ani ya manisua. Ye n'kuna ani nani si ka toma wo songe? Kadi luzingu luani lua katulua vava n'toto." ³⁴ Wana n'sadi wayuvula Filipo:" Dodokolo, nani M'bikudi keta vovela? Yani kibeni yevo muntu a n'kaka?" ³⁵ Filipo wam'vutula tuka mu kapu kiokio kia n'kanda Esaya,bosi kan'longa matadidi Yesu. ³⁶ Kiokio ayendanga, afinama ye nto a maza; n'sadi wavova :" Tala, vava vena maza nki kifuete kunkadila mu vubue? ³⁷ Dina muisi Etiopia wa vana luve mu telamesa kalu, bosi bayenda kuna maza, Filipo ye n'sadi; Ye Filipo wam'vuba. ³⁹ Kiokio avayika muna maza, Mpeve a M'fumu yazamuna Filipo, ye n'sadi kammona diaka ko, kansi wayangalala, watatamana nzila ani. ⁴⁰ Kansi Filipo waluaka ku Azoti. Wasawuka zunga kina ye wa samuna nsangu za mbote mu mbanza zawonso nate kuna sezale.