¹ Wuwu mu bundia Antioka muakala ye m'bikudi ye madokotolo. akala Balanabasi, Simeoni (Wabokeleluanga musi Ninge), Lusiusi musi Sileni, Manaeni( Ansansuka ye Elodi .........) , ye Sauli. ² Kiokio akala kundanga Mfumu ye akala minanga n'soki, Mpeve a N'longo wavova:" Luntudila va ndambu Balanabasi ye Sauli mu sala salu kiokio yabasolela." ³ Kunima K mina n'soki ye sambila, ye tula moko mawu kua antu wowo, akua tuma. ⁴ Wana Balanabasi ye Sauli atumamena Mpeve a N'longo ye akulumuka kuna Selesia. Kuna asawuka kuna sanga kia Siple. ⁵ Kiokio akala muna mbanza ya Salamina, alonga mambu ma Nzambi muna nzo za tukatanu za Ayudayo. Akala mpe ye Yoani malako bonso n'sadisi. ⁶ Kiokio amana vioka sanga kia wonso nate ye kuna Pafosi, amona nkua yimpanganza, mbikudi a luvunu wa n'yudayo, wakala ye nkumbu ya Bale yesu. ⁷ Wakala kintuadi ye mfuma a makanda kuna nsi akinzenza wakala ye nkumbu ya Seliziusi Paulisi, muntu a ngangu. Muntu wowo wa bokelesa Balanabasi ye sawuli kadi wazola wa mambu ma Nzambi. ⁸ Kansi Elima "Kua yimpanganza" (Yi yoyo nsasa a nkumbu ani) wa kuatelanena, wateza vilangesa minu kia mfumu a makanda kuna nsi a kinzenza. ⁹ Kansi Sawuli, wabokeleluanga mpe Polo, wazala kua Mpeve a n'longo wan'tungununa muna meso ¹⁰ ye wavova: " Nge wuana a nkadiampemba wa zalua kua wunkita wa mbi ye nganzi. Ngeye wunw n'tantu wa mpila zawonso zalunungu. Nga kulendi yambula vidingisa zila zasingama za Mfumu kue? ¹¹ Wuwu Tala, koko kua Mfumu kuna mu ngeye ye wuna kuma mpofo. Ku mona diaka ntangu ko mu fintangu ntangu." M'bungesi ye tombe kia ngolo kia bua vana vawu kua elima. Wayantika vumvula ye sosa muntu lenda kunnata mu koko. ¹² Kiokio mfumu a makanda kuna nsi akinzeza kamona mana maluta, wakuikila kadi wayitukua mu malongi ma tadidi Mfumu. ¹³ Polo ye akundi ani ayenda mu zila ya maza tuka kuna Paposi nate kuna Pelenge kuna Pam'fili. Kansi Yoani wan'sisa wavutuka kuna Yelusalemi. ¹⁴ Polo ye akundi ani azieta tuka kuna Pelenge ye aluaka kuna Antioka dia Pisidi. Kuna akota muna nzo a lukutakanu mu lumbu kia lumingu ye avuanda. ¹⁵ Ku nima ntangulu a n'kanda a n'siku ye wa mim'bikudi, mfumu za nzo za lukutakanu zakuafidila ntumua yavova:" Luzimpangi, vo luna ye mambu ma lenda siamisa n'kangu, luvova mo." ¹⁶ Dina Polo wa telama ye wasala sinsu mu koko kuani ye wavova:" Antua esi Isaeli ye yeno luzitisanga Nzambi luwa! ¹⁷ Nzambi yoyo ya n'kangu a Isaeli wa sola n'kulu mieto ye wawutanesa mio muntangu akala mu n'toto mia Ngipiti, ye mu koko kuani kua lambuka wabavayikisa ko. ¹⁸ Mu makumaya ma m'vu, wabasansa muna nsi a nkatu. [Mu tezo kia m'vu makumaya wabakeba muna nsi a nkatu.] ¹⁹ Kunima bunga makanda nsambodia muna nsi a Kanana, wavana n'toto awu kua n'kangu eto bonso fua diawu. ²⁰ Mambu momo mawonso mavangama mu nkama ya ye makumatanu ma m'vu. Kunima mambu momo, Nzambi wavana mim'fundisi, nate ye m'bikudi Samueli. ²¹ Yi dina, n'kangu walomba N'tinu, ye Nzambi wabavana Sawuli, muana a Kisi, muntu a kanda dia Beniamini, mukala n'tinu mu nkama ya ma m'vu. ²² kualanda, Nzambi wan'katula va kintinu ye wavayikisa Davidi mukala n'tinu awu. Yi Davidi Nzambi kavovela vo:" Mbuene Davidi muana musi Isaeli mukala muntu wa n'tima ame ye vanganga mawonso nzolele kavanga. ²³ Muna n'kuna a muntu yoyo, Nzambi wanata Mvuluzi kua Isaeli, Yesu, bonso kasila dio muvanga. ²⁴ Mama mayantika lvangama kiokio, tekela ngizulu ya Yesu, Yoani walongela mbotokolo ya mviludilu a ma vanga kua n'kangu awonso wa Isaeli. ²⁵ Kiokio Yoani kaluaka ku nsuka a salu kiani, wavova:" Yeno, nani lukumbanzilanga ngine? Kina wuna ko. Kansi luwa, kunima a mono si kuiza muntu, wowo momo kina wafuana ko mu katula nsampatu mu malu mani." ²⁶ Luzimpangi, ana a kanda dia Abalayami ye wowo vakati kueno asanisinanga Nzambi, yi kua yeto malongi ma mpulusu ma fidisua. ²⁷ Kadi wowo azingilanga kuna Yelusalemi ye mfumu zawu ka banzaya ko ye balungisa mpova za mimbikudi zitanguanga konso kua lumingu mu kuatumba. ²⁸ Kanele vo ka babakidi bila kia kieleka mu kun'vonda ko, alomba kua Pilatu mu kun'vonda. ²⁹ Kiokio a mana fuanisa e vanga mawonso masonukua mukuma kiani, an'kulumuna vana n'ti ye an'tula muna ziami. ³⁰ Kansi Nzambi wam'futumuna mu bafua. ³¹ Wamoneka lumbu ya yingi kua wowo atomboka yani tuka ku Ngalili nate kuna Yelusalemi. Antu wowo ena mu ntangu yiyi mbangi kua n'kangu. ³² I kuma, tukulunatini nsangu zizi za mbote zi tadidi n'silu wasilua kua n'kulu mieto; ³³ Nzambi walungisi n'silu miani kua yeto, ana awu, mu futumuna yesu mu bafua. yi kuma dia sonama muna n'kanda a n'zole wa min'kunga: " Wunu wuna muana ame, nkitukidi Se diaku." ³⁴ Diaka, wuwu kiana vo wam'futumuna mu bafua mpasi vo nitu ani kayi wodi ko, wavova ena:" si yaluvana an'longo ye ndambu a tusakumunu tua Davidi. ³⁵ Yidika katela diaka muna n'kunga wa n'kaka:" Kulendi yambula n'longo aku ka tezakesa wola ko." ³⁶ Kadi Davidi, kunima sala luzolo lua Nzambi, mu mbandu ani, waleka, wazikua kuna kua Mase mani ye wawola. ³⁷ Kansi ndondo Nzambi ka futumuna kamona mbolela ko. ³⁸ Mu diodio bika dia zayakana kua yeno zimpangi vo yi mu nzila ya muntu wowo tuta longelua ndolokolo a masumu. ³⁹ Kua yani konso yuna kuikila tambudi ndungunu mu mawonso momo yeno ka lulendi nungisilua kua n'siku a Mose ko. ⁴⁰ Dina, lukeba, kidi mambu mavova mim'bikudi ka maluluakila ko:" ⁴¹ Tala yeno mim'vuezi, bika lua yoya ye lua fua; kadi ngita sala salu mu lumbu yeno. Salu kiokio ka lulendi sala kuila ko kana kanele vo muntu wulu samunini kio. ⁴² Bonso Polo ye Balanabasi ayendela, n'kangu wabadodokela mu vutukila mambu mana diaka kina kia lumingu kilanda. ⁴³ Ku nsuka a lukutakanu muna nzo a tukutakanu Ayudayo ye..........alanda Polo ye Balanabasi wowo akua vovela ye akua siamisa mu tatamana muna n'lemvo a Nzambi. ⁴⁴ Kia lumingu kia landa, antu awonso akutakana kuna nzo a tukutakanu mu wa mambu ma Mfumu. ⁴⁵ Kiokio Ayudayo amona ndonga ya antu, azalua kua keto ye avova mambu ma suasuana ye mavovanga Polo ye am'fika. ⁴⁶ Kansi Polo ye Balanabasi bakala vovanga mu ludi kia wonso ye bavova:" Diakala dia m'funu beni vo mambu ma Nzambi ma lulongulua bantete. Wuwu kina vo luta mo tinguna ye luta kibanzila vo ka luna luafuana ko mu tambula moyo wa m'v ya m'vu, lutala, beto tubangumuni zizi bieto kua bapakanu. ⁴⁷ Kadi yiwowo, Mfumu katulombele mu m'vovo ani: " Yikutudidi mu kala n'temo wa bapakanu, mpasi wuanata mpulusu nate kuna nsuka za nza. ⁴⁸ Kiokio bapakanu bawa wo, bayangalala ye basanisina mambu ma Mfumu. Bayingi bakala basolua mu luzingu lua m'vu ya m'vu bakuikila. ⁴⁹ Mambu ma Mfumu ma muangana mu zunga kia m'viba. ⁵⁰ Kansi bayudayo banangumuna bakento ba nkua luzolo ye bam'funu, ye mpe babakala n'tuadisi mia Mbanza. Batelama mu nuanisa Polo ye Balanabasi ye bakuba tuba kuna mbazi ye mbanza. ⁵¹ Kansi Polo ye Balanabasi ba kubakubudila tambi ya malu mawu. Ye bayenda kuna mbanza ya Ikone. ⁵² Balongoki bazalua kua kiese ye Mpeve a N'longo.