¹ Muntangu yina N'tinu Elodi watula moko kua ndambu ya antu a lukutakanu mu kuamisa Dibundu, ² ye wavonda Yakobi mpangi a Yoani mumbele. ³ kiokio ka mona vo momo mazayakana kua ayudayo, wakangisa diaka Petelo. ⁴ Kia kala mu ntangu ya lumbu kia mampa makondua funusua. Kunima kun'kangisa, wan'tula muna boloko ye wafila buka ya yamakesa, maya maya mu konso buka, mu kuakenga, wakala ye mabanza ma kum'fundisa va n'tuala n'kangu ku nima ya pasa. ⁵ Yi wowo Petelo kalundulungu muna boloko, kansi lukutakanu lua zimpzngi lua sambilanga kua Nzambi mukuma kiani. ⁶ Mulumbu kina, tekela Elodi kam'fundisa, Petelo walelenge vakati kua makesa mole; wakangua n'singa miole mia sengua ye makesa vana n'tuala muelo mu kun'kenga. ⁷ Ye tala, Mbasi ya Mfumu yamonekana na biu ye n'temo walezima muna boloko. wazuba Petelo mu mbela ya wan'sikamesa, wavova;"Sikama kuaku" Yidina n'singa mia sotoka mu moko mani. ⁸ Mbasi yan'tela:" Vuata yinkuti yaku ye nsampatu zaku" Petelo wavaga wo. Mbasi yan'tela:" Vuata yunga kiaku ye wundanda." ⁹ Petelo wa landa mbasi ye wavayika. Kazaya ko momo mavanganga Mbasi makala maludi. Yani kabanzila vo mona meso. ¹⁰ kiokio aluta n'kengi a ntete ye wa n'zole, aluaka vana kielo kia sengo kitalane ye Mbanza. Kia zibuka kiawu mosi van'tuala awu. Avayika ye akulumuka nzila mosi, ye Mbasi wasisa Petelo. ¹¹ Kiokio Petelo ka vutuka mu yani kibeni, wavova:" Wuwu ludi mbuene vo Nzambi wa fidisi Mbasi ani ye wu nkutudi mu moko ma Elodi ye mu mvingudulu ya ayudayo." ¹² Kunima kalungisa momo, wayenda kuna nzo a Malia ngudi a Yoani yabokelelua Malako, ndonga ya minkuikizi ya kutakana kuna mu sambila. ¹³ kiokio kakonkotela kuna melo, sadi kimasi munkumbu ya Loda wayiza mu zibula. ¹⁴ kiokio ka sungamena ndinga ya Petelo, wasupukua kua kiese, wavilakana zibula kielo ye walemoka mu kuatela vo Petelo wuna vana n'tula muelo. ¹⁵ An'tela: " ngeye lawu wuna." Kansi watatamana kaka vo dina dia kieleka. Avova :" mbasi ani" ¹⁶ Kansi Petelo watatamana konkotela ye kiokio ayiza zibula kielo, amona ye ayitukua. ¹⁷ Petelo wasala sinsu kiakoko kuani mpasi akala napi ye wabatela bonso weyi Mfumu kam'vayikisila mu boloko. Wavova:"lunata mambu mama kua Yakobi ye kua zimpangi." Bosi wabasisa ye wayenda ku fulu kia n'kaka. ¹⁸ Kiokio lumbu kia kia, kwa kala wonga va kati kua makesa mu diambu dia diodio dia luakila Petelo. ¹⁹ Kunima Elode wa nsosa kansi kamona ko, wadia nguivu kua n'kengi ye wavana luve mu kuavonda. Kunima, wakulumuka ku Yuda dia cezali ye wazingila kuna. ²⁰ Elode wakala ye nganzi zayingi kua antu aku Tilo ye ku Sidoni. Ayiza kintuadi kua yani. Aleba Balasita, n'landi antinu, mu kuasadisa. Bosi alomba luvuvamu kadi nsi awu yabakidingi madia mu nsi a n'tinu. ²¹ Lumbu kimosi kiakangua, Elode wavuata N'vuatu miani mia kin'tinu ye wavuanda vana kiandu kiani, ye wa avana nsangu za kin'tinu. ²² N'kangu waboka:" ndinga a nzambi kansi ka yamuntu ko!" ²³ Vanavawu Mbasi a Mfumu yan'zuba kadi kavana n'kembo kua Nzambi ko. Yani wa diwa kua nkunga ye wafua. ²⁴ Kansi mambu ma Nzambi makula ye mamaungana. Balanabasi ye Sauli amanisa kisalu kiawu kuna Yelusalemi. ²⁵ Akatuka kuna, ye a nata vakati kuawu Yoani wabokeleluanga Malako.