¹ Kuna sezale kua kala muntu mosi wakala ye nkumbu ya Koloneyi, Mfumu ya masoda kuna Itali. ² Muntu ndondo wakala wavelela ye wavuminanga Nzambi, ye nzo ani ya m'vimba, wavananga min'kayilu mia yingi kua n'kangu, wasambilanga Nzambi ntangu zawonso. ³ Kuna ndambu za wola ya vua, wamona kimonameso mbasi a Nzambi yakota kua muna nzo ani, ya n'tela: " Koloneyi!" ⁴ wan'tadidila, ye wonga, wavutula: " nki e Mfumu? " Ye Mbasi wavutula: " sambu ye n'kayilu miaku milueke va n'tuala a Nzambi, ye bambukidi mio moyo. ⁵ Wuwu tuma bantu kuna Yope, ye tuma beza ye Simoni, babokelelanga Petelo; ⁶ Wuta leka kuna nzo ya muntu mosi wuna ye nkumbu ya Simoni, n'vangi a nsapatu, ndondo nzo yina kuna mbela m'bu. ⁷ kiokio mbasi kamanisa kun'tela mambu momo wayenda, Koloneyi wabokela babole mu basadi bani, ye kesa di mosi mubawu dia velela , diodio diakala fifi fifi ye yani; ⁸ ye, kunima kuba tela nsangu zawonso, wabatuma kuna Yope. ⁹ Kunima lumbu kialanda, kina vo wakala mu nzila, ye wakala finama ye Mbanza, Petelo watomboka kuna zulu a n'ludi, kuna ndambu ya wola ya n'sambanu, mu sambia. ¹⁰ Wafua nsatu, ye wazola dia. kiokio bakala n'ku n'lambila madia, wabua kintumba zulu. ¹¹ Wamona zulu dia zibuka, ye kima kimosi kiakala bonso n'lele a meza wa nene wakangua muna konko biabi ya, kia kulumukanga ku ndambu a n'toto, ¹² Ye mua kala bibulu biawonso bia malu maya, bisielomokanaga va n'toto, ye nuni za zulu. ¹³ Ye ndinga mosi yan'tela: " Petelo, telama, vonda ye dia." ¹⁴ Kansi Petelo wavova: " Ve, Mfumu, kadi kiadidi nkutu ata kima kimosi kia yivisua, ye sumuka ko." ¹⁵ Ye mu nkumbu ya n'zole, ndinga yawakana diaka kua yani:" kiokio Nzambi kamuene kia velela, kutadi kio kia yivusua ko." ¹⁶ Diodio diavangama nkumbu tatu, ye munkumbu mosi, bima biobio biavutuka kuna zulu. ¹⁷ Kiokio Petelo yani kibeni kakala zaya ko nsasa ya mona meso kiokio kamona, bantu batumua kua Koloneyi, kiokio babaka fulu kina nzo ya Simoni, baluaka vana kielo, ¹⁸ Ye bayuvula mu ndinga ya ngolo keti muna muakala leka Simoni, babokelanga Petelo. ¹⁹ Wuwu kina vo Petelo wakala kiyuvula mu mona meso kiokio, Mpeve yan'tela: " tala, bantu batatu beta ku sosa. ²⁰ Telama, kulumuka, ye wenda ye bawu kondua kua keti keti, kadi mono yi bafidisi;" ²¹ Mudina Petelo wakulumuka, ye wavova kua bantu bobo: " lutala, mono yi muntu luta sosa; nki luizidi e?" ²² Bavutula: " Koloneyi, Mfumu a makesa, muntu wa lunga ye vuminanga Nzambi, ye ndondo zinsi zawonso za Bayudayo batelanga kimbangi kia mbote, watambula mu kinzambi mu nzila a Mbasi a Nzambi vo beza yaku mu nzo ani ye kawa mambu maku. ²³ Mudiodio Petelo wabakotesa, ye wabatambu muna nzo. Kunima lumbu kia landa, watelama, ye wayenda ye bawu. Bampangi ban'kaka besi Yope bayenda yani. ²⁴ Baluaka kuna Sezale muna lumbu kia landa. Koloneyi wakala kubavingilanga, ye wabokela mpangi ye bakundi bani ba n'tima. ²⁵ Kiokio Petelo kakota, Koloneyi wayenda va n'tuala ani, wabua vamalu mani ye wan'kunda. ²⁶ Kansi Petelo wan'telamesa ye wavova: " mono mpe ngina yi muntu. ²⁷ Kiokio bakala mokena ye yani, wakota ye wakuta bantu bayingi bakutakana. ²⁸ Wabatela, luzeye vo n'siku kua Bayudayo mu kangana ye muntu a nzenza, yevo mu kota muna nzo ani; kansi Nzambi wansongele mu lembua tala, ka muntu mosi nkutu ko, bonso wasumuka yevo wayivusua. ²⁹ Dina kibakidi nkutu ndinga yimosi ko mu kuiza, kadi beno lua mbokele; dina zolele zaya bila luambokelele. ³⁰ Koloneyi wavova; " lumbu yi ya vikele, vava fulu kiki, mu wola ya vua yakala sambilanga muna nzo ami, muntu mosi wavuata n'lele mia kala lezima wakota muna nzo ame, ye wavova: ³¹ " Koloneyi, sambu kiaku kiwakane ye zambi banzidi diaka min'kayilu miaku. ³² Mudina fila muntu kuna Yope, ye tumisa Simoni, ndondo babokelelanga Petelo, wuta leka kuna nzo a Simoni, m'vangi a nsampatu, kuna ndambu a m'bu. " ³³ Vana vawu ya fila muntu kua ngeye, ye mbote kuani sidi mu kuiza. Kadi wuwu tuna beto bawonso va n'tuala a Nzambi, mu wa mawonso Mfumu kakuvene luve mu kututela. ³⁴ Mudina Petelo wabaka ndinga, wavova: " mu ludi, nzeye vo Nzambi ka vawulanga bantu ko, ³⁵ Kansi kua konso nsi yoyo yikun'vuminanga ye yisadilanga mu lunungu yina yazolakana kua yani. ³⁶ Watuma ndinga kua bana bayisayeli, wabalonga luvuvamu mu nzila ya Yesu Klisto, wuna Mfumu ya babonso. ³⁷ Luzeye mawonso maviokele mu Yuda diawonso, kunima yantikila kuna Ngalili, kunima ya mbotokolo yoyo Yowani ka longela; ³⁸ luzeye weyi Nzambi ka kusila Mpeve a ngolo mu Yesu Klisto muisi Nazaleti, ndondo wakele kuendanga fulu bia yingi ye niakisa bawonso bakala kunsi ya kiwayi kia nkadiampemba, kadi Nzambi wakala yani. ³⁹ Tuna zimbangi za mawonso kavangidi mu nsi ya Bayudayo ye kuna Yelusalemi. Bam'vonda, kiokio ban'koma vana n'ti. ⁴⁰ Nzambi wam'fulusa mu bafua mu lumbu kia n'tatu, ye wam'vana n'sua mu moneka, ⁴¹ ka kua bantu bawonso ko, kansi kua zimbangi zasolua tuka ntama kua Nzambi, kua beto tuadia ye nua yani, kunima mfulukulu ani mu bafua. ⁴² Ye Yesu watuvana n'sua mu longela kua n'kangu ye ta kimbangi vo yiyani Nzambi katula bonso m'fundisi wa bamoyo ye bafua. ⁴³ Mim'bikudi miawonso bakun'telanga kimbangi vo konso nduna kun'kuikila si katambula luloloko lua masumu mu nkumbu ani. ⁴⁴ Mu ntangu Petelo kakala vovanga mambu momo, Mpeve a N'longo wakulumuka kua bawonso bakala wanga mbambu ma Nzambi. ⁴⁵ Minkuikizi miawonso kiawukua kibakala bayiza ye Petelo bayutukua vo Mpeve a N'longo yadukulua mpe kua bapakanu. ⁴⁶ Kadi bakala kubawa bakala vova mu ndinga zamazulu ye bakala kembela Nzambi ⁴⁷ Mudiodio Petelo wavova: " Tulenda kanikina maza ma luvubu kua bobo batambudi Mpeve a Nlongo bonso betue? ⁴⁸ Wavana n'sua bavubua mu nkumbu a Mfumu. Mudina wabalomba bakala yebawu mu lumbu bia fioti.