¹ Nkumbu yiyi ya tatu ngita kuiza kua yeno, konso kua ngiaudilu yi fueti talua ye kimbangi kia antu wole yevo a tatu. ² Ya vova kala kua asumuka ye kua wowo asala , kio yaka koko mu nkumbu ya n'zole, ye mvutukidi dio dioka: " kio si yavutuka diaka, kiku bavukisa ko." ³ Ngita kulu tela dio kadi luta sosa kimbangi vo Klisto wuta vova mu mono. Kene wayoya mu yeno ko, kansi wuna ngolo mu yeno. ⁴ Kadi, wakomeno mu diambu dia yoya kuani, kansi wuna moyo mu ngolo za Nzambi. Kadi tuna mpe tuayoya mu yani, kansi tuta zinga ye yani mu lulendo lua Nzambi, va kati kueno. ⁶ Lutoma kifimpa yeno kibeni mu zaya vo luna muna minu. Lutoma kifiongonona yeno kibeni. Ka luzeye ko vo Yesu-Klisto wuna mu yeno? Vo kutu ka lua toma kubikua ko. ⁵ Ye nkuikidi vo silua zaya vo katuna tuatambudilua ko. ⁷ Wuwu tuta sambila kua Nzambi vo ka luvangi dimosi diambi ko. Kita sambila ko mpasi tuamoneka bonso tua fimpulu. Kansi, ngita sambila mpasi lua vanga diodio dina dia lunga, kana wuna kina vo tuna bonso vo lufimpu lua tulutidi. ⁸ Kadi ka tulendi sala kana dimosi diambi kua ludi ko, kansi yi mu kuma kia ludi kaka. ⁹ Kadi, tuyangalalanga kio tuna tua yoya, ye kio yeno luna ye ngolo. Tuta sambila mpe mu kuma kia ntombokolo eno. ¹⁰ Ngita kulusonekena mambu mama wuwu ngina kua nda, mpasi vo mu ntangu ngina yeno, kikulu vangi mpasi ko, mu sadila lendo (Nzambi ka mvana mu kulutunga, kansi ka mu kulu bebesa ko).