¹ Me nkel we mu pii ? Me nkel we ntum ? Me amwen we mfum a bis Yesu ? Bini li kel mbud yin ye tisi me mu isal ke mfum ? ² Kid ne me nkel we ntum munda ban baba mo,si munda bini me nkel ntum.Munda bini bu limwen bo lweghe me malong ma mfum. ³ Yi ikel ngol ye me munda ban baba mfwulo. ⁴ li kel we andi nswa ye idia ani inwa ? ⁵ Bis li kel we ani nzil ye iwol mukad wo kwikile,bun bo kide ba ntum baba mo,andi ba kuun ba babaal ba likel a bo mu mfum Nziem,ani Cephas ? ⁶ To ikel na Balnabas ani me baba kwi mu isal. ⁷ Na wun wo sala amon ne suda mu isal ke nde ngako ?Na wun wo kuno muti wo mbud ne nde ngako adi we mbud yin ? To na wun wo bulo ma meem ne andi we mulim mi nde ? ⁸ Me mwe bilo bi mu mpil ye imfum ke imud ?Ikel iko bun nto munzil ye mingil ? ⁹ Munda ba swen mu mikaan me Moyize,"ngwele ba mukasa we munwa kid ne nde twim maan."Ako yan Nziem nsil abud kal ani ngieb ye ngwem wun ? ¹⁰ Nde amwe we ibi mu nda bis ?Ba swen munda bis,wun wo kuno,a kuno ani lizol lo liso,ani wun wo sala,asal mu lizol mu ikab bin be zwi nde. ¹¹ Kid ne bis likum mbud ye impev mu nked a bis,ilwidil ngol ko kel bis mu iku nu luum bilo bi lisala bini ku makuu ma bini. ¹² Kid ne baba mo ba kid manda ma kobun ko kel bini,bis li sal mama lwidil ?Bis li man luum we nto ilo imo ?Bis li kasa mbwun mu bilo bio biso munda iwun kas nzil mu making ma Klistu. ¹³ Bini li yeb we ne ban baba sala mu Nzo nziem,ba wolo lifud libo mumo,ban si baba sala ya nghe mes,ba kaba bin biba bawi ya nghe mes ? ¹⁴ Nto nde ngako Nziem bo wi ngil yi mu mpil ne ban baba mwa nsia ba wol si lifud li bo mu malong man. ¹⁵ Si me man nduun nto tsu limo mu bilo bibi tel bis bangako.Me si nswen kobun ne bini li ngwa bio bilo bi me. Bene me mfha si mud aka bisuu mu nda so yin. ¹⁶ Munda kid ne me amwa nsia mbwed ye Nziem,me nkel we ani tel le iku bisu,munda me aka sal.Me akala mu ngieb kid ne me ndweng we nsia mbwed ye Nziem ! ¹⁷ Munda kid ne me asala mu lizol le me ngako,me nkel ani lifud.Si kid ne me asala we mu lizol le me ngako,me akal tsu loliso ani iyek ke manda mo maso ma ba ngwi. ¹⁸ Lifud li me li kel nki ?Kobun kid ne me a long,me akab nsia mbwed mu iwun tal kha li bad,ani iwun wol kab limo mu nsia mbwed ye kaba me. ¹⁹ Ako yan me nkel we ani nda mo ani mud,me le to mud a isal wo mud ndeso,kobun me awol bibi lwidil. ²⁰ Munda ba Yuda me le to amon ne muyuda,mu mpil ne me mung ba Yuda. Munda ban bo baso baba kel ku nsi ye mangul,me le to amon ne mud mumo wo kel ku nsi ye mangul,(Iswi we ne me ngako nkel ku nsi ye mangil.). Itsin ne me mung ban bo baso baba kel ku nsi ye mangil. ²¹ Munda ban baba kel ku nzil ye mangul,me le to ifa imo andi bo (kel we ne me ngako nkel ku nzil ye mangul ma Nziem,si ku nsi ngil ye Clistu), kobun me le nung ban bo baso baba wun lemfuko ku ma ngil. ²² Munda ban baba win ngol,me si le to ngol we munda iku ba nung. Me li ntwe ilo imo munda bad bo baso.Kobun me li ibigis baba mo mu mansin mo maso. ²³ Me ya nsel mo maso mu mpil ne nsia mbwed ba ka inisi. Kobun me nkwi mu iwol lisakumun mu nzil ye bilo bin. ²⁴ Bini li yeb we ne mu ibad manan,baba bada ban bo baso aka ba bad,si na mud mumo wun wo wolo lifud ?Kobun li bad munda iwol lifud. ²⁵ Mud wun wo sala ma nsak,asala tel loliso munda a bud yab bu ba sala. Asala tel lo liso munda awol mpu mu tel lifhi,si bis li bada munda liwol mpu ye lizing le mvul ani mvul. ²⁶ Kyi me abada we iwine ntin amon ne nze abyi mufel. ²⁷ Si me nkel mu iku biwa nud ne nde akidi muhumb,kobun me nkel mu iku bisu ko kel bad ne me ngako nkel we mu liwuu.