¹ Tel li,Limon manda mama tel bilo be idia bibi fi mu nzil ye bitek: Bis li yeb bu "bis bo baso li yeb manda man."Iyab ke lileen le ngol,lizol si lili ngol. ² Kind ne mud mumo amwen mu mantiemen ma nde ne nde yeb nda,mud munkim aka yab ne nde wun ayeb. ³ Si kid ne mud mumo azwel Nziem,mud wun nde amu yeb. ⁴ Kobun,man mama tel idia mu bilo bibi fi ku bitek: Bi li yeb ne ntod yi ikel ayo ilo i mpaam,si Nziem akel na nde wun mumo. ⁵ Kyi,ba fhun baba yemene si " ba nziem ku yul ani ya munsi ntod,bun bu kel ba nziem ba fhun ani ba mfum si ba fhun.". ⁶ Ehee munda bis ikel Nziem na nde wun mumo Tad,nde wun wo kes bilo bio biso,bis si lizighe mu ngol a nde,andi mfum na nde wun mumo Yesu Klistu,Wu kel ne mu ngol ande bilo bio biso andi bio,bis si li zighe muko. ⁷ Kyi,iyab kin ikel mu mud nde muso. Ikobun ban baba lwid iso ba selele bitek ani idia bilo bibi fee ko kel bitek bun bu bi kel. Mantiemen ma bo ba ma shwim munda ba kel ngol we. ⁸ Si bilo be idia bi kwi we mu iku Lisa munzil a Nziem,bis li kide we ku ibi kid ne bis li bi dia we,ansa bis aka li bi dia. ⁹ Si ibikel ibin mu pii ika kal nzil ye ibwis wun wo wiin ngol mu likwikil. ¹⁰ Kid ne mud mumo li mwen,Wu kel ani iyab,Lidia bilo bibi fi ku bitek,ikel iwa ngol ko kel ban baba ywiin mu idia bilo bibi fi ko kel bitek. ¹¹ Kobun,itsin iyab ke bini mu manda ma tel ibini ke itsin ke bitek,mukuun wo baal to wo mukad wo win ngol,Klistu afhi munda nde,le mini. ¹² Kobun tel kid nze ku ibi ku kel bakuun ba nze ba babaal to ba bakad,le iku tswa ku mbwun a nde bun bo kel mud a yuun,nze ya sel lisum ku kel Klistu. ¹³ Kyi,kid ne idia i litswala mu nzil ye ibwa ye mukuun wo baal to wo mukad,me abud idia we,kobun me akal we nzil ye ibwis bikuun wo baal to wo mukad wun.