¹ Tel li mu ital bilo bin bi liswenen bini:Kel ani matel mama mo ikel ku ibwed ne baal alaal andi mukel ande. ² Si munda mu iwin bwa,baal ndeso akal andi mukel a nde,mukad nde so si akal andi mulim ande. ³ Mulim kwi mu iwa ko kel mukel ande mangul mande momaso mama ntal abo ye ilaal,ifa imo si mukel ko kel mulim ande. ⁴ Mukel akel we andi imfum mu nud ande ngako,ikel ko kel mulim ande.Mulim si akel we mfun wo nud ande,si ikel ye mukel ande. ⁵ Li bi tshu we mu ilaal wun andi wun kid ne bini liyukan we mu tel limo kobunu,si likal ngol mu bisaam. Abini bwel li kal mbel mo,kobun satana alikeb we mu iwin ku bikasaman bini ba ngako. ⁶ Me aliwe luu si me ali twim we,me nzwel ne mud nde muso akal amon ne me. ⁷ Si mud ndeso azwi makab ma Nziem,wun mu ilo ki,wun mu ilo inkim. ⁸ Mu ban baba kel ba mfhyb ani ban baba fhi ba lim,ikel ku ibwed bo mu ikal ba mfhyib bun bu nkel me. ⁹ Kid ne ba kwi we mu iku Bital bo bangako,bene ba baal.Ikel ku ibwed munda bo mu ibaal munda ba ka bud mantiemen ma induum. ¹⁰ Tel li ko kel ban baba bwel,me litwim bu,kel we me si mfun:"Mukad akwi we mu iku bikab ani mulim ande". ¹¹ Si kid ne nde akid kobun,ashial ande ngabimo kid we akwe ba yukan andi mulim ande.Si mulim akwi we mu ibyi mukel ande. ¹² Si munda ban baba shiel me mwe ne (me kid we ne mfum),mu mpil ne nto mukuun mumo we wo baal wu kel andi mukel mumpan,wu kel ne ba yukan mu izing andi nde,akwi we mu idus Waal lin. ¹³ Kid ne Mukad mumo akel andi mulim mumpan Wu ba yukan mu izing ande nde,akwi we mu idus Waal lin. ¹⁴ Munda mulim wun wo mupan awolo lisakumun ko kel mukel ande wo kwikile,mukel wun wo win kwikile awolo lisakumun ko kel mulim ande wo kwikile. Kid ne lo baan ba bini ba kal baba lwidil ibe,si tel li bo ya ba wel lisakumun. ¹⁵ Si nga bad ba nde akel mumpan win ande,li ba year bo si ba kwe.Ikobun mukuun wo mukad to wo baal akel we nde mu iyukan ibo kin.Nziem ali yemen mu izing mu ngemb ande. ¹⁶ Munda nze mukad yeb we ne mu nzil yin nze kwi mu ibigis mulim anze? To nze mulim yeb we ne nze kwi mu ibigis mukel anze? ¹⁷ Ilo na imo,kons mud azing bun bo musi Nziem,ani mukad wun wo musi Nziem.Yin ikel ngil ye Sa me mu ma Nzo-nziem mo maso. ¹⁸ Ne ban bo baso baba tsid tel li ba ba yemen bo? Ba meg we mu ikyili idiim kin ke itsid. Mumpan kid ne ba liyemen mu likwikil,akal wo tsi-tsid? Ikel we mu ngol. ¹⁹ Munda ilo ilwidil mfun ikel we itsid,si ilo ilwidil mfun ikel iluun mansig ma Nziem. ²⁰ Munda konns mud akal mu isal inde ke musi Nziem mu likwikil tel amuyemen nde. ²¹ Bini li kel ba mpik tel ali yemen Nziem? Li ka kal mu ngieb munda ikobun. Si kid ne bini likwi mu ikal pii,likal ikobun. ²² Munda mu ital wun wo yemen Nziem amon ne mumpik,akel mud mumo wo pii munda mfum.Ifa imo wun wu kel pii,tel ba liyemen nde mu likwikil,le to mumpik wo Klistu. ²³ Bini ba liswim mu ntal ye ngol,li ka kal ba mpik ba baad. ²⁴ Ba kuun ba babaal andi ba bakad,ansa bu likel mu bisal bi bis,likal bun bu ba liyemen. ²⁵ Tel li kid ne Ku kel ban baba win baal,me nkel we andi ngil mo ye wi mfun,si me ngwi mantiemen ma me amon ne wun wo mwe mu ngol Nziem ani likwikil loliso. ²⁶ Kobun me ntiemen ne itsin iwin zwa ke ntod yi,ifen ku ibwed ne akal na nde ngabiywi. ²⁷ Nze when ani mukad mumo mu lisiil le mabeel? Li ka sa inka-ngol.Bini li kel pii mu mukad mumo to wo win baal? Li ka sa ne libaal. ²⁸ Si kid ne bini li bwel,masum bini li sal we.Ehee ikel ibini ne baba beel ban ba kel ani manda ma fhun ku nkul a bo mu izing mu ibwil,li bi swi we mu manda maso man. ²⁹ Si me ndiel bu,bakuun ba ba baal ani ba bakad:tel li kel li fhi.Baa tel li,ba nga bakel ba zing amon ne bakel ba bee we. ³⁰ Baba lile ban,ba kid amon ne bo mansia we;ban baba kel mu isse ba kal mu iwo,baba kel mu ishum bilo bio biso,ba kid amon ne ba bee we nto ilo imo. ³¹ Ba ba kide manda mu ntod bakid amon ne ba kide we nto ilo imo mu ntod,munda ntod itwe ku nsuk a yo. ³² Me nzwel ne me nkal pii mu manda mo maso.Baal mfyib akala ngol mu manda ma Nziem,ayeb isinki iku muwa isse. ³³ Si wo beel wun anem mu manda ma ntod yi,asa isse na ke mukel ande. ³⁴ Abi keb.Kobun mud wo win baal to wun wo win yab nud a baal abi wa ifhun mu isal i Nziem,asa ne akal musantu mu imud ani mu impev.Si mukad wo beel wun abi wa ifhun mu bilo bi ntod,asa mu iwa isse na ko kel mulim ande. ³⁵ Me mwe kobun munda izwa ke bini ba ngako,kel we ne me Lisa nswe,si munda bilo bin bibi kel imbe-imbe,mu mpil bini li bi wa ko kel Nziem iwine mataam. ³⁶ Sinkid ne mud mumo a tiemen ne awolo we lizing linde mu lizid,itsin mantiemen ma nde ma fha mama lwid ngol,amu baal bun bo zwel nde. ³⁷ Ikel we lisum.Si kid ne nde wel likan le iwun baal,ikel we mu manan-manan,akwi mu iku bital,ikal si ku ibwed kid ne nde amu beel we. ³⁸ Kobun wun wo beel wo ken nde a sel ku ibwed,si wun wo pwen ne aka baal ande,akid ku ibwed ke lwidil. ³⁹ Mukad anama andi mulim ande tel ba kel bo mu mabeel.Si kid ne mulim wun fhi,akel ani nswa mu ibaal mulim wun wo zwel nde,si ikal mu bi anziem. ⁴⁰ Ehee mu isemes i me,nde akal mu isse kid ne nde akel mu izing bun bo kel nde.Me mu liel bu,me ntiemen ne me nkel si ani mpev-a-santu ye Nziem.